Jirimaya 39:4 - Udél Dwata: Gna Kesfasad ne Lomi Kesfasad

⁴ Timbow ton Sidikaya ne yó kem sendaluen yóm deng kógów le elemen yó kem genlal bè Babilun yó, yó nmò le nangat le yóm kkifuhen, omin le yó gotu mlóy. Mlan le bè galdin Sidikaya etu bè yóm bak tikeb yóm lewu beng sedà hmilol Jirusalim, ne tô le hlós etu bè Datal Jurdan.

Jirimaya 39:4 Referans Kwoze

Amus 2:14

Balù yó kem tau alì hlóng mlóy bélê ye, là kô le angat gewà. Yó kem tau alì kemgis bélê ye, deng le mom baling lenmek. Ne yó kem sendalù deng hónô sfatay, balù kul knô là kô gbek le lemwà du.

2 Tutul Israél 32:5

Omin Hisikaya gotu bud hbegel yó kem beng hmilol Jirusalim deng gbà, ne wen kem gónô geta hefdaen tahen mò gónó le gel mentey, ominen bud wen sotu beng hefdaen sentuhen. Bud hefgulék hefdaen snéen yó kem beng boluyen Milo bè Syudad Dabid, ne wen tey ngom sfatay hmoen ne dalang se yó kem klung.

Dwata 28:25

Ke nundug ye yó kem hohon ye, angat hegmò Dwata lu bélê ye. Bè yóm kundug ye kul tek sotu lan lolò ye, okóm bè yóm klóy ye mulék tódô ye gotu sekla. Yó kem tau bè klamangen benwu, ya tey sidek klikò le bè yóm kton le du yóm ktafak Dwata kuy.

Jirimaya 32:4

Ne yó kem sendalù Babilun angat kenfô le Sidikaya, nwit le ebè yóm tau hol geta bélê le anì nan e knukum bè yóm ktafaken du.

Jirimaya 32:5

Nwitu Sidikaya ebè Babilun ne bè yó gónóhu tmafak du. Ke mit ye sgida bè yó kem tau Babilun là kô ye na a gemmò. Dwata se nim mudél ni.”