Jirimaya 39:9 - Udél Dwata: Gna Kesfasad ne Lomi Kesfasad

⁹ Lemwót Nibusaradan yóm kmandér bè yó kem sendalù, gotu negefen lu ebè Babilun yó kem tau dù tebel lem yóm syudad yó, gomong yó kem tau deng gfi béléen.

Jirimaya 39:9 Referans Kwoze

Jirimaya 40:1

Wen udél Dwata ebè Jirimaya kogol yóm deng kegewaen gu lem blanggù bè benwu Rama. Yóm kmandér bè yó kem sendalù Babilun boluyen Nibusaradan fen hewà du. Tonen Jirimaya mung nfét le kedina bè yó kem dumu tau negef le bè Jirusalim ne bè Juda ne nwit le lu ebè Babilun.

Tekang Kbuten 37:36

Ne ditu bè Idyip, lemwót yó kem tau mit udél swa yó koni, bud hbalù le Jusif bè Putifar yóm sotu tau genlal yóm Faro bè Idyip. Yó glalen, du kfitan bè yó kem tau gel mentey bè gónô bong yóm Faro.

Jirimaya 52:26

Gotu nwiten lu etu bè yóm tau hol geta bè Babilun bè syudad Ribla.

Jirimaya 10:18

Yó bud udél Dwata ebélê ye, monen, “Ni, botu yu mayuk gu bè nim tonok ye ni. Wen tey heglumfaku kuy anì gnóm ye yóm kebutu.”

2 Bok Kem Tau Hol Geta 25:20

Gotu negef Nibusaradan lu, ne nwiten lu ebè yóm tau hol geta bè Babilun nô bè Ribla.

2 Bok Kem Tau Hol Geta 25:11

Gotu negef Nibusaradan lu yóm kdéen tau dù tebel lem yóm syudad yó, gomong yó kem tau deng gfi bè yóm tau hol geta bè Babilun.

2 Bok Kem Tau Hol Geta 20:18

Angat wen bè yó kem lugodem angat negef le, ne angat le baling tau kafun bè gónô bong yóm tau hol geta bè Babilun.”

Dwata 4:27

Ke là mimón ye, angat gotu senkla Dwata yu ebè yó kem tólóng benwu ne là holen wen bélê ye bud mowil bè yó kem benwu gónó Dwata e mlo kuy.

Jirimaya 24:8

Okóm yó kem fig bolok hnigaden Sidikaya bè Juda ne yó kem genlalen, ne kdê yó kem tau dù tebel bè Jirusalim ne yó kem dumu tau mlóy etu ebè Idyip. Lómón kmou kul lómón yó kem bungu fig bolok là bud hyu mken kul.

Jirimaya 38:19

Yó balà Sidikaya ke Jirimaya, monen, “Likoe heglaan bè yóm tau hol geta bè Babilun, déke blayen ou elem hólól yó kem tau Juda deng mung béléen. Déke mom hnatay le ou.”

Jirimaya 52:27

Ne bè yó bè Ribla bè tonok Hamat, gotu hfatayen lu yóm tau hol geta bè Babilun. Duhen yó, gotu negef le lu mayuk yó kem tau bè Juda, tnagak le yóm kul benwu.

Jirimaya 40:7

Wen se bè yó kem sendalù genlal bè Juda dalang se yó kem sendalù nogot le tolo le hebnos, là móyô le heglaan bè yóm tau hol geta kmamal bè Babilun. Timbow gungol le yóm deng kehyón yóm tau hol geta kmamal bè Babilun ke Gidalaya yóm ngà Ahikam logi, mò gubérnor bè yó kem tau élél dù tebel bè Juda, yó kem tau là gomong negef le kul.

Danyél 2:14

Tikóng sut bè le Danyél Ariyuk, yóm kmandér bè yó kem sendalù gel mentey yóm tau hol geta yóm tô hmatay kul, mudél ebéléen Danyél mung du yóm tey khulungen hedem ne khulungen madat.