Jirimaya 9:11 - Udél Dwata: Gna Kesfasad ne Lomi Kesfasad

¹¹ Yó bud udél Dwata, monen, “Yóm syudad Jirusalim, angat gotu genbau yóm klamangen mò gónóhu lemuduk yó kem deng gbà, mò gónó le nô yó kem ohu lóbô lem bnes. Yó kem dumu benwu bè Juda angat gotu genbau, laen dù bud tau menwu du.”

Jirimaya 9:11 Referans Kwoze

Isaya 25:2

Deng gotu genlaem yó kem syudad gónó le nô yó kem tau hmohon kum. Deng gotu genbaem yó kem tehe beng hdà le mò gónó le tô heklung. Yó kem gónô lembang yó kem tau hol geta bélê le deng gotu genbaem. Ne là bud wen hdà kul efet kól bè sónen.

Jirimaya 10:22

Hnungol ye dé, wen tulón sut. Tey sendalù wen lemwót gu bè yóm benwu fi bwak, angat gotu genlà le yó kem tau bè benwu Juda. Henbaling le benwu mò gónó le nô yó kem ógóf lóbô lem bnes.”

Mika 3:12

Duhen yó, lemwót bélê ye angat gónó le dmadu du yóm Bulul Sayun, hol lómón kmò le du ke tonok gónó mò hulu. Ne yóm Jirusalim, sulék genbà le. Ne yóm bulul gónón mdà yóm Gónô Dwata, tódô baling bulul hono dlag.

Jirimaya 26:18

“Bè yóm kdaw tehe kogot Hisikaya yóm benwu Juda, wen sotu tugod Dwata boluyen Mika lemwót bè Murisit. Wen tulónen yó kem tau bè Juda, monen, ‘Ni se udél yóm Dwata laen dù là gbeken du, monen, yóm Bulul Sayun, angat dnadu le hol lómón kdadu le yóm tonok gónó le gel mò hulu. Ne yóm syudad Jirusalim, angat gotu gbà. Yóm tfusù bulul gónón mteg yóm Gónô Dwata nim kmoen ni, angat baling dlag.’

Jirimaya 25:11

Yóm klamang yóm benwu yó gotu msulék gebà, laen dù bud menwu du. Yó kem tau Israél ne yó kem tau menwu hmilol kul, botong hitu folò halay le kegen le nô lem hólól yóm tau hol geta bè Babilun.

Kem Lingón 79:1

Ó Dwata, deng nled yó kem tau là hemtahu yóm tonok kóm nfun. Deng gholu le yóm kóm Gónô, deng genbà le Jirusalim.

Mika 1:6

“Yó gónóm mon,” ni se udél Dwata, “yóm syudad Samarya, angat sulék genbau ne nmou mò gónó hmulu grép. Angat gotu dngélu etu bè datal yó kem beng botu deng gbà bè yóm syudad yó anì tódô hnas yóm tehe gónón mteg yóm mò hbegel yó kem bengen.

Jirimaya 26:9

Moen de ke hlanem bè boluy Dwata yóm tulónem angat hkélen bè kegbà Silu yóm angat kegbà yóm Gónô Dwata ni? Moen de ke gel monem angat meglà yóm syudad Jirusalim ni ne balù sotu tau ke wen bud menwu du?” Omin le gotu smibut ke Jirimaya yóm kdéen tau bè yó.

Isaya 44:26

Okóm yóm dou tóbóng lówó, ke wen eles gel tulónen angat hdohou se yó. Ke wen tau hógówu mò tmulón yóm angat atulu, hol lemwót béléu se yóm tulónen yó ne angat hdohou. Ni udélu ebè yóm benwu Jirusalim, angat le bud mulék menwu bè yó, yó kem tauhen. Ne yó bud udélu ebè yó kem syudad bè benwu Juda, angat wen bud hmomi hemdà kul. Balù yóm deng tey kegbà le, botong bud baling lomi.

Nihimaya 4:2

lem blóng yó kem dumuhen ne lem blóng yó kem genlal bè yó kem sendalù lemwót bè Samarya. Yó udélen eta me, monen, “Tedum tô hendem nmò le ni kem Ju laen dù genbek ni? Mone tô hdà le kô yóm beng botu hmilol yóm syudad le? Yó kô hendem le mlan bè yóm gel kedsù le ebè Dwata tódô deng le sendaw yóm nmò le? Gbek le hemdà beng botu kô lemwót bè yó kem lusok botu deng lan ofi?”

Deng Hegfan 18:2

Hgelen udélen, monen, “Deng gbà ne. Deng gbà ne yóm tey syudad Babilun. Deng baling gónó le gel nô yó kem kdéen klasi busaw alì sidek. Ne bè yó gónó le nô snéen yó kem onuk koyu là mólósen.

Kem Lingón 44:19

Okóm deng genlaem mi bè yóm benwu laen hol wen tauhen. Tódô bayaem mi bè yó lem yóm tey kifu mget.

Jirimaya 1:15

Gotu tnabahu yó kem sendalù lemwót bè yó kem benwu fi bwak anì mógów le edini bè Jirusalim. Lemwót yó kem tau hol geta bélê le, angat gotu sù le bè yó kem bak tikeb nim syudad Jirusalim ni yó kem kul gónó myón kmamal. Angat gotu genbà le yóm beng hmilol Jirusalim ne nundug le yó kem dumu benwu glem lem Juda.

Kem Lingón 107:43

Yó kem tau hulung hedem, hol hendem ye ni kem deng tulónu kuy ni koni. Hol hendem ye yóm là konolen yóm kbong nawa Dwata kuy.

Jirimaya 8:22

Laen dù bud bulung kô ditu bè benwu Gilyad? Laen dù bud tau mulung bè yó kô? Moen se ke laen dù hkó du yó kem halì yó kem tauhu?”