Jirimaya 41:2 - Udél Dwata: Gna Kesfasad ne Lomi Kesfasad

² lemwót Ismaél ne yóm sfolò kem tauhen tódô kento dilot le sudeng le, hnatay le Gidalaya yóm tau deng nélék yóm tau hol geta kmamal bè Babilun mò gubérnor bè Juda.

Jirimaya 41:2 Referans Kwoze

2 Bok Kem Tau Hol Geta 25:25

Okóm bè yóm ghituhen bulón bè yóm halay yó, mógów ebè Mispa Ismaél yóm ngà Nitanaya témê Ilisama, tbong tau hol geta se kun, ne wen sfolò tauhen mung du. Hnatay le Gidalaya, gomong hnatay le yóm kdê tau nô béléen, kem tau Juda ne kem tau Babilun.

Jirimaya 40:5

Ke móyói tebel, mógówi ebè Gidalaya yóm ngà Ahikam témê Syafan. Du deng nélék yóm tau hol geta mogot bè Babilun mò gubérnor bè Juda. Nói béléen bè yó lem blóng yó kem tau nogoten. Okóm kihu kóm nóyô gónó nô.” Ominen wen ken ne filak blay Nibusaradan du, ominen yó hewót du.

Jirimaya 40:7

Wen se bè yó kem sendalù genlal bè Juda dalang se yó kem sendalù nogot le tolo le hebnos, là móyô le heglaan bè yóm tau hol geta kmamal bè Babilun. Timbow gungol le yóm deng kehyón yóm tau hol geta kmamal bè Babilun ke Gidalaya yóm ngà Ahikam logi, mò gubérnor bè yó kem tau élél dù tebel bè Juda, yó kem tau là gomong negef le kul.

Kem Lingón 109:5

Yóm hyu nmou bélê le, mom bnalà le sidek, yóm kbong nawahu kul, mom bnalà le utó nawa.

Kem Lingón 41:9

Balù yó hem hol dou wè, yóm alì snaligu, yóm tehe gel mken béléu, deng mom hohonen ou.

Kun Snulat Jan 13:18

Là kô kdê ye du gónón e gbak nim monu ni. Tódô tngónu yó kem tau deng néléku. Okóm angat dohò yóm tehe hsulat Dwata, yóm monen, ‘Yóm tau dumuhu seyón mken, deng baling hohonen o.’Eles tulónu kuy nim ni,” mon Jisas, “anì yó, ke sok dohò sut, hentahu ye ne yóm deng tulónu kuy gbak bè yóm dou ktau.

Jirimaya 40:8

Yó nmò le, mógów le ebè Gidalaya bè Mispa. Yó boluy yó kem genlal mógów, Ismaél yóm ngà Nitaniya logi ne Juhanan lewu le Junatan hono kem ngà Kariya logi ne Siraya yóm ngà Tanhumét logi, ominen yó kem ngà Ifay logi lemwót gu bè benwu Nitufa ne Jaasaniya lemwót gu bè benwu Maaka, mung kul yó kem tau nalak le. Gotu le mógów ebè Gidalaya.

Jirimaya 41:3

Omin le gotu hewà bè yó ne gotu hnatay le yóm kdéen tau Israél genlal bè yó, gomong yó kem sendalù Babilun nô bè Gidalaya bè yó bè Mispa.

Jirimaya 40:14

Yó mon le mò du, “Deng tngónem kô yóm kdók Baalis yóm tau hol geta kmamal bè Amun ke Ismaél yóm ngà Nitaniya logi mò na a hmatay kóm?” Okóm là kô hentahu Gidalaya kul.

Jirimaya 40:16

Okóm yó udél Gidalaya ebè Juhanan, monen, “Bê. Béem lusà du tô nmoem. Béem tnifù kéng Ismaél.”