Jirimaya 42:4 - Udél Dwata: Gna Kesfasad ne Lomi Kesfasad

⁴ “Yó ne,” mon Jirimaya, “mnihe bè yóm sana kut Dwata hol gónó mogot ne gotu tulónu kuy yóm monen. Là kô bunihu du bélê ye.”

Jirimaya 42:4 Referans Kwoze

Kem Lingón 40:10

Là kô limengu du yóm tulón hyu gbak ebè yóm kehewaem kum. Tódô senflósu tmulón du yóm là konol nawahem ebélê me ne yóm tey któbóngem kum. Bè yóm gel kestifun le yó kem kóm tau, balù sulék ke tódóe yem lem blóng le. Gel tulónu yóm tendo gel kfihem kum, ne yóm kbong nawahem kum tódô seflós.

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

Kehewà 8:29

Mon Musis se, “Bè nim kewótu ni mnihe béléem bè Dwata anì yó, haya tnagak le u yó kem lenged, tnagak le yó kem genlalem ne yó kem tauhem. Okóm hol béem bud tundug mi ne béem abay nali yó kem tau anì na le e demsù ebè Dwata.”

Kul Nmò 20:20

Deng hónô tngón ye bè yóm gel ktoloku bélê ye, là kóe lenngayà tmulón du kuy yóm ktahuhen, senged se ke tmoloke bè gónón wen, duhen ke bè gónô ye.

Jirimaya 23:28

Bayaem ne yóm gel tulón yó kem tugod gel kemna yó. Okóm yó kem tau htugodu yóm dou udél, hol le tódô hteneb tmulón du sen yóm udélu. Tey wen gónón stólóng yóm lami halay bè yóm bunguhen.

Sulat Pol Ebè Yó Kem Tau Hemtahu Bè Rom 10:1

Ó kem dumuhu setwoli, yó alì gel sen-galuhu ne hnihu bè Dwata ke gotu le gewà gu lem hatay yó kem dumuhu Ju.

Kul Nmò 20:27

abay se deng hónô tulónu kuy ne yóm kóyô Dwata bélê ye, laen kô dù bunihu bélê ye.

Isikél 2:7

Hol tulónem kul yóm udélu ebélê le, kihu ke hnungol le duhen ke là. Okóm là kô na le e hnungol kóm, abay se hono le tau là mimón yóm kdê le.

Jirimaya 26:2

monen, “Mdai bè lósól yóm dou Gónô ne mudéli ebè yó kem tau lemwót bè klamangen Juda, yó kem tau mógów ebè yó na a tmaba ebéléu. Hol tulónem kul yóm kdê htugodu kóm, hol béen abay wen tebelem du balù sotu.