Jirimaya 7:9 - Udél Dwata: Gna Kesfasad ne Lomi Kesfasad

⁹ Igò ye gel mnagaw ne monok ne mò samuk. Gel ye smafà kéng ne deng ye mom demsù ebè Baal ne deng ye mom tmaba ebè yó kem dwata là deng kuy hnikót tngón du.

Jirimaya 7:9 Referans Kwoze

Jirimaya 7:6

Tenflok ye ne smukat yó kem tólóng tau nô lem blóng ye dalang se yó kem ngà hikit ne yó kem libun bolu. Tenflok ye ne hmatay kul yó kem tau laen dù salà le. Tenflok ye ne tmaba ebè yó kem dumu dwata, abay se yó yóm hemsidek knô ye.

Kehewà 20:3

Bê ye abay tmaba ebè yó kem dumu dwata lennged, són ou.

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.

1 Bok Kem Tau Hol Geta 18:21

Omin Ilaydya mdà bè solu yóm kdéen tau, monen mò kul, “Deng kegen ye lemolò du yóm lewu kem hentahu ye? Ke Dwata se yóm tahu Dwata, hol du lolò ye. Okóm ke Baal se yóm Dwata, hol du lolò ye.” Okóm bà sekteb ke mudél le yó kem tau.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Sulat Pol Ebè Yó Kem Tau Hemtahu Bè Rom 2:2

Tódô tngón tekuy se lemwót bè yóm ktedeng Dwata gónón tmafak yóm tau mò du yó kem sidek monu yó koni.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Sifanaya 1:5

Angat bud nmou són le snéen yó kem tau gel tmaba ebè kdaw ne ebè blotik ne ebè bulón ditu ta ketef gónô le. Gel mon le Dwata kun yóm lolò le, okóm deng le mom bud gel tmaba ebè yóm dwata kéng boluyen Molék. Yó gónóm mon, angat gotu nmou són le.

Isikél 18:18

Okóm yóm maen, angat kendel matay se kun lemwót bè yó kem tey dê sidek gel nmoen. Wen tau gel hen-gnoken ne gel wen hennagawen bè yó kem dumuhen setwoli ne gel nmoen yóm là hyuhen lem blóng yó kem dumun.

Jirimaya 32:29

Yó kem sendalù Babilun kmamfù tekwang yóm beng hmilol Jirusalim, angat le tódô gotu husek na le e ntem yóm syudad. Gotu ntem le se yóm kdéen gónô, gónó le gel mtem insinsu ta ketef le ebè yóm dwata kéng boluyen Baal ne gel ketwél le yóm tifas grép gel ninum le ebè yó kem dwata kéng. Duhen yó se yóm alì lenbutu.

Kmukum 5:8

Bè yóm deng kélék le lomi dwata lennged yó kem tau Israél, yó gónón wen gida sut lem benwu le. Balù sotu klung duhen ke sotu buyus ke tô wen tonem bè yóm fat folò libu kem sendalù Israél.

Dwata 32:17

Gel le demsù ebè yó kem tulus seitan, là kô ebè Dwata du, kem dwata là deng hnikót tngón kem fù le du, dwata là deng hnikót nimón kem tau Israél du.

Isaya 1:13

Laen kô dù ofol ye du yó kem gel nwit ye ebéléu yó. Tey keklitu du yóm insinsu gel ntem ye gel hboo ye ebéléu. Ne tey kekbéu du snéen yóm gel kestifun ye tmaba ebéléu bè ksut yóm Lomi Bulón ne bè yó kem Kdaw Kehegnô ne bè yó kem dumu kdaw ye gel stifun tmaba ebéléu. Yó gónóhu kembê du yóm kdéen ni abay se là kô tenflok ye du yóm kmò ye sidek.

Isaya 58:2

Tey tendo gel ktaba le ebéléu ket kdaw. Yó mon le móyô le temngón du kun yóm dou lan ne mimón du yóm dou hlau. Kóyô le kun ke blayu kul yóm hlau tedeng. Ne tey hyu nawa le kun tmaba ebéléu. Okóm olo beyen mon le yóm udél le yó.”

Jirimaya 1:16

Ni se tafaku yó kem dou tau lemwót bè yó kem sidek tendo gel nmò le. Deng knogol le ou ne deng le demsù ebè yó kem dumu dwata. Deng le tmaba ebè yó kem dwata nmò tdok le.

Jirimaya 18:15

Okóm yó kem dou tau, deng klifót le ou. Gel le mtem insinsu mò hboo le bè yó kem dwata kéng laen dù muhen. Deng mom senyat le yóm lan hyu tehe hlolò Dwata kul, mom yó lolò le yóm lan hono hitok.

Jirimaya 19:4

Yó gónów mò du nim ni, abay se deng tnagak le ou yó kem tau Israél ne deng nmò le yóm alì sidek béléu lem nim benwu ni mlan bè yóm gel kedsù le ebè yó kem dwata kéng, kem dwata là deng kul hnikót tngón du. Dalang se yó kem fù le ne yó kem tau hol geta mogot yóm benwu Juda, là deng kul hnikót tngón du yó kem dwata kéng ni. Bè nim benwu ni gónó le mamà litô yó kem ngà le, kem ngà laen dù salà le.

Husiya 2:13

Angat tnafaku bè yóm deng kehtulahen do lanen gel mtem insinsu ebè Baal ne gel leketen yó kem ngom blówónen, ominen mebel kem logi hemdóyón du,” udél yóm sana Dwata hol gónó mogot.

Husiya 6:9

Yó nmò yó kem tau blóng ebéléu, deng le mom baling tau temmón mnagaw, sónmò le hmékét tau mò hnatay le bè yóm lan ebè Sékém, gónó le gel tmaba ebéléu.

Amus 4:5

Nwit ye etu yóm mambang wen bulung henoken mò gónó ye dmóyón dou. Omin ye bud mit yóm basa tódô lemwót bè nawa ye mò gónó ye smalù knô ye. Tey, kem tau Israél, ni se yóm tendo nóyô nmò ye,” udél yóm Dwata hol dandónen geta.