Jirimaya 9:10 - Udél Dwata: Gna Kesfasad ne Lomi Kesfasad

¹⁰ Yó bud udél Jirimaya, monen, “Lenangagu yó kem bulul ne lenangagu yó kem bnes gel nótób ógóf, abay se deng le gotu mékéng laen dù bud mótób kul. Là bud gungolem kul ne yó kem udél safì. Yó kem onuk koyu ne yó kem ógóf lem bnes, deng le gotu hlayuk.”

Jirimaya 9:10 Referans Kwoze

Jirimaya 12:4

Lemwót bè yóm sidek gel nmò yó kem tau, deng gotu mékéng ni kem tonok me. Kegenen de duen yóm tey kékéngen ni, Dwata? Dalang se yó kem hulu me, deng le gotu menes. Ne yó kem ógóf lem bnes ne yó kem onuk koyu, deng le gotu matay lemwót bè yóm sidek gel nmò yó kem tau. Mom yó udél yó kem tau mò sidek, mon le, “Là kô ton Dwata du nim gel nmò tekuy ni.”

Husiya 4:3

Yó se but gónón laen dù bud kligal yóm tonok ye, gónón là bud tembas. Yóm kdéen tau mowil tahen, hono wen des hlós hatay le. Balù yó kem ógóf lem bnes ne kem onuk koyu ne kem utón él, deng nbut le hlana.”

Isikél 33:28

Angat gotu genbau yóm benwu le, henbalingu benwu là hyu menwu du. Ne nmou sónen yóm kul kgis tendo salù le. Yó kem bulul bè Israél nmou bulul meklos, laen dù tau gembek mlan du.

Jirimaya 7:29

Ó kem tau Israél hol ye hlangag dé, hetbulud ye mò gónó ye hegfan du yóm klangag ye. Lemanu ye ta yó kem bulul, yakà deng kenbê Dwata kuy, yu kem tau tolo mowil nim kmoen ni. Deng tódô bayaen yu, yu kem tau hebut du.’ ”

Jirimaya 23:10

Abay se yóm benwu yó hono tau smamuk. Yó se gónó Dwata tmafak du yóm tonoken. Deng tódô mékéng yóm gónó le gel hótób ógóf hol lómón ke langag se kun yóm tonok. Abay se yó kem tau tugod Dwata, hono sidek yóm nmò le ne sidek kwit le du yóm kfasang le.”

Jirimaya 14:6

Yó kem kudà asnu lem bnes, tódô olo le mdà ta yó kem bulul laen dù bnesen. Tey sidek ksudù nawa le lemwót bè kleeng le, lómón ksudù nawa yó kem ohu lóbô lem bnes laen dù ninum le. Là buden gmefet ketngel le lemwót bè alì sidek kbitil le, laen kô dù bud nótób le.”

Jirimaya 8:18

Yóm tey klangagu ni là kóen mkó. Lómón ke deng gbà lem kfuhu.

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’

Isaya 49:19

Balù yóm deng kegbaem, Jirusalim ne laen dù tauhem, okóm angat tódô seklot yó kem tau bud mulék ebéléem. Bong yó kem tau gembà kóm, angat gotu hdóhu lu mayuk.

Isaya 41:15

Yó angat kmou kuy, hol lómón ke yu yóm karas lomi alì telem nihihen. Gotu knaras ye yó kem bulul, gotu hensidek ye lu. Ngang ye mò kul efet le baling kfung.

Juwél 1:13

Yu kem tau gel blóng ebè Dwata, mnes ye sakù. Hlangag ye, yu kem gel mò nmò bè gónó demsù. Géhél ye ne, yu kem tau gel mò nmò bè Dwata, suloy ye buteng mnes sakù. Laen kô dù bud halay ne tifas grép blay ye ebè Gónô yóm kuy Dwata.

Juwél 1:19

Ó Dwata, hol tnóbóngem mi. Hol lómón ke deng gotu ken ofi yóm gónó le mótób yó kem ógóf me kkólen bè yó kem koyu me, hol lómón ke deng le gotu mlób.

Amus 5:1

Ó kem tau Israél, ni mò hnungol ye. Hol hnungol ye yóm lanuhu bélê ye.

Amus 5:16

Duhen yó, ni se udél yóm Dwata laen dù là gbeken du, monen, “Angat wen mngawóy bè yó kem plasa le ne mkik bè kdê yó kem lan lem syudad. Balù yó kem tau mò hulu, tódô tnaba le lu mò modung, slomong le bè yó kem tau gel bnayad mò modung.

Mika 2:4

Bè yóm kdaw yó, angat senkuli le yu yó kem hohon ye ne utóm le lingón yóm deng gfà ye, mon le, “Deng me gotu sulék meglà. Deng gotu nwa Dwata tonok me. Yó kem dnadu me, deng gotu blayen ebè yó kem tau megef kum.”

Jirimaya 2:15

Hol lómó kmò le ebélê le yó kem hohon le yó hol lómón ke mngel yó kem liyun. Yóm kul benwu yó kem tau Israél, deng mom nmò yó kem hohon le benwu là hyu menwu du. Deng tódô gbà yó kem syudad tehe gónó le nô, ne deng hol tahu gbayà.

Mika 3:12

Duhen yó, lemwót bélê ye angat gónó le dmadu du yóm Bulul Sayun, hol lómón kmò le du ke tonok gónó mò hulu. Ne yóm Jirusalim, sulék genbà le. Ne yóm bulul gónón mdà yóm Gónô Dwata, tódô baling bulul hono dlag.