Jirimaya 8:21 - Udél Dwata: Gna Kesfasad ne Lomi Kesfasad

²¹ Bud mon Jirimaya, “Nkiku yóm gfà yó kem tauhu. Tódóe teneng là kóe gudél, botonge yem bè yóm klangagu.

Jirimaya 8:21 Referans Kwoze

Jirimaya 14:17

Yó hmò Dwata dou, htulónen dou bè yó kem tau yóm tey sidek klangagu, monu, “Hol tódô senflósen kdaw ne kifu he yóm klel lewoku. Hol là skasen he yóm tendo kkiku yó kem dou tau yóm tau hol kenbong nawahu, yakà dengen tey nelem halì le lan le tembek kul yó kem hohon le ne là kô le mowil du.

Nahum 2:10

Deng gotu gbà ne yóm benwu Ninibi ne tódô gbayà ne laen dù bud tonem lemen. Lemwót bè yóm alì klikò le, tey sidek kotuk kfu le. Tódô setbol kkel kem bukol le. Tódô gotu lana kgis le ne gotu le lemusék.

Juwél 2:6

Bè yóm ksut le gotu le likò yóm kdéen tau, botong le lemusék.

Jirimaya 9:1

Hyu dé ke kokol él yóm kuluhu ne yóm matahu, hyu dé ke tbul lewok anì senflósu mkik ket kdaw ne kifu. Nkiku yóm kdê yó kem dou tau deng hnatay le.

Kun Snulat Luk 19:41

Ngang le Jisas mógów efet le móyón gdofì bè Jirusalim. Bè yóm ktonen yóm syudad bong yó, botong mosok lewoken,

Jirimaya 17:16

Ó Dwata, là kô bayau du yóm hmoem dou ni. Lómón ke ou yóm tau semgyok ubiha, sen-gyoku yó kem tauhem. Là kô nubugu kóm se anì wen hlayam hwitem ebélê le. Kaem kóm udél se yóm tendo tulónu kul, là kô dou udél du.

Nihimaya 2:3

bnalau se, monu, “Hol tahà he ktauhem. Moen se ke là lenbang nawahu du yóm syudad tehe gónó le lembeng yó kem tehe fuu, hanà tolo gebà ne yóm bak tikeben deng gotu mlób?”

Jirimaya 8:20

Yó utóm kik yó kem tau, mon le, “Laen dù bud kdaw me ne. Deng deng ne yóm nuta, blaem là kô kuy deng gewà.”

Jirimaya 14:2

“Yó kem tau bè Juda tey klangag le. Bè yó kem syudaden laen dù bud gónó le ma mò hbalù le bè yó. Tódô le myón bè tonok yóm kdéen tau lan le langag. Ya tey sidek kkik le yóm kdéen tau bè Jirusalim lemwót bè yóm alì sidek keglayam le.