Jirimaya 42:1 - Udél Dwata: Gna Kesfasad ne Lomi Kesfasad

¹ Omin le gotu mógów ebè Jirimaya yóm kdéen genlal bè yó kem sendalù Israél, mung kul Juhanan yóm ngà Kariya logi ne Jisanaya yóm ngà Husaya logi ne kdê yó kem tau kewóten bè leneken kkólen bè lebangen, gotu le mógów ebè

Jirimaya 42:1 Referans Kwoze

Jirimaya 41:11

Okóm tikóng gungol Juhanan yóm ngà Kariya logi ne yó kem dumu genlal bè yó kem sendalù mung béléen yóm deng nmò Ismaél yó,

Jirimaya 40:13

Kogolen bè yó, lemwót Juhanan yóm ngà Kariya logi ne yó kem dumuhen malak yó kem sendalù là deng heglaan bè yóm tau hol geta kmamal bè Babilun, mógów le ebè Gidalaya bè Mispa.

Jirimaya 6:13

“Tódô lenwóten bè yó kem tau leneken kkólen bè yó kem tau lebangen, gel snukat le kem dumu le, nwa le yóm là kul du. Balù yó kem dumu tugodu ne yó kem tau blóng ebéléu, bud yó se kul nmò.

Jirimaya 42:8

Duhen yó, htaba Jirimaya Juhanan yóm ngà Kariya logi ne yó kem genlal bè yó kem sendalù ne kdê yó kem tau kewóten bè leneken kkólen bè lebangen.

Jirimaya 40:8

Yó nmò le, mógów le ebè Gidalaya bè Mispa. Yó boluy yó kem genlal mógów, Ismaél yóm ngà Nitaniya logi ne Juhanan lewu le Junatan hono kem ngà Kariya logi ne Siraya yóm ngà Tanhumét logi, ominen yó kem ngà Ifay logi lemwót gu bè benwu Nitufa ne Jaasaniya lemwót gu bè benwu Maaka, mung kul yó kem tau nalak le. Gotu le mógów ebè Gidalaya.

Kul Nmò 8:10

Tódô kdéen tau bè yóm benwu yó, lenwóten bè yó kem tau glaan kkólen bè yó kem tau hol geta, tey gel khungol le du. Yó gel mon le, “Yóm kun ktulus ni, tódô lemwót bè Dwata, yóm gel mon le, ‘Hol Tahu Tulus Dwata.’ ”

Matyu 15:8

‘Són bè sumóng gónó le madat do ni kem tau ni, mon Dwata, okóm yóm nawa le tey mayuk béléu.

Isikél 33:31

Tahu se lemwót le, myón le bè soluhem hlingón hnungol le yóm tulónem. Okóm là kóen nô bè nawa le mimón du yóm dou tulón kul mlan béléem. Tey hyu yóm udél kesbong nawa gel btang bè sumóng le, okóm là kô kó le du yóm keseglom le anì wen guta le.

Jirimaya 42:20

Deng tnondo ye ou bè yóm kdók ye dou mni bè yóm sana kut Dwata hol gónó mogot. Yó mon ye, ‘Hol tulónem kum yóm udél yóm sana kut Dwata hol gónó mogot anì nimón me.’

Jirimaya 41:16

Lemwót Juhanan yóm ngà Kariya logi ne yó kem genlalen, gotu nwit le lu yó kem tau deng lenwà le yó koni, kem sendalù ne kem libun ne kem ngà ne yó kem tehe genlal bè gónô bong yóm tau hol geta mogot kul.

2 Bok Kem Tau Hol Geta 25:23

Deng wen kem kmandér bè yó kem sendalù Juda deng hebnos mung kul kem sendalù le. Tikóng gungol le yóm deng kéléken ke Gidalaya mò gubérnor bè Juda yóm tau hol geta bè Babilun, gotu le mógów ebè Gidalaya bè Mispa, mung kul yó kem tau nalak le. Yó boluy le Ismaél ngà Nitanaya, ne Juhanan ngà Kariya, ne Siraya ngà Tanhumét yóm tau lemwót bè Nitufa, ne Jasanaya ngà yóm sotu tau lemwót bè Maka, ne kdê yó kem tau nalak le, gotu mung kul.

Jirimaya 37:3

Sotu kdaw bè yó, yó nmò Sidikaya, wen lewu tau dóken ebè Jirimaya, duhen Jihukal yóm ngà Silimaya logi, lewu le Sifanaya yóm tau gel blóng le ebè Dwata ngà Maasiya logi. Hógówen lu etu bè Jirimaya anì mon le mò du, “Ó Jirimaya, holi mni kut bè Dwata yóm sana kut Dwata hol gónó mogot. Hnihem kut yóm kbenwu tekuy.”

Jirimaya 41:18

Likò le bè yó kem sendalù Babilun ke gungol le yóm deng khatay Ismaél ke Gidalaya yóm gubérnor deng nélék yóm tau hol geta kmamal bè Babilun.