Jirimaya 9:3 - Udél Dwata: Gna Kesfasad ne Lomi Kesfasad

³ Yó udél Dwata, monen, “Sónmò le tmulón kéng yó kem dou tau, là ndà le du yóm ktahuhen. Sónmoen temnù ksideken yóm gel nmò le. Laen dù bud nawa le ebéléu,” mon Dwata.

Jirimaya 9:3 Referans Kwoze

Jirimaya 9:8

Yóm sumóng le hol lómón ke lewet mò hmatay tau. Tey tilob gel kestulón le bè yó kem dumu le sebét, anì monem mò lan le hmatay kul.

Sulat Pol Ebè Yó Kem Tau Hemtahu Bè Rom 3:13

Hono sidek yóm gel kebkó le, hol lómón ke boo bolok lemwót gu lem lebeng. Yóm gel kudél le hono kéng. Tey malas kudél le, lómón kalas yó kem ulal.

Kmukum 2:10

Timbow le deng gotu matay se kul yó kem tau Israél tolo mowil bè yóm kdaw yó, lemwót yó kem lugod le tmodol huli kul, deng mom knogol le yóm sana kul Dwata hol gónó mogot, klifót le yóm deng tehe nmoen bè yó kem tau Israél.

Jirimaya 31:34

Là bud tnolok le kul ne yó kem dumu le sebét ne yó kem fes lówó le ke mon le, ‘Yake hol tngón ye Dwata.’ Abay se angat tódô kdê le temngón dou lenwóten bè leneken kkólen bè lebangen. Angat gotu hnifótu yó kem sidek deng nmò le ne là kô bud hendemu du ne.”

1 Samwél 2:12

Wen lewu kem ngà Ili logi bede hono sidek yóm gel nmò le, snonol le Dwata, là kô nadat le du.

Deng Hegfan 12:11

Okóm deng le matù béléen yó kem kut dumu setwoli deng hemtahu mlan bè kun litô yóm Ngà Ubiha deng gamà bélê le, ne bud mlan bè yóm ktahuhen deng gel hból le. Là kô knamà le du klowil le efet katay le.

Sulat Jud 1:3

Ó kem weu do dumu sogot nawa, deng tey kehedemu du ne yóm tô ksulatu ebélê ye gbak bè yóm deng kegewà tekuy gu lem hatay. Okóm là. Tódô gnómu yóm bong muhen bélê ye ke géhél gendufu yu hol mfi du yóm tahu tolok deng tehe blay Dwata bè yó kem tauhen, yóm tolok là hyu temles du.

2 Timuti 3:13

Yó kem tau deng solò kmò le sidek ne yó kem dumu tau sekban ktolok le, tódô hlós temnù ksidek nmò le. Snukat le kem dumu le, ne bud le gsukat se kul.

Flipay 1:28

Bê ye abay hlikò bè yó kem hmohon kuy, hol hgel ye nawa ye dé. Lemwót bè yóm là klikò ye, yó se gónó le dmilô du yóm klaen dù gmò le, ne yóm katù ye bélê le. Abay se monem lemwót bè Dwata yóm katù ye yó.

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Sulat Pol Ebè Yó Kem Tau Hemtahu Bè Rom 1:16

Nim Tulón Hyu gel nwitu ni, laen kô bang gónóhu myak heglalag du. Kaem bè yó se gónón gfan yóm kfasang Dwata lemwà kdéen tau gu lem hatay ke hemtahu le bè Jisas, lemwót bè yó kem tau Ju kkólen bè yó kem tau là Ju le.

Kun Snulat Jan 17:3

Ni se hol lanen yóm klowil laen dù sónen monu yó, duhen yóm deng ketngón le kóm, yóm tahu Dwata, ne yóm deng ketngón le dou, Jisas Krays, yóm deng hógówem elem benwu.

