Jirimaya 40:1 - Udél Dwata: Gna Kesfasad ne Lomi Kesfasad

¹ Wen udél Dwata ebè Jirimaya kogol yóm deng kegewaen gu lem blanggù bè benwu Rama. Yóm kmandér bè yó kem sendalù Babilun boluyen Nibusaradan fen hewà du. Tonen Jirimaya mung nfét le kedina bè yó kem dumu tau negef le bè Jirusalim ne bè Juda ne nwit le lu ebè Babilun.

Jirimaya 40:1 Referans Kwoze

Ifisus 6:20

Yakà ni du gónó Dwata hógów dou, ne ni se yóm lewót gónóhu geblanggù. Hol hni ye ou anì là likoe mit du yóm Tulón Hyu deng sigang Dwata tahu.

Kul Nmò 21:13

Okóm mom mon Pol, “Moen de ke mkik ye? Ten-geed ye hemblat nawahu nim nmò ye ni. Balù kihu nmò le béléu ditu bè Jirusalim, kihu ke nfét le ou duhen ke hnatay le ou, syan ke lolou yóm kun kóyô Jisas.”

Jirimaya 31:15

Yó bud udél Dwata, monen, “Wen tey dmumu mkik bè yóm benwu boluyen Rama anì monem, dnumu nkik Rakél yó kem ngaen ne là kô wen gembek mifa du, abay se là kô bud tonen kul ne.”

Kul Nmò 28:20

Ni se gónóhu tminok kuy ni,” mon Pol, “anì hol tulónu kuy yóm ni. Bè ktahuhen, yó gónó le kemdina do lanu alì kemgel nawa yóm tau hendón nefet nawa yó kem tau Israél.”

Kem Lingón 107:16

Gotu genbaen bélê le yó kem tey bak tikeb blanggù hen-get bala tók ne gotu tenfoken yó kem bala tók bè yóm blanggù yó.

Kem Lingón 68:6

Dwata se bemlay kul fes lówó yó kem tau laen dù ngaen. Ne hfewaen yó kem tau blanggù, benlayen lu kligal. Okóm bè yó kem tau kmogol du, glumfak le bitil bong ne tey keglayam le.

1 Samwél 7:17

Ominen yó semfulék ebè yóm kun benwu bè Rama nan e bud kmukum bè yó. Ne wen gónó le demsù ebè Dwata hdà Samwél bè yó bè Rama.

Jirimaya 39:9

Lemwót Nibusaradan yóm kmandér bè yó kem sendalù, gotu negefen lu ebè Babilun yó kem tau dù tebel lem yóm syudad yó, gomong yó kem tau deng gfi béléen.

Isikél 33:21

Timbow deng sfolò lewu halayen yóm deng kegen le megef kum ebè Babilun, bè yóm glimuhen kdaw bè yóm gesfoloen bulón bè yóm halay yó, wen sotu tau mlóy lemwót gu bè Jirusalim mógów ebéléu yó tulónen do, monen, “Deng gwa kem hohon tekuy ne yóm syudad Jirusalim.”

2 Tutul Israél 16:1

Bè yóm getluhen folò nem halay mogot benwu Asa yóm tau hol geta, yó nmò Baasa yóm tau hol geta bè Israél, nundugen Juda, ne nbuten mò du yóm tey beng hmilol yóm benwu Rama anì laen dù bè yó kem tau nogoten bud mógów ebè Juda, ne laen dù tau Juda hewà gu lem yóm benwu kun nogot Asa yóm tau hol geta.Lemwót Asa, gotu nwahen yóm kdéen blówón bukay ne tahu blówón deng tehe henyu le lem Gónô Dwata dalang se bè gónô bongen, gotu hwiten ebè Bin-hadad yóm tau hol geta bè benwu Aram, nô bè syudad Dmaskus. Wen udél hwiten ebéléen, yó monen,

Jirimaya 42:7

Timbow sfolò butengen bè yó, bnalà Dwata yóm hni Jirimaya.