Jirimaya 9:12 - Udél Dwata: Gna Kesfasad ne Lomi Kesfasad

¹² Ominu smólók ke Dwata, “Tau du se gembek temnef du yóm angat nmoem ni? Tau du se deng tolokem anì bud hlanen bè dumu tau se kun? Moen du ke deng tódô gbayà yóm tonok lómón ke baling benwu là hyu menwu du, benwu laen dù bud tau mlan lemen?”

Jirimaya 9:12 Referans Kwoze

Husiya 14:9

Yó kem tau hulung hedem, gotu tngón le kul yó kem snulat ni. Yó kem tau hulung temnef, tngón le se kul. Tey tedeng yóm kun lan yóm Dwata ne yó kem tau tedeng kmoen yóm gel lemolò du. Okóm yó kem tau gemsalà tlokob le kul, hlós le masà.

Kem Lingón 107:43

Yó kem tau hulung hedem, hol hendem ye ni kem deng tulónu kuy ni koni. Hol hendem ye yóm là konolen yóm kbong nawa Dwata kuy.

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Dwata 32:29

Ke hulung le hedem, deng sana dilô le ne buten yó kem gel gfà le. Ne eles tngón le ne gónón e kól yóm sidek gel nmò le.

Deng Hegfan 1:3

Hligal kun yóm tau fen semfala du nim bok ni. Ne hligal le se kul yó kem tau fen hmungol du ne mimón du yóm eles tulónen ni. Là buden legen ne ksuten ni kem kdê tulónen ni.

Matyu 24:15

Bud mon Jisas, “Bè tehe kegenen du Danyél ekni, yóm sotu tau tehe gna tugod Dwata, eles tulónen yóm angat mdà bè Gónô Dwata yóm alì sidek knikò, yóm natuen Dwata. Yóm tau semfala du yóm ni, hol hennagien kmò klanen.

Isaya 42:23

Yake wen bélê ye móyô hmungol du yóm ni. Lenwóten ni ne, yake wen bélê ye hol hmungol du yóm monu.

Jirimaya 9:20

Yó bud udél Jirimaya, monen, “Yu kem libun, hol hnungol ye yóm kun udél Dwata, hol henklingu ye yóm udélen ebélê ye. Tolok ye lu langag yó kem ngà ye libun ne bud tolok ye lu lemanu yó kem wè ye.

Jirimaya 23:10

Abay se yóm benwu yó hono tau smamuk. Yó se gónó Dwata tmafak du yóm tonoken. Deng tódô mékéng yóm gónó le gel hótób ógóf hol lómón ke langag se kun yóm tonok. Abay se yó kem tau tugod Dwata, hono sidek yóm nmò le ne sidek kwit le du yóm kfasang le.”

Jirimaya 23:16

Yó udél yóm Dwata laen dù là gbeken du ebè yó kem tauhen bè Jirusalim, monen, “Wen eles hetgamahu yó kem dou tau. Hol bê ye abay hnungol yóm kul tulón yó kem tau tmugod yó, abay se yóm tulón le kuy yó laen kô dù nefet nawa ye du, tulón là tahuhen. Tulón le kuy yóm nô lem hendem le, là kóen lemwót béléu.

Jirimaya 23:22

Ke yó dum hnungol le ou, deng tulón le ne yóm dou udél bè yó kem dou tau ne heteflok le kul yóm alì kmò le sidek.

Jirimaya 23:28

Bayaem ne yóm gel tulón yó kem tugod gel kemna yó. Okóm yó kem tau htugodu yóm dou udél, hol le tódô hteneb tmulón du sen yóm udélu. Tey wen gónón stólóng yóm lami halay bè yóm bunguhen.

Juwél 1:11

Yóm kdê ye kem tau mò hulu, laen dù bud ken-gel nawa ye ne. Hol ye hlangag, yóm kdê ye kem tau mulu grép. Hlangag ye abay se deng gotu sidek yó kem halay ye ne yóm kdê dumu hulu ye.

Sifanaya 3:6

Yó udél Dwata, monen, “Deng gotu genlau yó kem dumu benwu hmilol. Gotu genbau yó kem syudad le dalang se yóm beng hmilol le, gomong yóm gónó le gel heklung deng gotu genbau. Balù sotu ke wen bud lemolò du yó kem lan le, laen kô dù bud tauhen yó kem syudad le, balù sotu ke wen dù tebel.

Husiya 4:10

Yó kmò ktafaku kul, igò le se mken, deng le mom bitil. Igò le se smamuk bè yóm ktaba le ebè Baal, là sem wen ngà le abay se monem deng knogol le yóm sana kul Dwata hol gónó mogot lan le tmaba ebè yó kem dumu dwata.