Jirimaya 6:12 - Udél Dwata: Gna Kesfasad ne Lomi Kesfasad

¹² Angat gotu hledu kem hohon le yó kem gónô le ne yó kem tonok gónó le mò hulu. Balù yehen le gotu hwahu yó kem hohon le. Yó gónón lómón yó nmou bélê le, yakà gotu tnafaku kul yó kem tau lem nim benwu ni,” mon Dwata.

Jirimaya 6:12 Referans Kwoze

Sifanaya 1:13

Yóm kul kimu yó kem tau yó, angat gotu negef yó kem hohon le ne yó kem gónô le gotu genbà le. Ke hdà le gónô, là kô le gnô lemen. Ke hmulu le grép, là kô bud ginum le du tifasen.

Jirimaya 38:22

Tódô kdê yó kem libun tebel bè yóm gónô bongem, gotu nwit le lu ebè yó kem genlal yóm tau hol geta bè Babilun. Bè yóm igò le mógów yó kem libun yó udél le ebéléem, mon le, ‘Deng snukat le uu yó kem weem deng snaligem. Tólóng lan hlolò le kóm. Ne ni, deng gebeng lem hitok tihem, lelen yó he deng knogol le uu yó kem weem yó.’

Isaya 10:4

Yó angat gfà ye, wen se bélê ye matay bè gida ne wen se bélê ye negef le. Baluen se ke lómón yó gfà ye, là kóen deng teflok he yóm kebut Dwata kuy. Sana tolo kuhayen sigelen tmafak kuy.

1 Tutul Israél 21:16

Temngel eta Dabid, ne tonen yóm hógów Dwata gu bè longit tódô mdà bè gónón sóól tonok ne longit. Wen sudeng ayayen eta Jirusalim. Yó nmò Dabid ne yó kem dumu tau gel malak yó kem tau Israél, lemsek le nes sakù mò gónó le hegfan yóm deng kebà nawa le, omin le lemfen bè tonok.

Jirimaya 7:20

Duhen ni, ni se udél yóm Dwata hol dandónen geta, monen, “Tódô koku eta nim benwu ni yóm tey lebutu. Koku eta yó kem dou tau ne eta yó kem ógóf le. Bud koku eta yó kem koyu ne eta yó kem hulu. Nim lebutu ni, hol lómón ke mkal dilóf ofi ne laen kô dù tau gembek hmatay du.”

Jirimaya 15:6

Yu se yó kem tau deng kembê dou,” mon Dwata. “Deng knogol ye ou. Duhen ni, tayalu eta sigelu mò gemlà kuy. Denge tey tmakas ne hembala du yó kem sidek tendo gel nmò ye.

Jirimaya 38:23

Kdê yó kem yehenem ne yó kem ngaem gotu nwit le lu ebè yó kem sendalù Babilun. Balù uu, là kói gewà bélê le. Hekfóen uu yóm tau hol geta bè Babilun ne htemen nim syudad ni.”

Mika 2:4

Bè yóm kdaw yó, angat senkuli le yu yó kem hohon ye ne utóm le lingón yóm deng gfà ye, mon le, “Deng me gotu sulék meglà. Deng gotu nwa Dwata tonok me. Yó kem dnadu me, deng gotu blayen ebè yó kem tau megef kum.”

Sifanaya 1:4

“Angat tnafaku yó kem tau bè Juda dalang se yó kem tau bè Jirusalim. Nmou sónen yóm gel ktaba le ebè Baal bè yó. Ne yó kem tau gel blóng ebéléen, laen kô dù bud hemtulón kul nawa.