Jirimaya 39:6 - Udél Dwata: Gna Kesfasad ne Lomi Kesfasad

⁶ Bè yó bè Ribla tódô gotu hfatay Nibukadnisar yó kem ngà Sidikaya logi ne yóm kdê genlal bè Juda bè yóm igoen temngel.

Jirimaya 39:6 Referans Kwoze

Jirimaya 52:10

Bè yó bè Ribla, tódô hton Nibukadnisar ke Sidikaya yóm kehfatayen yó kem ngaen logi. Gotu hfatayen snéen yóm kdê genlal bè Juda.

2 Bok Kem Tau Hol Geta 25:7

Gotu hnatay le yó kem ngà Sidikaya logi yóm igoen temngel kul. Omin le hsit mata Sidikaya ne nfét le kedina, nwit le ebè Babilun.

Dwata 28:34

Lemwót bè yóm alì ksidek glumfak ton ye gefet bè yó kem dumu ye hmilol kuy, botong lengel mata ye.

Istér 8:6

Là kô gbeku hembala du ke deng glumfak bè yó kem dou dumu nim atulen ni. Là gbeku hembala du snéen ke gotu le matay yó kem dou dumu setwoli.”

2 Tutul Israél 34:28

Là tagad genlau du he yóm syudad yó ne yó kem tauhen efeti deng matay igoen tolo menek kbenwuhem. Là kô tonem du se kóm yóm angat tey kegtafak yó kem tau bè nim benwu ni.’ ” Omin le mulék ebè yóm tau hol geta, ne tulón le du yóm balà Hulda kul yó.

2 Bok Kem Tau Hol Geta 22:20

Yó gónóm mon, bè yóm igoem tolo mowil, là tagad genlau du yóm syudad ni. Là kô tagad nmou du ke là dengi matay, ne ke là deng lebeng le kóm ne igoen tolo menek benwuhem. Là kô tonem du yóm kdê heglumfaku yóm benwu ni.’ ” Ni se udél Dwata hlanen bè yóm sotu tugoden boluyen Hulda, ne nwit le mulék nim udél ni ebè Jusaya yóm tau hol geta.

Tekang Kbuten 44:34

Là gbeku du mulék ebè mà ke là mungen dou yóm twoli me. Là gbeku mton du ke wen gfà mà.”

Tekang Kbuten 21:16

ne myón hlayuk wen dô lematu mitru klayuken. Yó hendemen, “Là kô gbeku du ke tonu katay yóm ngau.” Tey sidek kkiken bè yóm igoen myón bè yó.

Jirimaya 20:4

Yakà ni du yóm udél Dwata ebéléem, monen, angat tey sidek kehlikou kóm dalang se yóm kdê weem. Kóm mata se angat mton du yóm ktibó kem hohon ye kul sudeng yó kem weem. Angat blayu lu elem hólól yóm tau hol geta mogot yóm benwu Babilun yó kem tau bè Juda. Wen se bélê le negefen etu bè Babilun ne wen se bélê le matay bè sudeng.

Jirimaya 34:3

Là kô gbekem hemlóy du, angat negefen uu. Angati mdà bè solu yóm tau hol geta yó nan e knukum uu bè yóm ktafaken kóm. Ominen megef kóm etu bè Babilun.’

Jirimaya 38:23

Kdê yó kem yehenem ne yó kem ngaem gotu nwit le lu ebè yó kem sendalù Babilun. Balù uu, là kói gewà bélê le. Hekfóen uu yóm tau hol geta bè Babilun ne htemen nim syudad ni.”

Sifanaya 1:8

Yó udél Dwata, monen, “Bè yóm kdaw yó, angat gotu tnafaku yó kem tau malak bè Juda, dalang se yó kem ngà tau hol geta genlal. Ne gotu homong tnafaku yóm kdéen tau gel lemolò yóm kul kmò kehtahu yó kem tau bè tólóng benwu.