Jirimaya 7:16 - Udél Dwata: Gna Kesfasad ne Lomi Kesfasad

¹⁶ Yó bud udél Dwata ebè Jirimaya, monen, “Ó Jirimaya, hol béi abay bud mni béléu bélê le ni kem tau ni. Béem abay nkik lu ne béem abay tô senblóng lu ebéléu, abay se là kô hnungolu kóm.

Jirimaya 7:16 Referans Kwoze

Jirimaya 15:1

Omin Dwata bud mudél ebè Jirimaya, monen, “Baluen he ke mdà bè ni Musis lewu le Samwél tô na a hkodu béléu bè ni kem tau bè Juda ni, là kô naw e knodu kul. Lohem lu mayuk. Hdóhem lu bè soluhu.

Kehewà 32:10

Ne ni béem henseng o, tey kebutu kul ne gotu genlau lu. Ne yó tles nmou angat tey kehbólu kóm ne yó kem angat semfu gu béléem. Nmou yu sotu bung tau alì mbegel.”

Jirimaya 18:20

Deng mom bnalà le sidek yóm hyu gel nmou bélê le. Deng wen holot nmò le anì ghatay le ou igoen ou se yóm tehe hkodu béléem anì mkó ta le yóm tey kebutem kul.

Isaya 1:15

Ke sok gel hdà ye hólól ye bè yóm gel kni ye ebéléu, là kô kenmónu kuy. Balù hilu dulék ye mni ebéléu, là kô naw e hnungol kuy, yakà hónô litô tau deng bnonok ye lem yóm hólól hdà ye.

1 Jan 5:16

Ke ton ye yóm sotu dumu ye hemtahu deng btang elem salà, okóm ke sundu elem hatay laen dù sónen nefeten yóm salaen yó, hol utóm ye bè Dwata, ne blayen du yóm klowil laen dù sónen, syan ke là mefeten elem hatay laen dù sónen yóm salà nmoen yó. Okóm wen se yóm salà hol nefeten elem hatay laen dù sónen. Là monu du mò kuy hni ye bè Dwata yóm tau yó.

Mika 3:4

Angat kól yóm kdaw ye hkodu mkik ebè Dwata, okóm là kô nan e bnalà kuy. Mom henbnosen yu lemwót bè yó kem sidek deng gel nmò ye.

Dwata 9:14

Béem tô henseng ou bè nim nmou bélê le ni abay se deng nô bè nawahu ne yóm keglau kul anì laen dù bud hemtulón kul nawa. Okóm kóm, nmou uu mò mà yóm sotu but tau alì genged ne alì mbegel senta le.’

Jirimaya 7:17

Ilóem là deng tonem du kô yóm tendo gel nmò le bè yó kem dumu benwu bè Juda dalang se bè yó kem lan bè ni bè Jirusalim?

Jirimaya 15:6

Yu se yó kem tau deng kembê dou,” mon Dwata. “Deng knogol ye ou. Duhen ni, tayalu eta sigelu mò gemlà kuy. Denge tey tmakas ne hembala du yó kem sidek tendo gel nmò ye.