Jirimaya 41:7 - Udél Dwata: Gna Kesfasad ne Lomi Kesfasad

⁷ Okóm tikóng le deng gotu husek elem yóm syudad yó, tódô hnatay Ismaél lu ne tek sfolò tebel bélê le. Gotu bot le elem yóm sol gónó le gel hemyu él lówó yó kem tau deng hnatayen.

Jirimaya 41:7 Referans Kwoze

Isaya 59:7

Tendo gel natul ye yóm sidek ne tey kódód ye géhél mò du. Tey mahil bélê ye hmatay yó kem tau laen dù sidek nmò le. Balù kihu gónó ye e solu, tey wen tau gel hensidek ye ne hnayam ye.

Kem Lingón 55:23

Okóm uu, Dwata, angat mbot kul elem lanaw ofi yó kem tau sidek gel nmò le. Kem tau monok ne kem tau smukat, là kô guta le du ktuha le. Okóm dou, són uu snaligu.

Sulat Pol Ebè Yó Kem Tau Hemtahu Bè Rom 3:15

Són nawa monok nô bélê le.

Kem Udél Hlalak Tehe Selumun 1:16

Yakà són mò le módód mò sidek ne eles le htigel bè khatay le tau.

Isaya 14:19

Okóm kóm, laen dù gónó le lembeng kóm. Tódô bot le lówóhem ne bè yó gónón lagas. Tódô bot le lem sol botu ne bud bot le tahem yó kem sendalù deng hnatay le bè gida, omin le lemuduk botu tahem ne tódô le kem mógów gu tahem yó kem tau.