Jirimaya 7:11 - Udél Dwata: Gna Kesfasad ne Lomi Kesfasad

¹¹ Ilóem yó kô kehedem ye du yóm dou Gónô, yóm hol gónóhen nô yóm dou boluy mò gónó le hebnos yó kem tau mnagaw? Deng gotu tonu se yóm sidek gel nmò ye bè yó, mon Dwata.

Jirimaya 7:11 Referans Kwoze

Matyu 21:13

Mon Jisas mò kul, “Igò Dwata deng mon du bè Sulaten, ‘Yó muhen yóm dou Gónô mò gónó le gel mni ebéléu yó kem tau.’ Okóm,” mon Jisas, “deng mom henbaling ye gónó le nô yó kem tau gel mnagaw.”

Mark 11:17

Ne wen toloken yó kem tau bè yó, monen, “Igò Dwata deng mon du bè Sulaten, ‘Yó muhen yóm dou Gónô mò gónó le gel mni ebéléu yó kem tau bè klamangen benwu.’ Okóm kuy,” mon Jisas, “deng mom nmò ye gónó le nô yó kem tau gel mnagaw.”

2 Tutul Israél 6:33

hol hnungolem yóm hni le bè yóm gónóhem nô dyó bè longit, ne blayem kul yóm deng hni le béléem yó. Ke yó nmoem, tódô kdéen tau bè klamangen benwu angat temngón kóm, ne wen klikò le kóm, lómón yóm kul gel nmò yó kem kóm tau Israél. Ne tngón le se kul yóm Gónô Dwata hdau mò mit du yóm kóm boluy.

Kun Snulat Jan 2:16

Gotu dóken yó kem tau hembalù kfati, monen mò kul, “Gotu kó ye bè ni ni kem hbalù ye ni. Bê ye henbaling fedyan yóm Gónô Mà.”

Jirimaya 23:24

Laen kô dù tau gbek hembnos dou,” mon Dwata. “Tódô tfengu longit gónóhu nô ne tódô tfengu tonok.

Hibru 4:13

Laen kô dù gebnos bè Dwata. Balù sotu bè yó kem deng dlimunen ke mone tô gebnos béléen, gotu tonen kentihen. Bè soluhen gónó tekuy angat mdà hulin kdaw, ne angat gotu benkas ebéléen kdê yó kem deng nmò tekuy.

Jirimaya 29:23

Abay se ni kem tau ni, tey gedlug yóm salà nmò le bè yó kem tauhu. Kóem snamuk le yehen yó kem dumu le sebét ne gel le mò kéng hlan le bè boluyu. Ou se temksì du nim ni,” mon Dwata.

Jirimaya 2:34

Yóm nes ye, deng tódô hono lekes litô yó kem tau laen dù gónó le ma ne laen dù salà le. Tódô hnatay ye lu baluen ke laen dù deng hennagaw le bélê ye.

Jirimaya 7:10

Omin ye yó mdà bè soluhu lem yóm dou Gónô ne mon ye, “Laen kô dù hemen me bè ni se kum.” Kéng yóm yó, abay se tódô senflós ye mò du yóm alì kenbéu.

Isaya 1:12

Tau du de hedsù du kuy kdê yó kem yó bè yóm gel ktaba ye ebéléu? Tau du de alì mdók kuy segewók mógów lem yóm dou Gónô?

Danyél 9:18

Ó Dwata, hol henklinguhem o hol hnungolem o, temngeli gu dyó tenngelem nim glumfak me yóm kegbà yóm syudad mit yóm kóm boluy. Là yó du gónó me mni tóbóng béléem ke lemwót bè ktedeng me, okóm lemwót bè yóm alì khulungem kmodu.