Jirimaya 39:3 - Udél Dwata: Gna Kesfasad ne Lomi Kesfasad

³ Bè yóm gónó le gembà du yóm beng hmilol Jirusalim yó, gónó le gotu mlan yóm kdê genlal bè yó kem sendalù Babilun ne myón le bè yóm gónô kmukum bè yóm bak tikeb bnoluy le Tikeb Gónón Sóól. Yó genlal mógów elemen, duhen Nirgal-sarisér lemwót bè Samgar, ne Nibu-sarsikim yóm sotu geta bè yó kem sendalù, ne yóm sotu Nirgal-sarisér yóm gónón gel mungol hlau yóm tau hol geta, ne tey wen he kem dumu genlal mung kul.

Jirimaya 39:3 Referans Kwoze

Jirimaya 38:17

Omin yó bud udél Jirimaya ebè Sidikaya, monen, “Ni se udél yóm sana kut Dwata hol gónó mogot yóm Dwata laen dù là gbeken du, yóm Dwata yó kem tau Israél, monen, Ke heglaani bè yó kem genlal yóm tau hol geta bè Babilun, là kô hnatay le kóm ne là se kô ntem le du yóm syudad ni. Ke heglaani bélê le mowili se kóm dalang se yó kem fes lówóhem.

Jirimaya 39:13

Tahu se, yó nmò Nibusaradan yóm kmandér bè yó kem sendalù Babilun ne Nibusasban yóm sotu genlal geta bè yó kem sendalù ne Nirgal-sarisér yóm gónón gel hmungol hlau yóm tau hol geta ne yó kem dumu genlal yóm tau hol geta bè Babilun,

Jirimaya 1:15

Gotu tnabahu yó kem sendalù lemwót bè yó kem benwu fi bwak anì mógów le edini bè Jirusalim. Lemwót yó kem tau hol geta bélê le, angat gotu sù le bè yó kem bak tikeb nim syudad Jirusalim ni yó kem kul gónó myón kmamal. Angat gotu genbà le yóm beng hmilol Jirusalim ne nundug le yó kem dumu benwu glem lem Juda.