Jirimaya 4:3 - Udél Dwata: Gna Kesfasad ne Lomi Kesfasad

³ Yó udél Dwata ebè yó kem tau bè Juda ne ebè yó kem tau bè Israél, bede hningónen, monen, “Hol dnadu ye yóm tonok mgel nô bè nawa ye. Hol bê ye abay namà hulu lem sual yóm lem hulu hyu nô bélê ye.

Jirimaya 4:3 Referans Kwoze

Kun Snulat Luk 8:14

Ne yóm gónón mfól bnes semnual gónón e gdek yó kem dumu bnék sohulen yó, duhen yó se kem tau hmungol du yóm Udél Dwata, okóm tey dê lenóngón nawa le bè kendengen le ne tey dê kenbeyen nawa le ne deng le tódô limes là kóen dog tmuha kehtahu le.

Kun Snulat Luk 8:7

Bud wen se sohulen gdek e talak yóm gónón wen kluon. Ne tmowok se, tódô mung senok bè yó kem kluon, ne tódô limes lem blóng le.

Matyu 13:7

Ne bud wen se sohulen gdek e talak yóm gónón angat mfól kluon. Ne tmowok se, tódô mung senok bè yó kem kluon, okóm deng mom limes kun yóm ngà towok halay lem blóng le.

Mark 4:7

Ne bud wen se sohulen gdek e talak yóm gónón angat mfól kluon semnual. Ne tmowok, tódô mung senok bè yó kem kluon semnual, okóm deng mom limes yóm towok halay lem blóng le, ne là kóen dog mungu.

Matyu 13:22

Bong yóm bnék gdek elem yóm angat gónón mfól kluon, hol lómón ke yó kem tau hmungol du yóm Udél Dwata, okóm dê bnukù nawa le bè klowil le, ne gfét nawa le bè kebel le kendengen le. Yó gónón limes yóm kehtahu le, ne laen kô dù bunguhen.

Tekang Kbuten 3:18

Tódô senflósen mget knuon ne semnual yóm tonok ye, ewenem sana kmò ye hulu tahen mò ken ye.