Jirimaya 39:5 - Udél Dwata: Gna Kesfasad ne Lomi Kesfasad

⁵ Okóm tódô gotu bud ktes le lu yó kem sendalù Babilun ne kenfô le Sidikaya bè Datal Jiriku. Nwit le ebè Nibukadnisar yóm tau hol geta bè Babilun, deng kól bè syudad Ribla bè tonok Hamat. Bè yó gónó Nibukadnisar kmukum du.

Jirimaya 39:5 Referans Kwoze

2 Bok Kem Tau Hol Geta 23:33

Heblanggù Faro Niku Jihuhas bè Ribla bè tonok Hamat anì là buden mogot benwu bè yóm knóen bè Jirusalim. Yó hbayad Faro Niku yóm benwu Juda, botong tlu libu fat latu kilu blówón bukay, ne tlu folò fat kilu tahu blówón.Lemwót Faro Niku, nmoen Ilyakim yóm sotu ngà Jusaya logi mò tau hol geta bè Juda mò tles Jusaya yóm maen. Okóm tenlesen boluy Ilyakim, tlesen du Jihuyakim. Fen hdóhen Jihuhas, hwiten ebè Idyip ne ditu gónón matay.

Juswa 5:10

Bè yóm igò le tolo kmamfù bè Gilgal yó kem tau Israél bè yóm datal moni bè Jiriku, bud hnigal le yóm Kdaw Khius bè yóm móyón kifu bè gesfoloen fat kdaw bè yóm tanay bulón. Yó se yóm bulón tehe kewót le gu bè Idyip yó kem tau Israél.

Jirimaya 38:23

Kdê yó kem yehenem ne yó kem ngaem gotu nwit le lu ebè yó kem sendalù Babilun. Balù uu, là kói gewà bélê le. Hekfóen uu yóm tau hol geta bè Babilun ne htemen nim syudad ni.”

Jirimaya 38:18

Okóm ke là heglaani bélê le, là kói gewà. Ne angat blay Dwata elem hólól yó kem sendalù bè Babilun nim syudad ni ne gotu ntem le.”

Juswa 4:13

Wen dô fat folò libu kwen le deng eles htifes bè gida ne gotu le mifal moni bè Jiriku ne eles nô bélê le Dwata.

2 Tutul Israél 33:11

Yó gónó Dwata hemlus elem blóng le yó kem sendalù Asirya, ne negef le Manasi. Gnalung le, ne nfét le kedina tembaga, nwit le etu bè Babilun.

2 Bok Kem Tau Hol Geta 25:6

Omin le kemfô ke Sidikaya yó kem sendalù Babilun, ne nwit le ebè benwu Ribla yóm benwu gónón nô yóm tau hol geta bè Babilun, ne bè yó gónón mékét du kukum.

2 Bok Kem Tau Hol Geta 17:24

Yó nmò yóm tau hol geta bè Asirya, nwiten yó kem tau bè Babilun ne kem tau bè Kuta ne kem tau bè Hamat ne bè Sifarbim, suen lu bè Samarya ta yóm tonok yó kem tau Israél. Tódô nfun le yóm benwu Samarya, ne nô le bè yó kem syudad bè yó.

Lista 13:21

Tahu se, subô le, na le e hnénég yóm benwu yó, nbut le bè yóm benwu laen dù tau nô du boluyen Dsin efet le kól etu bè yóm benwu boluyen Rihub moni bè yóm benwu Libu-hamat.

Jirimaya 24:8

Okóm yó kem fig bolok hnigaden Sidikaya bè Juda ne yó kem genlalen, ne kdê yó kem tau dù tebel bè Jirusalim ne yó kem dumu tau mlóy etu ebè Idyip. Lómón kmou kul lómón yó kem bungu fig bolok là bud hyu mken kul.

Hbakuk 1:7

Deng le tey tótól bè alì kmò le sidek. Laen kô dù udin lolò le, tódô nmò le balù kihu nóyô nmò le ne laen kô dù gembek hemseng kul.