Jirimaya 7:10 - Udél Dwata: Gna Kesfasad ne Lomi Kesfasad

¹⁰ Omin ye yó mdà bè soluhu lem yóm dou Gónô ne mon ye, “Laen kô dù hemen me bè ni se kum.” Kéng yóm yó, abay se tódô senflós ye mò du yóm alì kenbéu.

Jirimaya 7:10 Referans Kwoze

Jirimaya 32:34

Deng mom hdà le lem yóm dou Gónô yó kem dwata lennged alì sidek yó. Là buden mólós ne yóm dou Gónô.

Jirimaya 7:30

Yó bud udél yóm sana Dwata hol gónó mogot, monen, “Yó kem tau bè Juda, deng tey sidek nmò le bè soluhu. Deng sù le lem yóm dou Gónô yó kem dwata lennged alì sidek béléu.

Jirimaya 7:14

Duhen ni, yóm deng tehe kegbau bè Silu, angat bud nmou bè ni bè yóm dou Gónô deng hdà ye bè ni, mò gónóhen nô yóm dou boluy, yóm Gónô tendo snalig ye mò gónó ye hofin bè yó kem hohon ye. Bè ni bè yóm tonok tehe blayu kuy dalang se yó kem tehe fù ye, bud nmou bè ni yóm deng tehe nmou bè Silu.

Jirimaya 7:11

Ilóem yó kô kehedem ye du yóm dou Gónô, yóm hol gónóhen nô yóm dou boluy mò gónó le hebnos yó kem tau mnagaw? Deng gotu tonu se yóm sidek gel nmò ye bè yó, mon Dwata.

Kun Snulat Jan 18:28

Hol mwas bè yó se, nit le Jisas lemwót bè gónô Kyafas mógów le ebè gónô bong yóm gubérnor. Okóm kul yó kem Ju wen glalen yó, là hyuhen bè kul hlau ke husek le bè gónô yóm tau là Juhen. Ke yó tô nmò le, là bud le mólós kun, ne là kô le gemken bè yóm mò ken le bè Kdaw Khius.

Kun Snulat Jan 13:18

Là kô kdê ye du gónón e gbak nim monu ni. Tódô tngónu yó kem tau deng néléku. Okóm angat dohò yóm tehe hsulat Dwata, yóm monen, ‘Yóm tau dumuhu seyón mken, deng baling hohonen o.’Eles tulónu kuy nim ni,” mon Jisas, “anì yó, ke sok dohò sut, hentahu ye ne yóm deng tulónu kuy gbak bè yóm dou ktau.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

2 Tutul Israél 33:7

Nim Manasi ni, balù yóm dwata lennged tehe nmoen, deng mom suen lem Gónô Dwata, bè yóm Gónô tehe mon Dwata mò ke Dabid ne yóm ngaen Selumun, “Nim Gónóu ni, ne nim syudad Jirusalim ni, deng néléku bè kdéen ból Israél mò mit yóm dou boluy kól bè laen kô dù tul sónen.

2 Tutul Israél 33:4

Lelen hefdà gónó demsù ebè dwata kéng lem Gónô Dwata, yóm Gónô deng mon Dwata laen kô dù tul sónen yóm kwiten du yóm kun boluy.

Isikél 33:31

Tahu se lemwót le, myón le bè soluhem hlingón hnungol le yóm tulónem. Okóm là kóen nô bè nawa le mimón du yóm dou tulón kul mlan béléem. Tey hyu yóm udél kesbong nawa gel btang bè sumóng le, okóm là kô kó le du yóm keseglom le anì wen guta le.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Isikél 33:25

Ni hol tulónem yó kem tau yó yóm udél yóm sana Dwata hol dandónen geta, yó monen, Deng gel ken ye yóm utón mung du litóen, deng ye tmaba ebè yó kem dwata kéng ne deng hnatay ye yó kem tau laen dù salaen. Knóón kô ke kuy funen yóm tonok yó?

Danyél 9:18

Ó Dwata, hol henklinguhem o hol hnungolem o, temngeli gu dyó tenngelem nim glumfak me yóm kegbà yóm syudad mit yóm kóm boluy. Là yó du gónó me mni tóbóng béléem ke lemwót bè ktedeng me, okóm lemwót bè yóm alì khulungem kmodu.

Husiya 6:9

Yó nmò yó kem tau blóng ebéléu, deng le mom baling tau temmón mnagaw, sónmò le hmékét tau mò hnatay le bè yóm lan ebè Sékém, gónó le gel tmaba ebéléu.

Amus 4:5

Nwit ye etu yóm mambang wen bulung henoken mò gónó ye dmóyón dou. Omin ye bud mit yóm basa tódô lemwót bè nawa ye mò gónó ye smalù knô ye. Tey, kem tau Israél, ni se yóm tendo nóyô nmò ye,” udél yóm Dwata hol dandónen geta.

Sifanaya 1:5

Angat bud nmou són le snéen yó kem tau gel tmaba ebè kdaw ne ebè blotik ne ebè bulón ditu ta ketef gónô le. Gel mon le Dwata kun yóm lolò le, okóm deng le mom bud gel tmaba ebè yóm dwata kéng boluyen Molék. Yó gónóm mon, angat gotu nmou són le.

Malakay 3:15

Bè kton tekuy du, hligal le kul yó kem tau heklabak. Tilob klowil le yó kem tau gel mò sidek ne baluen ke là nimón le ke Dwata, là kô gel tnafak Dwata kul.’ Ni se yóm udél ye sidek ebéléu,” mon Dwata.

1 Bok Kem Tau Hol Geta 9:3

Yó mon Dwata mò du, “Deng gotu gungolu yóm knihem béléu. Deng hetfingu yóm Gónóu deng hdaem ni ne laen dù sónen yóm kwiten du yóm dou boluy. Tendo tnanudu ne knudungu etahen.