Jirimaya 32:5 - Udél Dwata: Gna Kesfasad ne Lomi Kesfasad

⁵ Nwitu Sidikaya ebè Babilun ne bè yó gónóhu tmafak du. Ke mit ye sgida bè yó kem tau Babilun là kô ye na a gemmò. Dwata se nim mudél ni.”

Jirimaya 32:5 Referans Kwoze

Isikél 17:15

Okóm yóm tau hol geta bè Israél, mom natuen yóm tau hol geta bè Babilun. Yó nmoen, hógów tau ebè Idyip hefnihen tóbóng ditu, tey kem sendalù wen ne kem kudà hnihen ditu. Kmò kehedemem du, gbek Israél kô mulé du yóm deng senfasad le ne là wen tmafak du?

Jirimaya 39:7

Ominen yó hesit mata Sidikaya ne hféten kedina ne ominen hwit du etu bè Babilun.

Jirimaya 33:5

baluen he ke yó deng nmò ye botong le ghusek he yó kem sendalù Babilun. Yó kem logi bè nim syudad ni mit sfatay bélê le deng le mom gotu matay, abay se deng hol nô bè nawahu ne yóm keglau kul lemwót bè yóm tey sidek kebutu kul. Deng tódô bayau lu ne lemwót bè yóm kdê sidek gel nmò le.

Jirimaya 37:10

Baluen he ke gemmò ye bè kdê yó kem sendalù Babilun ne són mowil bélê le yó kem olon hnalì, kaem yó kem olo le hnalì yó tódô le btik bè yó kem kamfù le na le e ntem nim syudad ni.”

Jirimaya 2:37

Yakà deng kenbê Dwata kul yóm lewu kem benwu lembang deng snalig ye. Laen kô dù lan le tmóbóng kuy. Angat tahu yóm kbaling ye tau negef.”

Kem Udél Hlalak Tehe Selumun 21:30

Là kóen lemyu senta Dwata yóm khulung tau hedem duhen yóm khulungen temnef ne khulungen hmau.

2 Tutul Israél 24:20

Ominen sut yóm Tulus Dwata bè Sikaraya yóm ngà Jihuyada logi ne yóm tau blóng ebè Dwata. Tódô mdà Sikaraya bè solu yó kem tau, yó udélen, “Ni se udél Dwata. Moen de ke là nimón ye du yóm hlau Dwata kuy? Ke yó se nmò ye, là kóen hyu klowil ye. Lemwót bè yóm deng kekbê ye ke Dwata, deng kenbéen yu se kuy.”

2 Tutul Israél 13:12

Ngem, Dwata se nô bélê me. Du se malak kum. Yó kem tau gel blóng me ebéléen gotu le mféw, nalak le mi gmida kuy. Ó kem tau Israél, bê ye nwit sfatay Dwata yóm Dwata yó kem tehe fù ye, abay se là kô ye na a gemmò.”

Lista 14:41

Okóm yó mon Musis mò kul, “Ke tahu yóm kehegsel ye yó, moen du ke là nimón ye du yóm khulék Dwata kuy elem yóm benwu laen hol wen tauhen? Là kô ye na a matù bè nim kundug ye ni.

Jirimaya 32:6

Sotu kdaw bè yó, bud wen udél Dwata ebè Jirimaya, monen,

Jirimaya 32:24

Hnénégem dé yóm deng nmò yó kem hohon me tódô genbà le yóm beng lemibut yóm syudad ni anì gusek le elemen. Angat btang elem hólól yóm tau hol geta mogot yóm benwu Babilun nim syudad ni mlan bè gida ne bè bitil ne bè des. Kdê yó kem deng tehe monem, deng gotu dohò ne.

Jirimaya 39:5

Okóm tódô gotu bud ktes le lu yó kem sendalù Babilun ne kenfô le Sidikaya bè Datal Jiriku. Nwit le ebè Nibukadnisar yóm tau hol geta bè Babilun, deng kól bè syudad Ribla bè tonok Hamat. Bè yó gónó Nibukadnisar kmukum du.

Jirimaya 39:4

Timbow ton Sidikaya ne yó kem sendaluen yóm deng kógów le elemen yó kem genlal bè Babilun yó, yó nmò le nangat le yóm kkifuhen, omin le yó gotu mlóy. Mlan le bè galdin Sidikaya etu bè yóm bak tikeb yóm lewu beng sedà hmilol Jirusalim, ne tô le hlós etu bè Datal Jurdan.