Jirimaya 41:1 - Udél Dwata: Gna Kesfasad ne Lomi Kesfasad

¹ Bè yóm deng ghituhen bulón bè yóm halay yó, lemwót Ismaél yóm ngà Nitaniya logi témê Ilisama, gdek bè Gidalaya bè Mispa mung du yóm sfolò kem tau. Nim Ismaél ni, tau semfu gu bè yó kem tau hol geta setles mogot yóm benwu Juda ne du se sotu tau tehe genlal Sidikaya. Yóm igò le mken bè gónô Gidalaya,

Jirimaya 41:1 Referans Kwoze

Jirimaya 40:8

Yó nmò le, mógów le ebè Gidalaya bè Mispa. Yó boluy yó kem genlal mógów, Ismaél yóm ngà Nitaniya logi ne Juhanan lewu le Junatan hono kem ngà Kariya logi ne Siraya yóm ngà Tanhumét logi, ominen yó kem ngà Ifay logi lemwót gu bè benwu Nitufa ne Jaasaniya lemwót gu bè benwu Maaka, mung kul yó kem tau nalak le. Gotu le mógów ebè Gidalaya.

Jirimaya 40:6

Duhen yó lemwót Jirimaya mógów ebè Gidalaya yóm ngà Ahikam logi nô bè Mispa, nô lem blóng yó kem hilu dù tau tebel bè Juda.

Kem Lingón 41:9

Balù yó hem hol dou wè, yóm alì snaligu, yóm tehe gel mken béléu, deng mom hohonen ou.

Kun Snulat Jan 13:18

Là kô kdê ye du gónón e gbak nim monu ni. Tódô tngónu yó kem tau deng néléku. Okóm angat dohò yóm tehe hsulat Dwata, yóm monen, ‘Yóm tau dumuhu seyón mken, deng baling hohonen o.’Eles tulónu kuy nim ni,” mon Jisas, “anì yó, ke sok dohò sut, hentahu ye ne yóm deng tulónu kuy gbak bè yóm dou ktau.

Isikél 17:13

Ominen wen sotu tau sfu tau hol geta bè Israél néléken mò bud hyónen bè yó ne wen senfasad le yóm lewu le, gloken hsafà du yóm tau néléken yó anì hol mung béléen. Gotu bud negefen snéen yó kem genlal gónó le gel galak yó kem tau Israél,

Jirimaya 36:20

Lemwót yó kem genlal yó, tebel le yóm sulat lenulun bè yóm dfél gónóhen mò nmò Ilisama yóm fen gel smulat bélê le. Ne omin le lemwót na le e tnulón yóm tau hol geta bélê le.

Jirimaya 36:12

yó nmoen, mógów ebè gónô bong yóm tau hol geta bè yóm dfél gónón mò nmò yóm tau gel smulat bélê le. Bè yóm kógówen ebè yó tolo le miting yó kem genlal yóm tau hol geta. Gotu le nô bè yó le Ilisama yóm tau fen gel smulat bélê le ne Dilaya yóm ngà Simaya logi ne Ilnatan yóm ngà Akbur logi ne Gimariya yóm ngà Syafan logi ne Sidikaya yóm ngà Hananiya logi ne yó kem dumu tau wen glal le.

Kem Udél Hlalak Tehe Selumun 27:4

Yóm kebut tau tey sidek ne tey te glayam du okóm udì he nim ni ke hsenged te bè yóm keglayam te du yóm klenget tau.

Kem Udél Hlalak Tehe Selumun 13:10

Yóm kehegmón tau gónón gel mbut yóm kesbólów, okóm yóm tau hulung hedem gel móyô htolok.

Kem Lingón 109:5

Yóm hyu nmou bélê le, mom bnalà le sidek, yóm kbong nawahu kul, mom bnalà le utó nawa.

2 Tutul Israél 22:10

Timbow tngón Atalaya yóm yê Ahasaya, yóm deng katay yóm ngaen Ahasaya, yó nmoen gotu hfatayen yóm kdê ktol Ahasaya yóm tau hol geta bè Juda.

2 Bok Kem Tau Hol Geta 25:25

Okóm bè yóm ghituhen bulón bè yóm halay yó, mógów ebè Mispa Ismaél yóm ngà Nitanaya témê Ilisama, tbong tau hol geta se kun, ne wen sfolò tauhen mung du. Hnatay le Gidalaya, gomong hnatay le yóm kdê tau nô béléen, kem tau Juda ne kem tau Babilun.

2 Bok Kem Tau Hol Geta 11:1

Timbow tngón Atalaya yóm katay ngaen Ahasaya yóm tau hol geta mogot yóm benwu Juda, kewóten bè yó gotu tô hfatayen yóm kdê ngà Ahasaya.Okóm wen libun Ahasaya boluyen Jihusiba ngà yóm tehe Jihuram yóm tau hol geta bè Israél. Yó nmoen, bnosen yóm sotu ngà Ahasaya logi hanà udì boluyen Juas, nwahen lem blóng yó kem dumu ngà yóm tau hol geta móyón hnatay le.

Jirimaya 39:14

mdók le kem tau mò hewà ke Jirimaya gu lem blanggù. Bè yóm deng kegewà Jirimaya, wen sotu tau gónó le smalig du boluyen Gidalaya yóm ngà Ahikam logi ne témê Syafan. Du mò fen mit du mulék ebè kun gónô. Tahu se, tódô nô bè Juda Jirimaya lem blóng yó kem dumuhen.

Jirimaya 40:5

Ke móyói tebel, mógówi ebè Gidalaya yóm ngà Ahikam témê Syafan. Du deng nélék yóm tau hol geta mogot bè Babilun mò gubérnor bè Juda. Nói béléen bè yó lem blóng yó kem tau nogoten. Okóm kihu kóm nóyô gónó nô.” Ominen wen ken ne filak blay Nibusaradan du, ominen yó hewót du.

Jirimaya 40:13

Kogolen bè yó, lemwót Juhanan yóm ngà Kariya logi ne yó kem dumuhen malak yó kem sendalù là deng heglaan bè yóm tau hol geta kmamal bè Babilun, mógów le ebè Gidalaya bè Mispa.

2 Bok Kem Tau Hol Geta 25:22

Ominen wen tau nélék Nibukadnisar mò gubérnor bè yó kem dù tau tebel bè Juda, duhen Gidalaya ngà Ahikam témê Syafan.

Jirimaya 40:7

Wen se bè yó kem sendalù genlal bè Juda dalang se yó kem sendalù nogot le tolo le hebnos, là móyô le heglaan bè yóm tau hol geta kmamal bè Babilun. Timbow gungol le yóm deng kehyón yóm tau hol geta kmamal bè Babilun ke Gidalaya yóm ngà Ahikam logi, mò gubérnor bè yó kem tau élél dù tebel bè Juda, yó kem tau là gomong negef le kul.