Jirimaya 9:6 - Udél Dwata: Gna Kesfasad ne Lomi Kesfasad

⁶ Sónmoen temnù yóm kéng gel tulón le. Là kô le bud móyô mulék ebéléu,” mon Dwata.

Jirimaya 9:6 Referans Kwoze

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Jirimaya 20:10

Deng tey dê gungolu udél le etahu. Yó boluy le do, ‘Tau Tendo Likò.’ Ne yó eles mon le mò dou ke bud wen dumu tulónu, angat klamo le o. Balù yó kem tehe weu, sónmò nangat le ke wen gónóhu btang bè udélu. Mon le, ‘Hyu ke wen gónón gholot mò gónó tekuy gembeles béléen.’

Kem Udél Hlalak Tehe Selumun 1:29

Yakà yó duónen, laen dù óyô ye du yóm dou ketngón ne mom kenbê ye madat ke Dwata.

Kem Udél Hlalak Tehe Selumun 1:24

Ket kiwólu deng tmaba kuy sbol tinoku yu, okóm là kô ye móyô hmungol ne là se kô kenmón ye do.

1 Kurin 15:34

Hol nulék nawa ye dé yóm hyu deng dnalang ye, ne hol tenflok ye yóm kmò ye sidek. Tódô tulónu kuy, tolo wen he bélê ye yóm là deng temngón ke Dwata. Là kenyak ye du kô yó?

Jirimaya 18:18

Ne yó udél yó kem tau, mon le, “Yake mebel tekuy lan anì teflok yóm gel tulón Jirimaya. Laen kô dù mu tekuy du yóm gel tulónen. Deng wen kut tau blóng ebè Dwata nô bélê tekuy ne wen se kem kut tau temngón ne wen se kem kut tugod ebè Dwata nô bè ni. Laen kô mu tekuy du yóm toloken tekuy ne ke hnauhen tekuy ne ke tô wen tulónen tekuy. Mò tekuy tulón gbak etahen, bê tekuy abay kenmón yó kem gel monen.”

1 Samwél 2:12

Wen lewu kem ngà Ili logi bede hono sidek yóm gel nmò le, snonol le Dwata, là kô nadat le du.

Isaya 1:3

Mom hyu he yó kem safì gotu tngón le yóm fun le. Senged se yó kem kudà gotu tngón le yóm gónón hemken kul yóm kul fun. Bede yó kem dou tau Israél là kô tngón le du kul. Bà udì ke glileb le yóm deng nmou bélê le.”

Isaya 1:25

Bnalau ne yó kem sidek gel nmò ye. Yó kmou kuy hol lómón yóm tau gel tmógó blówón anì mkó yóm bolen. Lómón yó se yóm angat nmou bélê ye anì gotu mkó yóm bolen sidek yóm gel tonu bélê ye.

Husiya 11:8

Ó kem tau Israél, mò tô keblayu kuy elem hólól yó kem hohon ye du? Mò tô kbayau kuy bélê le du? Là gbeku du ke sulék genlau yu lómón yóm tehe keglau yóm lewu kem benwu Adma ne Sibuim. Lebà nawaw ke yó tô nmou. Tey mget yóm kbong nawaw kuy.

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”