Jirimaya 9:5 - Udél Dwata: Gna Kesfasad ne Lomi Kesfasad

⁵ Ket tau, snukaten kem dumun. Laen kô dù bélê le tmulón yóm ktahuhen. Hono kéng btang bè sumóng le. Botong le miteg bè yóm kmò le salà.

Jirimaya 9:5 Referans Kwoze

Hbakuk 2:13

Yóm tey kliteg le yó kem tau hefdà du yóm benwu yó, okóm wen dumu benwu angat bud gmida du gotu ntem le, gotu baling kohù yóm kdéen. Tey kehmò le du, okóm laen kô dù uléken. Yó se deng fasad yóm Dwata laen dù là gbeken du.

1 Timuti 4:2

Ni kem tolok ni, fen hból yó kem tau hulung mò kéng, tau hulung smukat. Bè yóm deng alì kegedlug tendo kmò le kéng, yó se mit kul là bud dmilô du yóm tahu.

Ifisus 4:25

Duhen yó, hol bê tekuy abay bud mò kéng sen. Tódô gel tulón tekuy yóm ktahuhen bè kem dumu tekuy hemtahu, abay se deng kuy ssotu bè kun lówó Krays.

Mika 6:3

Ó kem dou tau, tedu se deng nmou bélê ye du ke deng mom knogol ye ou? Bnalà ye o, tedu se deng nmou gónóhu htakas kuy du?

Jirimaya 9:8

Yóm sumóng le hol lómón ke lewet mò hmatay tau. Tey tilob gel kestulón le bè yó kem dumu le sebét, anì monem mò lan le hmatay kul.

Jirimaya 9:3

Yó udél Dwata, monen, “Sónmò le tmulón kéng yó kem dou tau, là ndà le du yóm ktahuhen. Sónmoen temnù ksideken yóm gel nmò le. Laen dù bud nawa le ebéléu,” mon Dwata.

Kem Udél Hlalak Tehe Selumun 4:16

Yakà là kô le gtungô ke là nan wen sidek nmò le, duhen ke là nan wen dumu tau nwit le mò sidek.

Kem Lingón 140:3

Tey des yóm udél gel btang bè sumóng le, hol lómón ékét ulal, ne tey des kudél le, hol lómón alas sedof.

Kem Lingón 64:3

Tey telem dilak le, hol lómón ktelem yóm sudeng sbalà bak. Yóm kdes yóm udél le, hol lómón kdes yóm bak hanak gónó matay.

Kem Lingón 50:19

Hono sidek yó kem udél gel btang bè sumóng ye, ne mahil bélê ye tmulón kéng.

Kem Lingón 7:14

Yó kem tau mò sidek, deng eles natul le yóm sidek nmò le. Natul le yóm kmò kesbeweg le tau, ne són smukat nmò le.

Tekang Kbuten 19:11

Omin le gotu hbutô kul yó kem logi nô bè lewà yó koni anì là ton le du yóm bak dól.

Kem Lingón 52:3

Alì henlom nawahem yóm sidek senta yóm hyu, ne yóm kéng senta yóm ktahuhen.

Jirimaya 7:28

Hol tulónem kul, monem, ‘Ni se sotu but tau là kô na le e nimón du yóm sana kul Dwata hol gónó mogot. Là kô le móyô ke wen tô semtódô kul. Deng lana lem blóng le yóm ktahuhen, là kô bud gungolem du btang bè sumóng le.

Jirimaya 12:6

Balù yó hem logi hol dumum sulil-lem hol kóm fes lówó, deng gbót hohon le uu. Hol béem abay snalig lu baluen ke tey tilob kmò le ebéléem.” Là gomongen bè nili yóm bérs 7 kól bè bérs 13. Yó tulónen bè ni kem bérs ni yóm alì kekbê Dwata du yó kem salà nmò yó kem tauhen, lelen tey sidek kegnómen du yóm tódô kbayaen kul elem hólól yó kem hohon le, yó kem tau angat gemlà kul ne gembà yó kem benwu gónó le nô.

Malakay 2:10

Là tek sotu du kô yóm Mà tekuy kem tau Juda? Là tek sotu du kô yóm Dwata tehe mifil tekuy? Na ke lómón yó, moen de ke deng mom nulé tekuy yóm deng senfasad tekuy? Moen de ke deng mom genbà tekuy yóm tehe kesfasad le Dwata yó kem tehe fù tekuy?

Kmukum 2:10

Timbow le deng gotu matay se kul yó kem tau Israél tolo mowil bè yóm kdaw yó, lemwót yó kem lugod le tmodol huli kul, deng mom knogol le yóm sana kul Dwata hol gónó mogot, klifót le yóm deng tehe nmoen bè yó kem tau Israél.

Kem Udél Hlalak Tehe Selumun 12:5

Yó kem atul yó kem tau tedeng kmò le hono tedeng, okóm yó kem tau gel mò sidek yóm kul udél hlalak hono sukat.