Job 1:3 - Udél Dwata: Gna Kesfasad ne Lomi Kesfasad

³ Botong hitu libu ubihahen ne tlu libu kamélen ne lemibu safien ne limu latu kudà asnu libunen. Tey wen kem tau mò nmò béléen. Bè ktahuhen, bè kdê yó kem tau menwu fi dmata kdaw, du se yóm alì wen kendengenen bélê le.

Job 1:3 Referans Kwoze

Job 42:12

Duhen yó, ya tey bud kuyag Dwata ke Job bè yóm dù kdawen mowil, mkay bè yóm gnahen he yóm bud któbóngen du ni. Yó bud kdê ubiha Job, botong sfolò fat libuhen ne nem libu kamélen ne lewu libu safien ne lemibu kudà asnuhen.

Kmukum 6:3

Ket kmò le hulu yó kem tau Israél kulel gel kundug le kul yó kem tau Midyan, mung kul yó kem tau Amélék ne yó kem dumu tau gel nô bè yóm benwu laen hol wen tauhen fi dmata kdaw Él Jurdan.

1 Bok Kem Tau Hol Geta 4:30

Yóm khulung Selumun hedem, hol mkay senta yóm kdê tau temngón fi dmata kdaw ne kem tau temngón bè Idyip.

Lista 23:7

Yó udél htugod Dwata ke Balaam, monen, “Yó hfangay do lemwót bè Sirya, gu bè yó kem bulul fi dmata kdaw duhen Balak yóm tau hol geta bè Muab. Yó tinoken ebéléu, monen, ‘Nam mógów do edini, nam mudél do. Henmulaem lu do yó kem tau Israél.’

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.

Tekang Kbuten 12:16

Lemwót bè Saray gónón alì hyu knawa Faro ebè Abram. Yó gónón bemlay du yó kem tey ubiha ne yó kem kambing ne yó kem safì ne yó kem kudà asnu ne yó kem hesek ne yó kem kamél.

Tekang Kbuten 12:5

Bè yóm kewót Abram yó, nwiten Saray yóm yehenen, ne Lat yóm ngà twoguhen ne kdê yó kem kendengen le, ne kdê yó kem hesek deng nwa le bè Haran. Tódô le lemwót, mógów le etu bè yóm benwu boluyen Kanan. Timbow le kól ditu bè Kanan,

Tekang Kbuten 29:1

Ngang Jakub mógów efet kól bè yóm benwu fi dmata kdaw.

Tekang Kbuten 13:6

Yó gónóm mon, laen hol gónó le hótób ógóf le ke hlós keslomong le yóm lewu le, abay se tódô sket kul genged ógóf le.

2 Tutul Israél 32:29

Lemwót bè yóm tey kwen kendengen blay Dwata du, wen kem syudad hefdaen, ne tey kwen yó kem ógófen.

2 Tutul Israél 26:10

Wen se kem gónô geta mbegel hefdaen ditu bè yóm benwu laen hol wen tauhen, ne tey wen kem kokol hokolen bè yó snéen, abay se tey wen kem ógófen nô bè yó kem but bulul bè Juda ne bè yó kem datalen. Tey móyô mò nmò bè tonok snéen. Tey wen kem tau mò nmò béléen mò semgifà yó kem huluhen ne yó kem gónón hmulu grép bè yó kem but bulul ne bè yó kem gónón hyu tonok.

1 Samwél 25:2

Bè yó bè Maun, wen tau alì kwasa nô bè yó ne wen tonoken nô bè Karmél. Botong tlu libu ubihahen ne lemibu kambingen. Bè yóm kdaw yó tolo nungusen bul yó kem ubihahen ditu bè Karmél.

Kmukum 6:5

Bè yóm ksut le, gotu nwit le yó kem ógóf le ne yó kem kamfù le. Ya tey kwen le lómón ksut tlangas. Yó kem kamél gel snakay le, là kô gbekem msó kul. Ngang le nô bè yó efet gotu mekfung hulu yó kem tau Israél.

Tekang Kbuten 34:23

Ke nmò tekuy nim ni, kdê yó kem ógóf le ne kdê kem nfun le, angat tekuy funen. Henmóyô tekuy ne nim hlolò le kut ni anì nô le lem blóng tekuy.”

Tekang Kbuten 25:6

Okóm bè yóm tolo klowilen, wen se blayen bè yó kem dumu ngaen bè yó kem dumu yehenen boluy le Hagar ne Kitura. Yó kem ngaen bè Kitura, fen hbenwuhen lu bè yóm benwu fi dmata kdaw, hlayuken lu bè yóm ngaen Isak.

Kmukum 8:10

Blaem lemwót yóm lewu kem tau hol geta bè Midyan, le Siba lewu le Salmuna, deng le nô ditu bè yóm sotu benwu boluyen Karkur, mung kul yó kem sendalù le. Yó kem sendalù dù tebel lemwót bè yóm benwu laen hol wen tauhen fi dmata kdaw Él Jurdan ne tek le sfolò limu libu duen. Deng le gotu matay yóm lematu lewu folò libu kem dumu le.

Kmukum 7:12

Gotu le lememek kmamfù bè yó bè datal yó kem tau Midyan ne yó kem tau Amélék ne yó kem tau lemwót bè yóm benwu laen hol wen tauhen fi dmata kdaw Él Jurdan. Lómón kwen le lómón tlangas lememek te tonok. Yóm kwen yó kem kamél le lómón kwen le helek bè kilil mohin, là gbekem msó kul.

1 Samwél 27:9

Ket benwu nundug Dabid balù sotu tau ke wen tebelen du logi duhen libun, gotu hnatayen. Gotu nwahen yó kem ubiha le ne yó kem safì le ne yó kem kudà asnu le ne yó kem kamél le ne kem nes le. Ominen yó mulék ebè Akis.

Job 1:4

Yó gel nmò le ket halay yó kem ngà Job logi, ke gel kól yóm kun kdaw ksut yóm sotu, wen ken bong gel nmoen bè gónóen. Gotu tinoken yó kem dumun setwoli anì mung le hligal béléen.

Job 1:10

Yóm gel nmoem béléen ni kmoen ni, deng tódô senflósem gel kemlung du dalang se yó kem fes lówóhen ne kdê yó kem nfunen. Tódô kdê yó kem gel nmoen tey gel kuyagem du. Yó gónóm mon, tey wen ógófen, botong tô lenngeben yóm benwuhen.

Job 31:25

ne ke yó buten yóm kligalu lemwót bè yóm kwen kendengenu ne lemwót bè yóm kdê nfunu, Dwata he hol tmafak do.

Job 31:37

Ke deng tonu yóm delemen do yó, gotu tulónu du yóm kdê deng nmou ne laen kô dù kenyaku bè yóm kdau bè soluhen.

Job 42:10

Timbow deng kogol yóm kni Job bè yóm tlu kem ween, ya tey bud kehdengen Dwata du. Botong lewu duléken bud hulék du ebè Job yó kem deng lana béléen.

Tekang Kbuten 24:35

Tey deng bong któbóng Dwata du yóm gónóhu mogot yó ne deng henbalingen tau bong kendengenen. Tey wen ubihahen ne kambingen ne safien. Wen se tahu blówónen ne wen se blówón bukayen. Ke bè kem heseken, wen se kem hesek logihen ne wen se kem hesek libunen. Tey wen se kem kamélen ne tey wen se kem kudà asnuhen.

2 Samwél 12:2

Yóm tau wen kendengenen ni, tey wen ubihahen ne safien.