Jirimaya 7:8 - Udél Dwata: Gna Kesfasad ne Lomi Kesfasad

⁸ Ngem, deng ye mom smalig bè yó kem udél kéng, yóm gel mon le laen dù tau hemsidek kuy ke wen Gónô Dwata nô lem blóng ye. Kéng yóm yó.

Jirimaya 7:8 Referans Kwoze

Isaya 28:15

Tey kehegmón ye du yóm deng keskotuk ye bè yóm hatay kun, anì là matay ye. Deng ye se skotuk yóm benwu yó kem tau deng matay kun, anì là gógów ye edu. Ofo kuy ke laen dù gmoen bélê ye yó kem tau mundug kuy. Són snalig ye yóm kéng ne sukat mò tô gónó ye gewà. Okóm là.

Jirimaya 23:32

Hol hnungol ye yóm dou udél ebélê ye. Tey kekbéu kul yó kem tmugod gel tmulón kna kéng. Nwit le lu tlas yó kem dou tau mlan bè yóm kna kéng gel tulón le. Là kô naw e hógów kul dou yó kem tmugod yó, là kô naw e nélék kul. Laen kô dù gónó le gemtóbóng yó kem tau.” Là gomongen bè nili yóm bérs 33 kól bè bérs 40. Yó tulónen bè ni kem bérs ni yóm gel tulón yó kem tau lembù tmugod ke Dwata, yó gel mon le, “Udél lemwót bè Dwata nim udélu ni.” Anì monem là. Lemwót bè yóm tey keblat nawa Dwata bè nim nmò le ni, yó gónóhen homong kul bè yó kem dumu tau negef le ebè tólóng benwu. Tey kehyaken kul, yóm yak là mkóhen ta le efet kól bè sónen.

Jirimaya 23:26

Kilón de khotoken yóm kwit le kul tlas yó kem tauhu mlan bè yóm kéng lenbù nmò le?

Jirimaya 7:4

Hol bê ye abay snalig yóm udél yó kem tau gel mon du mò kuy lemwót bè yóm knóen lem blóng tekuy yóm Gónô Dwata, laen kô dù dumu tau hemsidek tekuy. Kéng yóm yó.

Isaya 30:10

Yó mon le bè yó kem tau tmugod ke Dwata bélê le, “Bê ye abay bud mudél ne. Bê ye abay tulón kum yóm nmò tedeng. Olo ye tmulón kum yóm nóyô hnungol me. Tódô bayà ye kum yóm kum gel hendem.

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.