Jirimaya 9:4 - Udél Dwata: Gna Kesfasad ne Lomi Kesfasad

⁴ “Elesi temgama bè yóm dumuhem sebét. Hol béem snalig yóm hol dumum sulil-lem. Yakà tódô kdê le du hulung smukat, ne kdê le sal gel tnulón le kéng kem wè le.

Jirimaya 9:4 Referans Kwoze

Jirimaya 6:28

Tódô kdê le gotu kmogol do kem tau hensidek le boluy kem dumu le. Tey mgel kulu le lómó kgelen bala tók, lelen mahil bélê le mit kem dumu le mò sidek.

Matyu 10:21

Bè yóm kdaw yó, angat wen se tau setwoli, glef hekfô le yó kem kul dumu setwoli ne hfatay le. Ne wen se kem mà, glef hekfô le yó kem kul ngà ne hfatay le. Dalang se yó kem ngà, glef hekfô le kem kul tuha ne hfatay le.

Hlolò 19:16

Bê ye abay tódô lenbù tnulón kéng kem dumu ye. Ne ke wen tau tô kukum le du hatay, hol tulónem bè kukum ke wen tngónem gónóm gemtóbóng du. Ou se yóm hol gónó mogot.

Jirimaya 12:6

Balù yó hem logi hol dumum sulil-lem hol kóm fes lówó, deng gbót hohon le uu. Hol béem abay snalig lu baluen ke tey tilob kmò le ebéléem.” Là gomongen bè nili yóm bérs 7 kól bè bérs 13. Yó tulónen bè ni kem bérs ni yóm alì kekbê Dwata du yó kem salà nmò yó kem tauhen, lelen tey sidek kegnómen du yóm tódô kbayaen kul elem hólól yó kem hohon le, yó kem tau angat gemlà kul ne gembà yó kem benwu gónó le nô.

Kem Udél Hlalak Tehe Selumun 25:18

Yóm tau tmifù kéng hnayamen kdumun lómón ke hlayamen du bogul duhen ke sudeng ne duhen ke hanak.

Kem Udél Hlalak Tehe Selumun 10:18

Mò kéng yóm tau hnalaen yóm kutó nawahen ke dumun. Ne yóm tau hensideken boluy kem dumun, book.

Kem Lingón 15:3

ne là sidek kbaken ebè kem dumuhen. Laen kô dù sidek nmoen bè yó kem ween, ne là gel sentulónen kem dumuhen sebét.

Tekang Kbuten 32:28

Ne yó bud mon yóm tau yó, “Lemwót bè yóm deng khotuhem gelem ebè Dwata ne bè tau, yó gónóm matù. Là bud Jakub du ne boluyem. Yó tles boluyem, Israél.”

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Kun Snulat Luk 21:16

Bè yóm kdaw yó,” monen, “mom yó angat kmamo kuy, yó kem kuy tuha ne yó kem dumu ye setwoli kkólen bè yó kem dumu ye setwoli eddoli ne yó kem wè ye. Angat wen se hfatay le bélê ye.

Matyu 10:17

Eles ye temgama, abay se angat wen kem tau kemfô kuy, nit le yu ebè yóm gónó skukum, ne nabid nfes le yu bè yó kem kul gónô gel stifun yó kem Ju.

Kem Udél Hlalak Tehe Selumun 6:19

Gnemen yóm tmifù kéng ne ghituhen yóm tau hesfatayen kem dumu tau.

Kem Udél Hlalak Tehe Selumun 6:16

Wen nem kay nmò knutó nawa Dwata, o, hitu dé yóm alì kenliten. Ne ni sii lu:

Kem Lingón 101:5

Là kô tódô bayau du kul yóm gel ktifù le kéng bè kem dumu le sebét ne yó kem tau heklabak ne kem tau hegeta knô.

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Jirimaya 9:8

Yóm sumóng le hol lómón ke lewet mò hmatay tau. Tey tilob gel kestulón le bè yó kem dumu le sebét, anì monem mò lan le hmatay kul.

Malakay 2:10

Là tek sotu du kô yóm Mà tekuy kem tau Juda? Là tek sotu du kô yóm Dwata tehe mifil tekuy? Na ke lómón yó, moen de ke deng mom nulé tekuy yóm deng senfasad tekuy? Moen de ke deng mom genbà tekuy yóm tehe kesfasad le Dwata yó kem tehe fù tekuy?

Kem Udél Hlalak Tehe Selumun 4:16

Yakà là kô le gtungô ke là nan wen sidek nmò le, duhen ke là nan wen dumu tau nwit le mò sidek.

Kem Udél Hlalak Tehe Selumun 4:17

Yó kem sidek nmò le lómón ke henged ken le ne él ninum le.