Job 1:10 - Udél Dwata: Gna Kesfasad ne Lomi Kesfasad

¹⁰ Yóm gel nmoem béléen ni kmoen ni, deng tódô senflósem gel kemlung du dalang se yó kem fes lówóhen ne kdê yó kem nfunen. Tódô kdê yó kem gel nmoen tey gel kuyagem du. Yó gónóm mon, tey wen ógófen, botong tô lenngeben yóm benwuhen.

Job 1:10 Referans Kwoze

Kem Lingón 34:7

Wen hógów Dwata gu bè longit gel mentey yó kem tau wen klikò le du, ne lenwaen lu bè yó kem gónón wen gfà le.

Sikaraya 2:5

Yakà ou du yóm ofi beng hmilol yóm syudad Jirusalim ne bud ou yóm klóón tendo nô lemen. Dwata se mon du nim ni.’ ”

1 Pitér 1:5

Hono kuy se funen yóm hyu yó. Ne lemwót bè yóm kehtahu ye, tódô senflós Dwata mofin kuy mlan bè yóm tey kegbeken. Yó gónón mofin kuy, abay se deng eles wen ne yóm klowil laen du sónen angat blayen tekuy, yóm hegfanen bélê tekuy bè yóm hol són kdaw.

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.

Sikaraya 2:8

Yó bud udél yóm hógów Dwata, monen, “Angat megdóyón bélê ye yóm Dwata laen dù là gbeken du, lemwót bè yóm khógówen do ebè tu kem benwu deng tehe megef kimu ye mò tmafak kul, abay se yóm tau deng hemsidek kuy, hol lómón ke deng hensideken yóm hol mebtes bè Dwata.

Job 31:25

ne ke yó buten yóm kligalu lemwót bè yóm kwen kendengenu ne lemwót bè yóm kdê nfunu, Dwata he hol tmafak do.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Kem Lingón 107:38

Tey któbóng Dwata yó kem kun tau, ne tey kehbólen kul. Balù yó kem ógóf le, laen kô mtón bélê le.

Kem Lingón 90:17

Hol senflósem kmudung kum, Dwata, yakà uu du yóm mogot kum. Knudungem mi anì wen gónón e kól yóm kdê nmò me.

Dwata 7:13

Yó nmoen bélê ye, kenbong nawahen yu ne tendo tnóbóngen yu ne hbólen yu ne hwenen kem ngà ye snéen. Angat hbunguhen yó kem hulu ye, yóm halay ye ne yóm grép ye ne yóm koyu ulib ye. Angat hwenen yó kem safì ye ne kem ubiha ye snéen. Angat gotu blay Dwata kuy ni kem kdéen ni ke deng ye kól ta yóm tonok blayen kuy, yóm tonok deng tehe fasaden yó kem tehe fù ye mò blayen kuy.

Tekang Kbuten 26:12

Bè yóm knô Isak bè yó bè Girar, wen tey hulu nmoen. Lemwót bè yóm gel któbóng Dwata du tey bong yóm gel tebasen botong lematu bud gel ulék yóm huluhen.

Isaya 5:5

Ni se angat nmou bè yó kem huluhu yó. Angat kóhu labaten ne gotu lenbau yóm beng mbegel hilolen anì wen lan le elemen yó kem ógóf lem bnes ne anì ken le ne snóyów ndà le.

Isaya 5:2

Hyu senbwólen yóm tonoken ne gotu kóhen yó kem botuhen. Ne wen tinu grép alì hyu huluhen bè yó. Ne wen se gónô geta hdaen bè yó mò gónó le nô yó kem tau mentey du. Ne eles wen sol nmoen bè botu mò gónón smóyów mdà yó kem bungu grépen. Ominen yó mangat yóm klélélen. Okóm bè yóm deng kutahen du mom hono msom.

1 Samwél 25:16

Bè ktahuhen, kifu ne kemdaw lómón ke lu yóm beng hmilol kum dalang se yó kem ubiha me.

Dwata 33:27

Ebè yóm sana kuy Dwata se gónó ye e mlo. Laen kô dù nan e tul són yóm tendo ktuden kuy. Bè yóm kehlós ye elem yóm benwu fasad Dwata kuy, eles tukô gna kuy Dwata. Deng gotu lohen yó kem hohon ye ne heglaen kuy yóm kdê le.

Kem Lingón 71:21

Angat tey bud kehegetahem dou, ne bud henyuhem nawahu.

Job 42:12

Duhen yó, ya tey bud kuyag Dwata ke Job bè yóm dù kdawen mowil, mkay bè yóm gnahen he yóm bud któbóngen du ni. Yó bud kdê ubiha Job, botong sfolò fat libuhen ne nem libu kamélen ne lewu libu safien ne lemibu kudà asnuhen.

Tekang Kbuten 49:25

Yóm Dwata gel tmóbóng kóm Jusif, yó se kun Dwata maem, yóm Dwata laen dù là gbeken du, du se yóm gel tmóbóng kóm. Yó tóbóngen kóm, gel hkulónen gu tta gu bè longit ne gel hetbulen yó kem él laan tonok. Tey kehbólen du yó kem ógófem, dalang se yó kem ngaem.

Kem Lingón 80:12

Moen de, Dwata, ke genbaem labat hilolen yóm huluhem yó? Nénégem ket tau miwes, ket tódô temsob ma bunguhen.

Kem Lingón 5:12

Yakà tey któbóngem kul, Dwata, yó kem tau tedeng kmò le. Yóm kbong nawahem kul yó se mò kemlung kul.

Dwata 33:11

Ó Dwata, hol tnóbóngem nim sfu Libay ni anì hol le mbegel. Hyu ke holi hligal du bè yó kem gel nmò le. Genlaem yó kem hohon le, béem bud hlowil lu.”

Tekang Kbuten 39:5

Lemwót bè yóm knô Jusif bè yó, tey któbóng Dwata du yóm tau Idyip gónóhen nô, gomong yó kem tau nogoten ne kdê yó kem ngom lem gónóen kkólen bè yó kem huluhen.

Job 1:3

Botong hitu libu ubihahen ne tlu libu kamélen ne lemibu safien ne limu latu kudà asnu libunen. Tey wen kem tau mò nmò béléen. Bè ktahuhen, bè kdê yó kem tau menwu fi dmata kdaw, du se yóm alì wen kendengenen bélê le.