Mark 8:38

Ni kem tau kmoen ni,” mon Jisas, “deng knogol le Dwata lan le gel mò sidek. Yóm tau ke hnalaen yóm kloloen dou lem blóng kem dumuhen, dalang se ke hnalaen yóm gel toloku, angat hnalà yóm Ngà Tau snéen sok bud semfulék edini. Bè yóm bud kesfuléken yó, angat gfan béléen yóm tey kegeta Maen, ne gotu le angat mung du yó kem hógów Dwata gu bè longit.”

Jirimaya 22:16

Sal gel tedeng kukumen yó kem tau élél ne kdê yóm nmoen sal hyu uléken. Yó se yóm kmò ketngónen dou,” mon Dwata.

Jirimaya 9:5

Ket tau, snukaten kem dumun. Laen kô dù bélê le tmulón yóm ktahuhen. Hono kéng btang bè sumóng le. Botong le miteg bè yóm kmò le salà.

Jirimaya 7:26

Okóm balù sotu bélê ye ke wen hmungol kul duhen ke kemmón kul. Mom hgel ye kulu ye ne knogol ye o senta yóm kul kkogol do yó kem tehe fù ye.

1 Kurin 15:34

Hol nulék nawa ye dé yóm hyu deng dnalang ye, ne hol tenflok ye yóm kmò ye sidek. Tódô tulónu kuy, tolo wen he bélê ye yóm là deng temngón ke Dwata. Là kenyak ye du kô yó?

Hlolò 19:11

Bê ye abay mnagaw. Bê ye abay smukat. Ne bê ye abay mò kéng.

Isaya 1:3

Mom hyu he yó kem safì gotu tngón le yóm fun le. Senged se yó kem kudà gotu tngón le yóm gónón hemken kul yóm kul fun. Bede yó kem dou tau Israél là kô tngón le du kul. Bà udì ke glileb le yóm deng nmou bélê le.”

Isaya 6:5

Botong monu, “Adéy, laen dù bud nefet nawahu ne. Denge golu elem hatay ne dou abay se ket udél btang bè sumóngu hono sidek. Lelen yó he nóe lem blóng yó kem tau sónmoen sidek kudél le. Blaem ni, tódô dou mata mton du yóm hol dandónen geta yóm Dwata laen dù là gbeken du.”

Tekang Kbuten 39:16

Lemwót yóm libun yó, henyuhen yóm nes Jusif efet kól tuha logihen, yóm amo Jusif.

Kmukum 14:17

Tódô ket kdaw yehen Samsun mkik béléen lem yóm hitu kdaw le mò ken. Timbow kól bè ghituhen kdaw, tódô tulón Samsun du lan yóm ngeden abay se tódô senflós yehenen mubug smólók du. Omin yehenen gotu bud tmulón du bè yó kem Flistin.

Kem Udél Hlalak Tehe Selumun 12:5

Yó kem atul yó kem tau tedeng kmò le hono tedeng, okóm yó kem tau gel mò sidek yóm kul udél hlalak hono sukat.

Jirimaya 6:28

Tódô kdê le gotu kmogol do kem tau hensidek le boluy kem dumu le. Tey mgel kulu le lómó kgelen bala tók, lelen mahil bélê le mit kem dumu le mò sidek.

Jirimaya 12:6

Balù yó hem logi hol dumum sulil-lem hol kóm fes lówó, deng gbót hohon le uu. Hol béem abay snalig lu baluen ke tey tilob kmò le ebéléem.” Là gomongen bè nili yóm bérs 7 kól bè bérs 13. Yó tulónen bè ni kem bérs ni yóm alì kekbê Dwata du yó kem salà nmò yó kem tauhen, lelen tey sidek kegnómen du yóm tódô kbayaen kul elem hólól yó kem hohon le, yó kem tau angat gemlà kul ne gembà yó kem benwu gónó le nô.

Kul Nmò 24:9

Timbow deng kudél yóm begadu, omin le gbót dmelem se kul yó kem dumu Ju, ne bud mon le, “Là kóen kéng yóm udél begadu yó dé.”