Jirimaya 7:3 - Udél Dwata: Gna Kesfasad ne Lomi Kesfasad

³ Yó udélen ebélê ye yóm Dwata laen dù là gbeken du yóm sana kuy Dwata kem tau Israél, monen, Balù nim kmoen ni ke kó ye yó kem sidek gel nmò ye, là kô hdóhu kuy ta nim tonok ye ni.

Jirimaya 7:3 Referans Kwoze

Jirimaya 26:13

Okóm ke hol kó ye yó kem sidek tendo gel nmò ye ne ke hol nimón ye yóm sana kuy Dwata hol gónó mogot, angat tenles Dwata hendemen bè yóm keglaen kuy.

Jirimaya 18:11

Duhen ni Jirimaya, eles hetgamahem yó kem tau bè Juda ne yó kem tau bè Jirusalim, monem mò kul, ‘Ni se udél Dwata ebélê ye, monen, deng wen ne atulu eta ye ne deng wen eles hentifesu mò heglumfaku kuy. Duhen yó, hol knogol ye ne yó kem sidek gel nmò ye yóm ket kuy na sotu. Tenles ye kmò ye ne hol nmò ye yóm hyu anì là henlósu du yóm atulu yó.’ ”

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

Jirimaya 35:15

Són moen wen kem tugodu hógówu elem blóng ye anì hol tebel ye yó kem sidek gel nmò ye ne tenflok ye tmaba ebè yó kem dwata kéng anì menek klowil ye ta yóm tonok blayu kuy dalang se bè yó kem tehe fù ye. Okóm là kô hnungol ye dou ne là se kô nimón ye do.

2 Bok Kem Tau Hol Geta 17:13

Igò Dwata deng tendo semsulit eles hetgama yó kem tau bè Israél ne yó kem tau bè Juda hlanen bè yó kem tugoden ne bè yó kem tau gel wen htonen kul, monen, “Knogol ye ne yó kem sidek gel nmò ye, ne hol lolò ye yó kem hlauhu kuy ne yó kem hlolou kuy, yóm tehe hlolou yó kem tehe fù ye mò hol nimón le, yóm deng htulónu yó kem tugodu ne yó kem tau tóbóng lówóhu bélê ye.”

Jirimaya 4:1

Yó udélen ebélê ye yóm sana kuy Dwata hol gónó mogot, monen, “Semfulék ye ebéléu, kem tau Israél. Ke gotu bot ye lu yó kem dwata kéng lenbù nmò alì kenbéu ne ke là bud lolò ye kul

Jirimaya 18:8

okóm ke yó nmò yó kem tau bè yóm benwu yó, knogol le yó kem sidek gel nmò le, là kô hendohou du yóm deng monu yó, là kô genbau du yóm benwu yó.

Jirimaya 6:16

Yó udél Dwata ebè yó kem tauhen, monen, “Mdà ye bè yóm gónón sesyat lan. Hnebel ye yóm lan deng legen, yóm lan hol tahu duhen ne yó lolò ye. Bè yóm klolò ye du yóm lan yó, bè yó gónón menek kegnóm ye du. Okóm deng mom yó balà ye dou, mon ye, ‘Là. Là yó du yóm lan nóyô me.’

Jirimaya 17:25

angat hlós efet kól bè laen tul sónen nim benwu ye ni. Ne tendo wen sfu Dabid seflós myón bè yóm gónón myón kmamal bè ni bè Jirusalim. Angat tendo wen kem tau hol geta mogot kuy ne kem genlal le smakay kudà ne myón klitun tók lem blóng yó kem tau bè ni bè Juda. Nim syudad ni, laen kô dù nan e són.

Jirimaya 35:16

Yó kem semfu gu bè Rikab, tey kimón le yóm tehe fù le. Okóm kuy, là kô hnungol ye dou.’