Jirimaya 39:8 - Udél Dwata: Gna Kesfasad ne Lomi Kesfasad

⁸ Ne ditu bè Jirusalim, tódô gotu ntem yó kem sendalù Babilun yóm syudad yó, gomong yóm gónô bong yóm tau hol geta ne gotu genbà le yóm beng hmilol Jirusalim.

Jirimaya 39:8 Referans Kwoze

Nihimaya 1:3

Ne tulón le dou yóm tey keglayam yó kem tau deng bud kól bè Juda, yóm alì kehegnok le kul yó kem tólóng tau hmilol kul. Tulón le dou snéen sana tolo kegbaen yóm beng botu hmilol Jirusalim ne là dengen bud hyu yóm bak tikeben lemwót bè yóm tehe ktem le du.

Jirimaya 38:18

Okóm ke là heglaani bélê le, là kói gewà. Ne angat blay Dwata elem hólól yó kem sendalù bè Babilun nim syudad ni ne gotu ntem le.”

Mika 3:12

Duhen yó, lemwót bélê ye angat gónó le dmadu du yóm Bulul Sayun, hol lómón kmò le du ke tonok gónó mò hulu. Ne yóm Jirusalim, sulék genbà le. Ne yóm bulul gónón mdà yóm Gónô Dwata, tódô baling bulul hono dlag.

Amus 2:5

Yó gónóm mon angat wen tey ofi hwitu ebè Juda ne gotu kenen yóm kdê gónó le gel heklung bè Jirusalim.”

Jirimaya 37:10

Baluen he ke gemmò ye bè kdê yó kem sendalù Babilun ne són mowil bélê le yó kem olon hnalì, kaem yó kem olo le hnalì yó tódô le btik bè yó kem kamfù le na le e ntem nim syudad ni.”

Jirimaya 34:2

“Mógówi etu bè Sidikaya bè Juda tulónem du, ‘Ni se yóm udél Dwata yóm Dwata yó kem tau Israél, monen, Móyón hlusu elem hólól yóm tau hol geta mogot yóm benwu Babilun nim syudad ni ne angat gotu ntemen.

Jirimaya 17:27

Okóm, mon Dwata, ke là nimón ye do ne ke là hetfing ye du ebéléu yóm Kdaw Kehegnô ne ke mit ye hbalù mlan bè yó kem bak tikeb bè Jirusalim lómón yóm gel nmò ye bè yó kem dumu kdaw, angat gotu ntemu yó kem bak tikeb bè Jirusalim. Yóm ofi yó, ngangen mken efet kól bè gónô bong yóm tau hol geta mogot kuy ne laen kô dù gembek hmatay du.’ ”

Jirimaya 7:20

Duhen ni, ni se udél yóm Dwata hol dandónen geta, monen, “Tódô koku eta nim benwu ni yóm tey lebutu. Koku eta yó kem dou tau ne eta yó kem ógóf le. Bud koku eta yó kem koyu ne eta yó kem hulu. Nim lebutu ni, hol lómón ke mkal dilóf ofi ne laen kô dù tau gembek hmatay du.”

2 Tutul Israél 36:19

Gotu htemen yóm Gónô Dwata ne yóm syudad Jirusalim, gomong yó kem gónô bong bè yó, mung du yó kem kendengen le. Gotu hegbaen snéen yóm beng hmilol yóm syudad Jirusalim.

2 Bok Kem Tau Hol Geta 25:8

Tikóng deng sfolò syóm halay kegen Nibukadnisar kmamal bè Babilun, bè yóm ghituhen kdaw bè yóm ghituhen bulón, gdek bè Jirusalim Nibusaradan yóm kmandér bè yó kem sendalù gel mentey ke Nibukadnisar yóm sotu genlalen.

Kem Lingón 79:7

Yakà deng gotu hnatay le yó kem kóm tau Israél, ne deng genbà le yóm kul benwu.

Jirimaya 32:29

Yó kem sendalù Babilun kmamfù tekwang yóm beng hmilol Jirusalim, angat le tódô gotu husek na le e ntem yóm syudad. Gotu ntem le se yóm kdéen gónô, gónó le gel mtem insinsu ta ketef le ebè yóm dwata kéng boluyen Baal ne gel ketwél le yóm tifas grép gel ninum le ebè yó kem dwata kéng. Duhen yó se yóm alì lenbutu.

Isikél 33:21

Timbow deng sfolò lewu halayen yóm deng kegen le megef kum ebè Babilun, bè yóm glimuhen kdaw bè yóm gesfoloen bulón bè yóm halay yó, wen sotu tau mlóy lemwót gu bè Jirusalim mógów ebéléu yó tulónen do, monen, “Deng gwa kem hohon tekuy ne yóm syudad Jirusalim.”