Jirimaya 39:12 - Udél Dwata: Gna Kesfasad ne Lomi Kesfasad

¹² “Béen wen hemdes du ne hol sen-gyok ye. Tódô blay ye du kihu nóyóen.”

Jirimaya 39:12 Referans Kwoze

Kem Udél Hlalak Tehe Selumun 16:7

Yóm tau ke sok hefligalen Dwata bè kmoen balù yó kem hohonen bud senfyu Dwata lu.

Jirimaya 40:4

Ni kóhu béléem yóm fét kedina bè henmuem anì gliwai. Ke móyói mung do ebè Babilun, mungi ne ou he semgifà kóm ditu. Okóm ke là móyói mung, tódói tebel bè ni. Kihu kóm nóyô gónó e solu bè klamangen nim benwu ni.

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Kul Nmò 7:10

ne lenwaen bè yó kem tey dê gónón glayam bè yó. Bè yóm kdaw kehdà le ke Jusif bè solu yóm tau hol geta bè Idyip, wen tey kehyu nawa blay Dwata du, ne yóm khulung hedem. Lemwót yóm tau hol geta yó, tódô nmoen Jusif gubérnor bè klamangen Idyip, ne hogoten du yóm kdéen tau mò nmò bè gónóen.

Amus 9:4

Baluen he ke negef kem hohon le lu ebè benwu mayuk, olo ke là angat hfatayu kul bè yó bè sudeng. Deng alì nô bè nawahu ne yóm keglau kul, là kóe móyô bud tmóbóng kul.”

Jirimaya 24:6

Yóm khegefu kul, kul kehyu. Angat tendo tnanudu lu ditu ne angat bud nwitu lu semfulék edini. Bè yóm bud kehesfuléku kul edini bud hdau lu, là kô naw e hnugón kul. Lómón ke bud huluhu lu, là kô naw e kendut kul.

Kem Udél Hlalak Tehe Selumun 23:5

Yóm kendengenem tey mahil gotu, là kô sudofem du sana là bud tonem du.

Jirimaya 15:21

Angat hewau uu lem tdok yó kem tau gel mò sidek ne lem tdok yó kem tau tô hmatay kóm.” Là gomongen bè nili yóm tsaptér 16 kól bè tsaptér 17:4. Yó tulónen yóm là kóyô Dwata ke myehen Jirimaya. Là móyô Dwata snéen ke mung bè mulu ne ke mógów bè gónó modung, duhen ke mung bè yó kem gel kehligal le ke wen gel ken le bè yó kem gel dsù le. Yó gónó Dwata là móyô ke gbót Jirimaya bè yóm gel kehligal le yó, kóyóen ke dilô yó kem tau yóm angat kkóhen du bélê le yó kem dê gel hnigal le yó.

Jirimaya 39:13

Tahu se, yó nmò Nibusaradan yóm kmandér bè yó kem sendalù Babilun ne Nibusasban yóm sotu genlal geta bè yó kem sendalù ne Nirgal-sarisér yóm gónón gel hmungol hlau yóm tau hol geta ne yó kem dumu genlal yóm tau hol geta bè Babilun,

Jirimaya 15:11

Yó balà Dwata do, “Ó Jirimaya, ou se fen mofin kóm anì laen dù hemenem. Yó kem tau kembê kóm yó, angat le hkodu béléem anì uu fen mni béléu anì tnóbóngu lu ke kól yóm kdawen wen gfà le, yóm kdaw le hol glayam.