Jirimaya 9:2 - Udél Dwata: Gna Kesfasad ne Lomi Kesfasad

² Hyu dé ke wen gónóhu nô ditu lem yóm benwu laen hol wen tauhen anì glayuke bè yó kem dou tau, yakà deng le gotu baling tau mdà yehen, tau mahil hmatay dumu tau.

Jirimaya 9:2 Referans Kwoze

Jirimaya 23:10

Abay se yóm benwu yó hono tau smamuk. Yó se gónó Dwata tmafak du yóm tonoken. Deng tódô mékéng yóm gónó le gel hótób ógóf hol lómón ke langag se kun yóm tonok. Abay se yó kem tau tugod Dwata, hono sidek yóm nmò le ne sidek kwit le du yóm kfasang le.”

Husiya 4:2

Gel ye hemmulà ne mò kéng ne monok, lel ye mnagaw ne mdà yehen. Tendo wen sfatay bè klamang benwu ye ne tódô sogot tau sbonok.

Jirimaya 12:6

Balù yó hem logi hol dumum sulil-lem hol kóm fes lówó, deng gbót hohon le uu. Hol béem abay snalig lu baluen ke tey tilob kmò le ebéléem.” Là gomongen bè nili yóm bérs 7 kól bè bérs 13. Yó tulónen bè ni kem bérs ni yóm alì kekbê Dwata du yó kem salà nmò yó kem tauhen, lelen tey sidek kegnómen du yóm tódô kbayaen kul elem hólól yó kem hohon le, yó kem tau angat gemlà kul ne gembà yó kem benwu gónó le nô.

Jirimaya 12:1

Ó Dwata, ke wen klamohu béléem sal tedeng yóm kukumem du. Ni wen snólóku béléem mò knukumem. Moen de kul yó kem tau mò sidek ke tilob kógów klowil le? Moen de ke gel le hligal yó kem tau là tedeng kmò le?

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

Malakay 2:11

Tekuy kem tau Juda, deng mom nulé tekuy yóm tehe kesfasad tekuy bè Dwata. Bè yó bè Israél ne bè Jirusalim yó nmò yó kem tau Juda, deng le mom myehen bè yó kem tólóng libun hemtahu bè dwata kéng. Yóm nmò le yó, deng mom gholu le yóm kun Gónô Dwata yóm Gónô alì kenbong nawa Dwata.

Sifanaya 3:4

Yó kem tugod dwata le, tey keheklabak le, là tahuhen yóm gel tulón le. Yó kem tau gel blóng le ebè Dwata, mom nmò le yóm gónón gholu yóm kun Gónô Dwata ne nulé le yóm hlolò Dwata bè yó.

Husiya 6:7

Okóm mkél ye bè yóm tehe Adam, deng genbà ye yóm kesfasad tekuy ne deng knogol ye o.

Husiya 5:7

Abay se là kô le henek bè Dwata. Là kô ke Dwata du funen yó kem ngà le, tódô ngà le hkawang. Duhen ni, lemwót bè yóm ktaba le ebè dwata kéng gónó le meglà, gomong tonok le.

Malakay 2:14

Sal gel mon ye, “Moen de ke là henmóyô Dwata du yó kem gel blay me du?” Yó gónón là hemmóyô du abay se bè yóm tehe kyehen ye bè yóm hanà klomi ye tau, tehe nô bè yó se Dwata fen temksì du yóm deng senfasad ye yóm libun yehen ye, yóm libun deng ndà ye nim kmoen ni, igoen lu yóm mò dumu ye sbalà, deng dumu ye sfasad.

Kmukum 2:10

Timbow le deng gotu matay se kul yó kem tau Israél tolo mowil bè yóm kdaw yó, lemwót yó kem lugod le tmodol huli kul, deng mom knogol le yóm sana kul Dwata hol gónó mogot, klifót le yóm deng tehe nmoen bè yó kem tau Israél.

Isaya 59:3

Tau ye mò kéng se kuy, gel ye hemsidek kem dumu tau ne tau ye monok.