Jirimaya 42:5 - Udél Dwata: Gna Kesfasad ne Lomi Kesfasad

⁵ Ominen yó udél le ebè Jirimaya, mon le, “Yó hem sana kut Dwata hol gónó mogot hol temksì kum ke là nimón me du yó kem tulónen kum.

Jirimaya 42:5 Referans Kwoze

Tekang Kbuten 31:50

Bud mon Laban, “Ke hensidekem yó kem ngau libun ne ke budi myehen dumu libun baluen ke là tngónu du, hol béem klifót wen Dwata tendo eles temngel kut.

Deng Hegfan 3:14

“Budi smulat do ebè yóm fen gel malak yó kem tau hemtahu bè Ludisya, monem mò du, ni se udélen ebélê ye yóm hol dohò tulónen. Du se yóm hol gulit, yóm hol gsalig, yóm tehe hedlimun Dwata yóm kentihen.”

Deng Hegfan 1:5

Ne yóm Jisas Krays, tey gsalig yóm gel tulónen. Du se yóm hol geta bè yó kem deng hlowil Dwata gu lem hatay. Bud du se kmamal yóm kentihen tau hol geta mogot benwu talak tonok. Tey kbong nawahen tekuy, gloken hamà yóm kun litô bélê tekuy mò lanen lemwà tekuy gu lem salà

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Malakay 2:14

Sal gel mon ye, “Moen de ke là henmóyô Dwata du yó kem gel blay me du?” Yó gónón là hemmóyô du abay se bè yóm tehe kyehen ye bè yóm hanà klomi ye tau, tehe nô bè yó se Dwata fen temksì du yóm deng senfasad ye yóm libun yehen ye, yóm libun deng ndà ye nim kmoen ni, igoen lu yóm mò dumu ye sbalà, deng dumu ye sfasad.

Mika 1:2

Ó kem kdéen tau, ni mò hol hnungol ye. Yóm kdéen tau mowil talak tonok, hol hnungol ye yóm udélen ebélê ye yóm Dwata hol dandónen geta. Mudél ebélê ye gu lem tum Gónóen bè longit.

Sulat Pol Ebè Yó Kem Tau Hemtahu Bè Rom 1:9

Tódô tngón Dwata là kóen skó yóm tendo gel knihu bélê ye. Nim Dwata monu ni, du se yóm Dwata hol gónóhu hmotu nawahu mit yóm Tulón Hyu gbak ebè yóm Ngaen.

1 Samwél 20:42

Yó són udél Junatan ebè Dabid, monen, “Tenngelem kógówem Dabid, Dwata he mung kóm ne Dwata he tmóbóng kut anì là gbà yóm deng kesfasad te hlan te bè boluyen, yóm kmon te du, ‘Dwata he tendo nô lem blóng te kkólen bè yó kem angat lugod te efet kól bè laen dù sónen.’ ” Omin Dabid lemwót ne fen mulék ebè syudad ke Junatan.

1 Samwél 12:5

Ne yó udél Samwél ebélê le, monen, “Yó fen temksì kuy kemdaw ni bè yóm klaen dù salà deng nmou bélê ye, duhen Dwata ne yóm tau hol geta deng kun nélék.” Ne yó balà le du yó kem tau, mon le, “Dwata se fen temksì du.”

Kehewà 20:19

Yó mon le mò ke Musis, “Ke uu mudél ebélê me hnungol me. Okóm ke Dwata, likò me déke matay me.”

Kehewà 20:7

Bê ye tódô óyô moluy du yóm dou boluy. Yakà ou du yóm sana kuy Dwata hol gónó ye mogot. Tnafaku yóm tau tódô faen moluy du yóm dou boluy.

Jirimaya 42:20

Deng tnondo ye ou bè yóm kdók ye dou mni bè yóm sana kut Dwata hol gónó mogot. Yó mon ye, ‘Hol tulónem kum yóm udél yóm sana kut Dwata hol gónó mogot anì nimón me.’