Jirimaya 45:3 - Udél Dwata: Gna Kesfasad ne Lomi Kesfasad

³ Yó deng udélem, ‘Denge tmakas ne. Tendo tennù Dwata yóm blat nô tahu. Laen kô dù bud gelu ne tódô sónmou dmolong, là kóe gehegnô.’

Jirimaya 45:3 Referans Kwoze

Glasya 6:9

Duhen yó, bê tekuy abay htakas mò du yóm hyu, abay se angat wen tey guta tekuy du ke là htakas tekuy.

2 Kurin 4:16

Yó gónóm mon, là kô me na a tmakas mò du yóm hmò Dwata kum. Bong bè ni dum lówó me, sónmoen minut mtón gelen ket kdaw. Okóm bè yó dum kehtahu me, sónmoen temnù.

2 Kurin 4:1

Lemwót bè yóm tey kodu Dwata kum, yó gónón smigang du ta me yóm hmoen kum ni, ne yó gónó me là tmakas mò du.

2 Tisalunika 3:13

Okóm bélê ye kuy, kem dumu me setwoli, bê ye abay htakas mò du yóm hyu.

Jirimaya 9:1

Hyu dé ke kokol él yóm kuluhu ne yóm matahu, hyu dé ke tbul lewok anì senflósu mkik ket kdaw ne kifu. Nkiku yóm kdê yó kem dou tau deng hnatay le.

Jirimaya 8:18

Yóm tey klangagu ni là kóen mkó. Lómón ke deng gbà lem kfuhu.

Kem Udél Hlalak Tehe Selumun 24:10

Ke tlek kóm lenmek bè yóm kwen glumfakem là kóen wen kgisem.

Kem Lingón 120:5

Tey sidek kegnómu du yóm knóu lem blóng ye, lómón ke nóe bè benwu Misak ne bè benwu Kidar.

Kem Lingón 69:3

Tey kegenu tmaba ebéléem, Dwata, anì tnóbóngem ou. Ngangu tmaba efet des lem liholu. Sónmou mangat temngel du ke wen tóbóngem dou efet là buden gmefet ketngelu.

Kem Lingón 27:13

Tódô tngónu là kô hatayu du yó kem nmò le béléu yó. Angat hton Dwata dou he yóm tey kehyu nawan ebéléu bè yóm klawihu mowil talak tonok.

Kem Lingón 6:6

Denge tey miteg ne bè yóm gel klangagu. Tódô keten kifu héfê gónów tungô lemwót bè lewoku. Tódô senflósen héfê kamahu.

Jirimaya 45:2

“Ó Baruk, ni se udél Dwata ebéléem, yóm kut Dwata kem tau Israél, monen mò kóm,

Kem Lingón 6:7

Tendo lembóg matahu lanu alì mkik. Nkiku yóm tendo nmò le béléu yó kem hohonu.