Jirimaya 6:10 - Udél Dwata: Gna Kesfasad ne Lomi Kesfasad

¹⁰ “Ke eles tulónu kul nim udélem ni,” mon Jirimaya mò ke Dwata, “tau du se hmungol dou? Deng henseng le klingu le, là kô hnungol le du yóm udél htugodem dou, deng mom knuli le. Balù udì ke wen óyô le hmungol du.

Jirimaya 6:10 Referans Kwoze

Kul Nmò 7:51

Henlós Stéfén kudélen, monen, “Tey bong mgel kulu ye yóm yu. Là kóen nô bè nawa ye yóm kimón ye ke Dwata. Là kô dog hnungol ye du yóm udél Dwata, mo ye mom hbokong. Hol ye mkél bè yó kem tehe fù ye ekni. Ke wen tô tulónen kul yóm Tulus Dwata, deng mom nseng le klingu le.

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.

Jirimaya 7:26

Okóm balù sotu bélê ye ke wen hmungol kul duhen ke kemmón kul. Mom hgel ye kulu ye ne knogol ye o senta yóm kul kkogol do yó kem tehe fù ye.

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

Isaya 53:1

Yó udél yó kem tau, mon le, “Tau du de tô gembek hemtahu du yóm tulón me ni koni? Tau du de tô gembek milô du yóm kfasang Dwata?

Kehewà 6:12

Okóm yó balà Musis du, monen, “Sélét mom tô Faro ne hmungol dou anien se yó du kem tau Israél, là kô hnungol le dou. Abay se là hulunge mudél lem blóng kem tau.”

2 Timuti 4:3

Yó gónóhu mon du yóm yó, wen kdaw le là bud hemkmón du yóm tahu tolok yó kem tau. Mom yó lolò le yóm kul knóyô. Ne tey dê tau gónó le htolok, ne són tolok le kul, són yóm nóyô le mò lelen nawa le.

Kulasi 1:28

Duhen ni, laen dù dumu tulón me bè kdéen tau, són Krays. Gel hlan me bè khulung hedem yóm kehetgama me kul, ne yóm ktolok me kul. Yó gónó me mò du anì hol le gulit yóm ket kul na sotu bè yóm kdaw kwit me kul bè solu Dwata yó kem tau deng ssotu bè Krays.

Sulat Pol Ebè Yó Kem Tau Hemtahu Bè Rom 7:22

Yóm hol nô lem hendemu, bong óyóu du yó kem hlau Dwata.

Kul Nmò 7:60

Tuden bukolen ne bud hgelen udélen, monen, “Ó Mà bè Longit, béem dog snolò bélê le ne yóm salà nmò le ni.” Kogol yóm kmonen du yó, ominen milot nawahen.

Kun Snulat Jan 9:40

Ne wen se kem Farisi nô bè yó, ne gungol le yóm kmon Jisas du nim ni, mon le se mò du, “Mi kô yóm monem butô yó?”

Kun Snulat Luk 20:19

Tódô tngón yó kem tau gel tmolok hlau ne yó kem geta bè yó kem tau gel demsù ebè Dwata yóm kegbaken ebélê le yóm hningón Jisas yó. Ne tódô tô kendel kenfô le bè yó, okóm knikò le yó kem dumu tau.

Kun Snulat Luk 11:45

Sotu bè yó kem tau gel tmolok hlau myón bè yó, ne mudél ebè Jisas, monen, “Gomong henyakem mi bè yóm udélem yó, Sér.”

Matyu 3:7

Timbow ton Jan yóm kógów le ebéléen yó kem Farisi dalang se yó kem Sadyusi na le e tô hbabtays béléen, tódô monen mò kul, “Ya nim yu, hol ye mkél bè ulal, gel henlóyen ofi. Ilóu ofo kuy ke tô ye gewà lemen yóm angat tafak Dwata tau ke olo ye hbabtays.

Amus 7:10

Timbow gungol Amasaya, yóm tau gel blóng le ebè Dwata bè Bétél yóm tulón Amus yó, tódô kendel hemwit udél ebè Jirubuam yóm tau hol geta bè Israél, monen, “Deng natul Amus uu bè ni lem blóng yó kem tauhem. Yó kem udél deng lemwà gu lem baken hono sidek mit hguluk bè nim benwu ni.

Isikél 33:9

Okóm ke eles wen hetgamahem du anì hegsel ne là dogen móyô hegsel, angat matay yóm tau yó igoen tolo nô tahen yó kem salaen. Okóm là kô ntuku du béléem yóm katayen yó.”

