Job 1:5 - Udél Dwata: Gna Kesfasad ne Lomi Kesfasad

⁵ Ke sok deng yóm kdaw gel kmò le ken, yó gel nmò Job gotu hfangayen lu anì nan e bud hfólós lu. Tódô hlafus btik nan e demsù yóm dsù gel hkekeb le ebè Dwata bè ket yó kem ngaen. Yó gónón mò du yóm yó, abay se hendemen déke wen sotu bélê le deng wen gónóhen gemsalà bè Dwata ne deng wen gmon le sidek eta Dwata, yóm là lenbù le du. Ni se yóm tendo gel nmò Job bè yó kem ngaen.

Job 1:5 Referans Kwoze

Job 42:8

Yó gónóm mon, mit ye ebè Job hitu safì tudu ne hitu se ubiha logi mò dsù hkekeb ye bè yóm kuy knô. Angat mni bélê ye Job yóm tau tóbóng lówóhu ne angat bnalau yóm hnihen yó ne là kô tafaku du kuy yóm tafak mò bang bayad yóm salà nmò ye. Yó tô gónóhu tmafak kuy abay se là tódóen yóm deng tulón ye lemwót gu béléu lómón yóm deng kun nmò Job yóm tau tóbóng lówóhu.”

Tekang Kbuten 8:20

Tikóng le deng gotu hewà, wen botu sensodò Nuwa mò gónón demsù ebè Dwata. Ne wen nwahen bè ket kay yó kem ógóf ne onuk koyu gel henmóyô Dwata mò dsù le ebéléen ne hkekeben ta yóm gónó demsù yó.

1 Samwél 16:5

Bnalà Samwél se lu, monen, “Laen dù sidek du. Yó nógówu naw e demsù ebè Dwata, hfólós ye knô ye anì mung ye do demsù.” Omin Samwél stulón ke Jisi anì hfólósen knóen dalang se yó kem ngaen anì mung le du bè yóm kedsuen.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Kul Nmò 8:22

Hegseli dé bè yóm tey sidek tô atulem ni,” mon Pitér, “ne holi mni bè Dwata anì hnifóten béléem yóm alì ksidek kehedemem yó.

1 Bok Kem Tau Hol Geta 21:13

Ominen wen lewu tau gel mò sidek sut, ne myón le bè solu Nabot. Yó nmò le, klamo le bè yó bè gónón wen, klamo le yóm deng kehmulaen ke Dwata ne homongen lemen yóm tau hol geta. Duhen yó, nwit le ebè lewà yóm syudad le ne hnatay sentudà le botu.

1 Bok Kem Tau Hol Geta 21:10

Omin ye mebel lewu tau gel mò sidek mò kmamo du igoen myón bè yó. Yó klamo le du mon le, deng henmulà Nabot Dwata homongen lemen yóm tau hol geta. Omin ye mit ke Nabot hewà ne hnatay sentudà ye botu.”

Tekang Kbuten 22:3

Tahu se, hol hlafus bè yó, wen koyu nsô Abraham mò snuken yóm hedsù Dwata du. Ominen lemulón du ta yóm kudà asnu ne niten Isak. Ne wen lewu bè yó kem gel tóbóng lówóhen bud nwiten. Mógów le ebè yóm benwu deng tulón Dwata du.

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Kul Nmò 21:26

Tahu se, tódô nmung Pol yóm atul le yó. Hayahen bè yó, nwiten yó kem fat tau, ne lolò le yóm sana hlolò lemwót bè khólós le. Kogolen bè yó, omin Pol husek elem Gónô Dwata, tulónen bè yó yóm kdaw kehdeng le du yóm khólós le, ne yóm kdaw kwen hedsù le ebè Dwata, yóm ket kul na sotu.

Kun Snulat Luk 18:7

Milud he kofin Dwata yó kem kun tau tendo gel mni tóbóng béléen ket kdaw ne ket kifu. Là kô feng gnanggaen kul.

Kun Snulat Jan 11:55

Deng bud moni ne yóm mò ken bong yó kem Ju bè yóm Kdaw Khius. Okóm gu laanen là deng hto, tey dê tau lemwót bè yó kem dumu benwu hmilol, gotu le subô ebè Jirusalim anì na le e nmò yóm sana kul hlolò bè khólós.

Kun Snulat Luk 1:75

ne anì mólós yóm kmò ktonen tekuy, ne tedeng kmò tekuy efet kól bè kukol towok tekuy.”

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Kem Lingón 5:3

Hnungolem, Dwata, yóm knihu béléem ke hlafus. Ket hlafusu tendo tmulón du kóm yóm hnihu, tódô eles tngónu yóm angat kbalaem dou.

Job 2:9

Yó mon yehen Job mò ke Job, “Tolohi hgulit bè Dwata he kô? Henmulaem Dwata dé anì géhéli matay.”

Job 1:11

Okóm ni, ke gotu nwahem yóm kdê nfunen, ngem kà angat mulék henmulaen kóm.”

Kehewà 19:10

Ne yó bud mon Dwata mò du, “Mógówi ebè yó kem tau, tulónem kul eles hólós le knô le kemdaw ni ne haya bè yóm kehloni le ebéléu. Hol nfuk le kem nes le.

Kehewà 18:12

Omin Jitru demsù yóm ógóf hkekeben ebè Dwata ne wen yó kem dumu dsuen ebéléen mò ken le. Ne hyu mung bè yó Aron ne kdê yó kem tau malak yó kem tau Israél mò dumuhen mken du yóm ken dsuen yó mò gónó le dmóyón ke Dwata.

Tekang Kbuten 6:5

Bè yóm kton Dwata du yóm alì kmò le sidek yó kem tau talak tonok ne yóm là kólós yó kem gel nô lem hendem le,

2 Kurin 11:2

Yó gónóhu tmulón du kuy nim ni, abay se sidek kélés nawahu kuy, hol lómón yóm kun kélés nawa kuy Dwata. Yó gónóhu e hmingón kuy, lómón ke sawang ye libun deng fen lenintihu ebè yóm sotu tau, duhen Krays.

1 Bok Kem Tau Hol Geta 18:31

Wen sfolò lewu botu nwahen, hningónen yó kem sfolò lewu ngà Jakub logi yóm tau tehe gónó Dwata e mudél, monen mò du, “Israél bud boluyem.”

Kehewà 24:5

Ne dóken yó kem logi lomi lemnok na a ma yó kem safì logi lemnok mò dsù le. Wen se dsù mò hekekeb le ebè Dwata ne wen se dsù mò ken le gónó le dmóyón ke Dwata.

Job 1:4

Yó gel nmò le ket halay yó kem ngà Job logi, ke gel kól yóm kun kdaw ksut yóm sotu, wen ken bong gel nmoen bè gónóen. Gotu tinoken yó kem dumun setwoli anì mung le hligal béléen.

Job 6:14

Bè nim tey gbunuu ni tey hyu ke wen kem weu hemyu nawaw, okóm kuy mom dnelem ye o. Bè nim nmò ye béléu ni laen kô dù klikò ye ke Dwata yóm Dwata alì gembek.