Job 1:11 - Udél Dwata: Gna Kesfasad ne Lomi Kesfasad

¹¹ Okóm ni, ke gotu nwahem yóm kdê nfunen, ngem kà angat mulék henmulaen kóm.”

Job 1:11 Referans Kwoze

Job 2:5

Okóm ni ke hensidekem lówó Job, ngem kà angat tey sidek kehmulaen kóm.”

Job 19:21

Yu se yó kem dou wè, hol knodu ye o. Deng dnofien o Dwata.

Deng Hegfan 16:11

Tey kehtolo le yóm Dwata nô bè longit lemwót bè yó kem tey dê tenduk le ne bè yóm alì kdes bkukang le. Okóm là kô dog knogol le du yó kem sidek nmò le.

Deng Hegfan 16:21

Ne tey bulók kulón lembang btang gu bè longit, na limu folò kilu keblat le. Gotu le btang eta yó kem tau. Ya tey sidek kehtolo le ke Dwata lemwót bè nim tey bulók kulón alì hmayam kul ni.

Deng Hegfan 16:9

Tahu se. Gotu le mluf yó kem tau. Deng mom sónmò le hemtolo ke Dwata, abay se du yóm wen kfasangen mò du ni kem hlayam ni. Okóm là dog knogol le du yóm sidek nmò le, ne là se dog dóyón le ke Dwata.

Sikaraya 2:8

Yó bud udél yóm hógów Dwata, monen, “Angat megdóyón bélê ye yóm Dwata laen dù là gbeken du, lemwót bè yóm khógówen do ebè tu kem benwu deng tehe megef kimu ye mò tmafak kul, abay se yóm tau deng hemsidek kuy, hol lómón ke deng hensideken yóm hol mebtes bè Dwata.

Isaya 8:21

Bè yóm kdaw angat keglayam le, yó nmò yó kem tau sónmò le mógów. Tey sidek keblat nawa le ne tey sidek kbitil le. Lemwót bè yóm kbitil le ne bè yóm kebut le yó gónó le hemtolo yóm tau hol geta bélê le ne gomong hentolo le Dwata snéen. Baluen ke temngel le eta bè longit,

Kem Lingón 105:15

“Hol bê ye abay hensidek lu yó kem dou tau nélék. Ne yó kem tugodu elem blóng le, bê ye abay hensidek lu.”

Job 4:5

Okóm ni, na a uu wen gbunuen, tódói hmung là gbekem mbô du.

Job 2:9

Yó mon yehen Job mò ke Job, “Tolohi hgulit bè Dwata he kô? Henmulaem Dwata dé anì géhéli matay.”

Job 1:21

Yó monen, “Bè yóm tehe ksutu gu bè yê, tódóe hlówó ne bè yóm angat katayu bude tódô hlówó snéen. Deng gotu blay Dwata do yóm kdéen deng nfunu ne ni deng gotu bud nwahen. Yake hol megdóyón yóm kun boluy.”

Job 1:12

Yó mon Dwata mò ke Seitan, “Yó ne, tódô kdê yó kem nfunen gotu suu lem hólólem. Okóm hol béem abay hendes ke Job kun.” Tahu se, lemwót bè yó Seitan bè solu Dwata.

Job 1:5

Ke sok deng yóm kdaw gel kmò le ken, yó gel nmò Job gotu hfangayen lu anì nan e bud hfólós lu. Tódô hlafus btik nan e demsù yóm dsù gel hkekeb le ebè Dwata bè ket yó kem ngaen. Yó gónón mò du yóm yó, abay se hendemen déke wen sotu bélê le deng wen gónóhen gemsalà bè Dwata ne deng wen gmon le sidek eta Dwata, yóm là lenbù le du. Ni se yóm tendo gel nmò Job bè yó kem ngaen.

Tekang Kbuten 26:11

Omin Abimélék hemwit udél ebè kdéen tau, monen, “Ke wen tau temdól kul ni kem tau ni lewu le yehenen, angat hnatay kmò du.”

Deng Hegfan 12:10

Ne tódô gungolu se yóm tey mudél gu bè longit, monen, “Deng duhen ni se kehtohen yóm kdaw kehewà Dwata yó kem kun tau. Deng hegfan Dwata ne yóm kun kfasang mogot yóm klamangen. Deng gfan snéen yóm kun kwalis yóm kun Misaya, yóm deng tehe néléken. Yakà deng tudà le ke Seitan etlaan. Du se tendo tehe gel dmelem bè solu Dwata yó kem tau hemtahu. Tódô seflós kdaw ne kifu tendo gel kdelemen kul.

Isaya 65:3

Sónmò le hefebut dou yó kem tau yó, laen kô yak le. Wen gónó le gel demsù ebè yó kem dwata kéng lem blóng yó kem hulu hmilol kul gónô ne gel le mtem insinsu bélê le bè yó.

Job 2:3

Mon Dwata se mò du, “Tonem Job kô, yóm tau tóbóng lówóhu? Laen dù tau talak tonok ke gemsenged du. Laen dù gónó le gemsanil du kem dumu tau. Tau gulit knawahen, lelen tey klikoen do ne tendo gel hetsik bè yóm sidek. Efet yóm kmoen ni, tey kguliten balù yóm tey kubugem dou anì lusu uu mò hemsidek du balù yóm klaen dù duónem du.”

Job 2:6

Ne yó gónó Dwata mon du mò ke Seitan, “Yó ne suu lem hólólem, okóm hol béem abay hnatay.”

Job 2:7

Tahu se. Lemwót Seitan gu bè solu Dwata, tódô hlós ebè Job ne gotu hesuten bè lówó Job yó kem tey hisa wen lenwóten laan tihen efet kól bè kuluhen.