Isikél 33:3

Yóm tau mentey nélék le yó, ke tonen ksut yó kem hohon le, yó nmoen, kendel mféw anì getgama le yó kem tau.

Jirimaya 4:4

Kó ye yóm sidek nô lem hendem ye ne yóm sidek nô lem but blutut ye. Ke là nmò ye du yóm yó, yóm kebutu kuy hol lómón ke mkal yóm tey dilóf ofi là gbek tau hmatay du, gotu kenen yu lemwót bè yó kem salà ye.” Là gomongen bè nili yóm bérs 5 kól bè bérs 31. Yó tulónen bè ni kem bérs ni yóm angat kgida yóm sotu benwu bong yóm benwu Israél. Nim benwu bong ni, tey mfasang ne mbegel kem tauhen, benwu nô fi bwak yóm benwu Israél. Bè yóm angat kgida le bè Israél, gotu genbà le yóm benwu le ne gotu negef le yó kem tauhen. Ya tey sidek kegnóm Jirimaya du yóm igoen tmulón du kul yóm angat gfà le yó lemwót bè yóm là kimón le ke Dwata. Là gomongen bè nili yóm tsaptér 5. Yó tulónen bè nim tsaptér ni yóm kdók Jirimaya yó kem tau anì mebel le bè klamang yóm syudad Jirusalim ke wen sotu tau ton le tau gulit ne teneb bè Dwata ne ndaen yóm ktahuhen. Mon Jirimaya ke wen sotu tau ton le, gbek Dwata hmifót salà yó kem tau lem syudad Jirusalim. Okóm balù sotu ke wen ton le. Yó gónóm mon, là gselem ke Dwata ke tnafaken yó kem tauhen. Yó angat nmò Dwata, wen tey gida bong hwiten elem benwu le mò gemlà kul lemwót bè yóm là kimón le.

Kem Lingón 119:174

Hfuhu imaku mangat yóm kehewaem do, Dwata, ne són hefligal do, són yó kem hlauhem.

Kem Lingón 119:77

Hol knodum o anì mowile, yakà bè hlauhem du gónów hligal.

Kem Lingón 119:70

Yó kem tau heklabak yó koni, là hulung le temnef, okóm do, hligale du yóm hlauhem.

Kem Lingón 119:35

Hloloem do yóm lan lemwót bè yó kem hlauhem, yakà bè yó du gónów hligal.

Kem Lingón 119:24

Hligale du yó kem hloloem do, tey tilob yóm kehlau le do.

Kem Lingón 119:16

Tey kehyu nawahu du yó kem hlauhem, ne là kô klifótu du yóm udélem.

Kem Lingón 40:8

Tey bong óyóu mò du yóm kóm kóyô, Dwata. Tendo eles nô bè nawahu yóm gel tolokem dou.”

Kem Lingón 1:2

Yó dé gónó le hligal ke nimón le yó kem hlau Dwata, ne ke là skóhen yóm tendo kehedem le du, ket kdaw ne ket kifu.

Jirimaya 9:26

duhen yó kem tau Idyip ne tau Idom ne tau Amun ne tau Muab ne yó kem tau menwu bè yóm benwu laen hol wen tauhen. Ni kem tau ni, hono kem tau là hemtahu bè Dwata. Tahu se, balù yó kem tau Juda gomong tnafaku. Senged snéen yó kem tau Israél, skél le bè yó kem tau là hemtahu le bè Dwata. Htulì le, okóm là kô tenles le du kmò le.”

Isaya 42:20

Yu kem tau Israél, deng tey dê ne ton ye nmou, okóm là kô kenmón ye du. Igoen se wen klingu ye, okóm là kô ye mungol.”

Jirimaya 7:13

Igò ye mò du yó kem salà monu yó koni, sónmou se dou tendo semsulit mudél ebélê ye, okóm là kô ye dog móyô hmungol. Deng tnabahu yu anì wen eles hetgamahu kuy, okóm là kô na ye e bnalà dou.

Jirimaya 35:13

“Ni se udél yóm Dwata laen dù là gbeken du, yóm Dwata yó kem tau Israél, monen, Holi mógów ebè yó kem tau bè Juda ne bè Jirusalim, monem mò kul, ‘Ngem wen dnalang ye bè yóm là kimón ye dou.

Isikél 3:7

Okóm hógówu uu ebè yó kem tau Israél ne là kô na le e hnungol kóm. Balù sem ou du, là kô hnungol le do, abay se hono le tau mgel kulu yóm kdê le.