Jirimaya 9:16 - Udél Dwata: Gna Kesfasad ne Lomi Kesfasad

¹⁶ Angat gotu senklahu lu ebè yó kem benwu là deng hnikót gungol le du ne là deng hnikót gungol le du se kul yó kem tehe fù le. Angat wen kem sendalù mit sudeng hektesu kul efet gotu genlau lu.”

Jirimaya 9:16 Referans Kwoze

Dwata 28:64

Angat gotu senkla Dwata yu elem blóng yóm kdê but tau bè klamangen benwu talak tonok. Ne bè yóm knô ye bè yó, angat ye tmaba ebè yó kem dwata kéng nmò le bè koyu ne bè botu, yó kem dwata là deng kuy hnikót tnaba du dalang se yó kem tehe fù ye.

Sulat Jim 1:1

Ou se Jim gónón gu lemwót nim sulat ni. Ou se sotu tóbóng lówó Dwata ne yóm gónó tekuy mogot Jisas Krays. Smulate ebè yóm kdéen tau Dwata deng sekla bè klamangen benwu.

Sikaraya 7:14

Deng gotu senklahu lu lómón ke hfolisu lu ebè yó kem benwu mayuk, ebè yóm benwu là deng kul hnikót tngón du. Yóm benwu le tey hyu ne alì tilob, deng baling benwu laen dù bud tauhen, balù sotu ke wen bud mlan du, deng baling benwu là bud hyu menwu du.”

Jirimaya 29:17

Ni se udél yóm Dwata laen dù là gbeken du ebélê le, monen, ‘Angat wen gida hwitu elem blóng le ne hbelu yóm tey bitil bong, lelen wen tey des hgefetu bélê le. Lemwót bè yóm heglumfaku kul ni, yó gónów hkél kul bè bungu fig bolok là bud hyu mken du.

Jirimaya 24:10

Wen gida hwitu elem blóng le mung du yóm tey bitil bong, lelen wen des leed hgefetu ebélê le. Yó se nmou bélê le efet le gotu lana bè tonok Israél, yóm tonok tehe blayu kul hlanu bè yó kem fù le.”

Kem Lingón 106:27

ne gotu senklahen yó kem semfu gu bélê le bè yó kem dumu benwu, hegefen lu ebè yó kem benwu mayuk.

Nihimaya 1:8

Hentulónem nawa yóm tehe monem mò ke Musis ekni, ‘Ke monol nawa ye ebéléu yu kem tau Israél, gotu senklahu yu elem blóng yó kem tólóng but tau bè dumu benwu.

Dwata 32:26

Yó tô hendemu gotu sulék genlau lu anì laen dù bud hemtulón nawa kul.

Dwata 28:36

Yó angat nmò Dwata, gotu hegefen yu gomong yóm tau hol geta bélê ye ebè yó kem tólóng benwu, yóm benwu là deng kuy hnikót tngón du dalang se yó kem tehe fù ye. Bè yóm benwu yó angat gónó ye tmaba ebè yó kem dwata kéng gel nmò le gu bè koyu ne gu bè botu.

Dwata 28:25

Ke nundug ye yó kem hohon ye, angat hegmò Dwata lu bélê ye. Bè yóm kundug ye kul tek sotu lan lolò ye, okóm bè yóm klóy ye mulék tódô ye gotu sekla. Yó kem tau bè klamangen benwu, ya tey sidek klikò le bè yóm kton le du yóm ktafak Dwata kuy.

Dwata 4:27

Ke là mimón ye, angat gotu senkla Dwata yu ebè yó kem tólóng benwu ne là holen wen bélê ye bud mowil bè yó kem benwu gónó Dwata e mlo kuy.

Jirimaya 8:19

Hol hnungolem dé yóm kik yó kem tauhu, botong gefet bè klamang yóm benwu me. Yó mon le, “Deng tahu tebel Dwata kô Jirusalim? Là buden nô bè yó ne kô, igoen du yóm hol geta bélê le?” Yó balà Dwata kul, monen, “Moen de ke alì hebut le ou yó kem tauhu bè yóm gel ktaba le ebè yó kem dwata kéng, dwata laen dù muhen?”

Kehedem Tau Tmolok 12:5

Angati likò mógów ebè yóm gónón geta, ne budi likò mógów ebè lan, déke wen gfaem. Tódô bukay wekem ne là budi gembek, ne laen dù bud sen-galu nawahem. Dengi moni bè yóm benwu gónóm nô laen dù tul sónen. Bè yóm kógówem ebè yóm angat gónóm nô laen kô dù tul sónen tey dê kem tau lemangag kóm lemolò lan.

Jirimaya 7:29

Ó kem tau Israél hol ye hlangag dé, hetbulud ye mò gónó ye hegfan du yóm klangag ye. Lemanu ye ta yó kem bulul, yakà deng kenbê Dwata kuy, yu kem tau tolo mowil nim kmoen ni. Deng tódô bayaen yu, yu kem tau hebut du.’ ”

Amus 5:16

Duhen yó, ni se udél yóm Dwata laen dù là gbeken du, monen, “Angat wen mngawóy bè yó kem plasa le ne mkik bè kdê yó kem lan lem syudad. Balù yó kem tau mò hulu, tódô tnaba le lu mò modung, slomong le bè yó kem tau gel bnayad mò modung.

Mika 2:4

Bè yóm kdaw yó, angat senkuli le yu yó kem hohon ye ne utóm le lingón yóm deng gfà ye, mon le, “Deng me gotu sulék meglà. Deng gotu nwa Dwata tonok me. Yó kem dnadu me, deng gotu blayen ebè yó kem tau megef kum.”