Jirimaya 7:12 - Udél Dwata: Gna Kesfasad ne Lomi Kesfasad

¹² Mógów ye etu bè Silu, yóm hol tanay benwu néléku mò gónó ye tmaba ebéléu. Hnénég ye yóm deng nmou bè yó lemwót bè yó kem tey salà yó kem dou tau Israél.Igò ye mò du yó kem salà monu yó koni, sónmou se dou tendo semsulit mudél ebélê ye, okóm là kô ye dog móyô hmungol. Deng tnabahu yu anì wen eles hetgamahu kuy, okóm là kô na ye e bnalà dou.

Jirimaya 7:12 Referans Kwoze

Jirimaya 26:6

ke henlós ye yóm là kimón ye, angat genbau yóm Gónóu ni hol lómón yóm tehe kegbau bè Silu, yóm benwu tehe gna gónó ye tmaba ebéléu. Ke deng ton yó kem dumu tau bè klamang benwu yóm angat kegbau yóm Jirusalim ne ke wen henmulà le, angat mon le, hol mkél bè Jirusalim he yóm ktafak Dwata kóm.’ ”

1 Samwél 4:22

Yó hol són udélen, monen, “Deng tnagak Dwata ne Israél, yakà deng negef le du yóm Slungan Dwata.”

1 Samwél 1:3

Yóm Ilkana ni, tódô keten halay gel mógów etu bè Silu bè yóm Gónô Dwata, mung du yó kem fes lówóhen nan e tmaba ebè yóm Dwata laen dù là gbeken du ne nan e gel demsù ebéléen. Ne yó fen gel semblóng tau ebè Dwata bè yóm kmoen yó, yó kem lewu ngà Ili logi le Hufni ne Finihas.

Dwata 12:11

Ne bè yóm tonok yó, wen sotu benwu angat nélék Dwata mò gónó ye gel tmaba ebéléen. Ne bè yó gónó ye mit du ebéléen yóm kdê deng hlauhu kuy, duhen yó kem dsù gel hkekeb ye ne yó kem dumu dsù ye ne yóm gesfoloen gel bad ye du ne yó kem tódô gel blay ye du ne dalang se yóm dumu basa deng hol fasad ye du.

Dwata 12:5

Bè klamang yóm benwu gónó ye angat nô kem tau Israél, wen sotu benwu angat nélék Dwata mò gónó ye hloni ebéléen ne mò gónó ye tmaba ebéléen.

Jirimaya 7:14

Duhen ni, yóm deng tehe kegbau bè Silu, angat bud nmou bè ni bè yóm dou Gónô deng hdà ye bè ni, mò gónóhen nô yóm dou boluy, yóm Gónô tendo snalig ye mò gónó ye hofin bè yó kem hohon ye. Bè ni bè yóm tonok tehe blayu kuy dalang se yó kem tehe fù ye, bud nmou bè ni yóm deng tehe nmou bè Silu.

1 Bok Kem Tau Hol Geta 9:7

angat hdóhu yó kem tau Israél bè yóm tonok deng tehe blayu kul. Angat kenbéu snéen nim Gónóu ni, balù yóm deng kfunu du mò mit yóm dou boluy. Ne yó kem tau Israél angat henbalingu lu tau mò sendekà ne kenhisik yó kem tau bè dumu benwu.