Jirimaya 7:4 - Udél Dwata: Gna Kesfasad ne Lomi Kesfasad

⁴ Hol bê ye abay snalig yóm udél yó kem tau gel mon du mò kuy lemwót bè yóm knóen lem blóng tekuy yóm Gónô Dwata, laen kô dù dumu tau hemsidek tekuy. Kéng yóm yó.

Jirimaya 7:4 Referans Kwoze

Mika 3:11

Yu kem tau gel malak, là kô ye kmukum ke là wen mò wa nawa ye. Yu kem tau gel blóng ebè Dwata, là kô ye tmolok udél Dwata ke là wen bayad le kuy. Yu kem tugod Dwata, laen dù tulón ye ke là bnayad le kuy, igò ye sem gel mon du són bè Dwata yóm gónó ye smalig. Gel mon ye, “Kaem nô bélê tekuy Dwata. Laen dù sidek sut bélê tekuy.”

Sifanaya 3:11

Bè yóm kdaw yó, laen dù gónó ye myak béléu, abay se deng nimón ye ou. Angat kóhu lem blóng ye yó kem tau alì heklabak. Bè yóm dou bulul, laen kô dù bud tau heklabak bè yó ne.

Jirimaya 29:31

“Hemwiti sulat ebè kdê tu kem tau deng negef le ebè Babilun. Tulónem kul, ‘Ni se udél Dwata gbak ebè Simaya yóm tau Nihilam. Lemwót bè yóm tódô kebuen mò tulón tibas là lemwóten béléu, lelen smukat kuy anì hentahu ye yóm kéng tulónen

Kun Snulat Luk 3:8

Ke deng knogol ye yó kem sidek gel nmò ye, hol hegdilô ye bè kmò ye. Ne bê ye abay tô ken-gel nawa yóm kesfu ye gu bè yóm tehe Abraham. Tódô tulónu kuy, balù ni he kem botu nii, botong gbek Dwata hembaling du tau mò semfu gu bè Abraham.

Jirimaya 6:14

Yó kem dou tau tey sidek khalì le, yóm halì là bud lowil le du. Yó nmò yó kem tau smukat yó, wen ngà bulung lunol le tahen, okóm là kóen mkó du.

Jirimaya 29:23

Abay se ni kem tau ni, tey gedlug yóm salà nmò le bè yó kem tauhu. Kóem snamuk le yehen yó kem dumu le sebét ne gel le mò kéng hlan le bè boluyu. Ou se temksì du nim ni,” mon Dwata.

1 Bok Kem Tau Hol Geta 9:7

angat hdóhu yó kem tau Israél bè yóm tonok deng tehe blayu kul. Angat kenbéu snéen nim Gónóu ni, balù yóm deng kfunu du mò mit yóm dou boluy. Ne yó kem tau Israél angat henbalingu lu tau mò sendekà ne kenhisik yó kem tau bè dumu benwu.

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.

Isaya 66:1

Yó udél Dwata, monen, “Longit se gónóhu myón kmamal yóm klamangen ne yóm tonok olo gónóhu hmótól tihu. Duhen yó, kbongen de yóm gónô tô hdà ye béléu? Kbongen de yóm gónô gónóhu tô nô lem blóng ye?

Jirimaya 7:14

Duhen ni, yóm deng tehe kegbau bè Silu, angat bud nmou bè ni bè yóm dou Gónô deng hdà ye bè ni, mò gónóhen nô yóm dou boluy, yóm Gónô tendo snalig ye mò gónó ye hofin bè yó kem hohon ye. Bè ni bè yóm tonok tehe blayu kuy dalang se yó kem tehe fù ye, bud nmou bè ni yóm deng tehe nmou bè Silu.