Jirimaya 39:10 - Udél Dwata: Gna Kesfasad ne Lomi Kesfasad

¹⁰ Okóm fen tebelen bè Juda yó kem tau alì élél mò semgifà yó kem tonok gónó mò hulu ne yó kem grép hulu le.

Jirimaya 39:10 Referans Kwoze

2 Bok Kem Tau Hol Geta 25:12

Okóm wen kem tau alì élél tebel yóm kmandér yó mò fen mentey yó kem gónó le mulu grép ne yó kem uma bè yó.

Jirimaya 52:16

Okóm wen se kem tau alì élél tebel bè Juda mò fen semgifà yó kem grép hulu le ne yó kem tonok gónó mò hulu. Là gomongen bè nili yóm bérs 17 kól bè bérs 23. Yó tulónen bè ni kem bérs ni yóm boluy yóm kdê kimu ne kdê ngom nô lem yóm Gónô Dwata deng negef yó kem sendalù Babilun, hono kem kimu alì mebtes deng hetfing le ebè Dwata. Yó kem kimu là gbek le mit du, tódô lenusok le kmò le du.

Jirimaya 40:7

Wen se bè yó kem sendalù genlal bè Juda dalang se yó kem sendalù nogot le tolo le hebnos, là móyô le heglaan bè yóm tau hol geta kmamal bè Babilun. Timbow gungol le yóm deng kehyón yóm tau hol geta kmamal bè Babilun ke Gidalaya yóm ngà Ahikam logi, mò gubérnor bè yó kem tau élél dù tebel bè Juda, yó kem tau là gomong negef le kul.

Isikél 33:24

“Ó Tau Tonok, yó tendo udél yó kem dù tau menwu bè yó kem syudad deng gbà bè Juda, mon le, ‘Tek sotuhen se kun yóm Abraham. Baluen ke tek sónen du, béléen gónó Dwata bemlay du yóm klamang tonok. Ne ni, deng tekuy baling dê, yake blayen tekuy yóm tonok ni mò nfun tekuy.’

Isaya 7:21

Bè yóm kdaw yó, ke wen dù mowil bè yó kem tau mò nmò bè tonok ne ke wen sotu safì ne lewu kambing tebel béléen

Jirimaya 40:10

Bong ni dum dou, heneke bè ni bè Mispa mò dung lówó ye ke wen kem tau Babilun sut bè ni. Tódô ye mélék mò gónó ye henek nô, mebel ye ken ye bè nim tonok ni. Muta ye yó kem bungu grép ne yó kem dumu bungu koyu ne bungu ulib mò henyu ye.”