Jirimaya 7:5 - Udél Dwata: Gna Kesfasad ne Lomi Kesfasad

⁵ Són gónóhu kmodu kuy ke kó ye yóm sidek nô lem hendem ye ne yóm sidek gel nmò ye. Knoduhu yu ke tedeng nmò ye bè yó kem dumu ye tau.

Jirimaya 7:5 Referans Kwoze

Jirimaya 22:3

Ni se udél Dwata ebélê ye, monen, hol bê ye abay kmihu, nmò ye yóm tedeng. Tnóbóng ye yó kem tau deng wen hennagaw le bélê le. Lenwà ye yó kem tau hen-gnok lem hólól yó kem tau hemgnok kul. Tenflok ye ne yóm kmò ye sidek. Bê ye abay hensidek yó kem tólóng tau nô lem blóng ye kkólen bè yó kem ngà hikit ne yó kem libun bolu. Bê ye abay hnatay yó kem tau laen dù salà le.

Jirimaya 7:3

Yó udélen ebélê ye yóm Dwata laen dù là gbeken du yóm sana kuy Dwata kem tau Israél, monen, Balù nim kmoen ni ke kó ye yó kem sidek gel nmò ye, là kô hdóhu kuy ta nim tonok ye ni.

Isaya 1:19

Ke nimón ye ou angat hyu yóm guta ye bè tonok ye anì tendo wen gel ken ye.

Isikél 18:17

tnóbóngen yó kem élél, là hngaen du ke wen hutóngen ne tey gulit kloloen du yóm kdê dou hlau ne yó kem dou hlolò kul. Là kô naw e hukol du klowilen yóm tau yó lemwót bè yó kem salà gel nmò maen, fen mowil se kun.

Isikél 18:8

Ke wen hutóngen, là kô nan e hngà du. Gel hlayuk bè yóm là tedengen ne tedeng kkukumen kem dumun.

Kmukum 5:1

Bè yóm kdaw yó, lemwót le Dibura lewu le Barak yóm ngà Abinuam, lemingón le. Yó lingón le,

Jirimaya 22:15

Okóm balù nô ktilob yóm gónô bong hdaem Jihuyakim, là kô gbeken hemtilob du yóm kegetahem. Yó gónón alì tahà kogoten benwu Jusaya yóm maem, abay se monem tedeng kogoten benwu. Yó se gónó Dwata alì tmóbóng du.

Jirimaya 26:13

Okóm ke hol kó ye yó kem sidek tendo gel nmò ye ne ke hol nimón ye yóm sana kuy Dwata hol gónó mogot, angat tenles Dwata hendemen bè yóm keglaen kuy.

Sikaraya 7:7

Yóm udélu ebélê ye ni, bud ni se udél tehe htugodu yó kem gna tugodu ekni bè yóm kdaw tehe alì kwen tau sebwól bè Jirusalim ne bè yó kem benwu lemnek bè Juda. Dalang se bè Négéb ne bè yó kem but henfek bè Juda, hono kem benwu tehe tey wen tauhen.’ ”

Isikél 18:5

Mò kmoen ke wen tau tedeng kmoen, gulit kloloen du yóm hlolou kul,