Jirimaya 9:1 - Udél Dwata: Gna Kesfasad ne Lomi Kesfasad

¹ Hyu dé ke kokol él yóm kuluhu ne yóm matahu, hyu dé ke tbul lewok anì senflósu mkik ket kdaw ne kifu. Nkiku yóm kdê yó kem dou tau deng hnatay le.

Jirimaya 9:1 Referans Kwoze

Jirimaya 6:26

Yó udél Dwata ebè yó kem tauhen, monen, “Lemsek ye nes sakù ne ma ye kohù mò gónó ye hluy. Hol ye dmumu mkik lómón ke deng matay yóm tek sotu ngà ye logi, yakà móyónen sut yó kem tau kemtut mundug kuy.

Jirimaya 14:17

Yó hmò Dwata dou, htulónen dou bè yó kem tau yóm tey sidek klangagu, monu, “Hol tódô senflósen kdaw ne kifu he yóm klel lewoku. Hol là skasen he yóm tendo kkiku yó kem dou tau yóm tau hol kenbong nawahu, yakà dengen tey nelem halì le lan le tembek kul yó kem hohon le ne là kô le mowil du.

Kem Lingón 119:136

Ke gel hendemu yó kem tau là mimón du yó kem hlauhem, tey sidek kkiku.

Kem Lingón 42:3

Tey tendo kkiku kemdaw ne kifu, hol lómón ke yó henged kenu. Lel ni kem hohonu, tendo gel smólók dou, “Nô se yóm Dwata gónóm hemtahu yó du?”

Jirimaya 8:18

Yóm tey klangagu ni là kóen mkó. Lómón ke deng gbà lem kfuhu.

Jirimaya 9:18

Yó udél yó kem tau, mon le, “Henslò ye lu anì géhél le lemanu bélê tekuy efet btang lewok tekuy ne efet héfê bè lewok hifi tekuy.”

Kem Lingón 55:7

Móyónge etu mayuk, mdefe bè yóm benwu laen hol wen tauhen bè gónón tinof.