Jirimaya 32:3 - Udél Dwata: Gna Kesfasad ne Lomi Kesfasad

³ Bè ktahuhen, Sidikaya fen heblanggù du bè yó lan Jirimaya gel tmulón yóm udél Dwata yóm gel monen, “Ni se udél Dwata, monen, nim syudad ni angat blayu elem hólól yóm tau hol geta bè Babilun.

Jirimaya 32:3 Referans Kwoze

Kun Snulat Luk 20:2

Ne yó snólók le béléen, mon le, “Tulónem kum kun, wen kô kwalisem mò du ni kem deng nmoem ni? Tau du de bemlay kóm kwalis mò du?”

Amus 7:13

Béem abay bud hnala mi bè ni bè Bétél bè yó kem dê gel tulónem yóó. Abay se bè ni kun gónó tmaba Dwata yóm tau hol geta ne kul gónó tmaba Dwata yóm kdéen tau Israél.”

Jirimaya 38:8

Tódô kendel mlóy ebéléen Ibid-mélék na a stulón du, monen mò du,

Jirimaya 38:4

Duhen yó, lemwót yó kem genlal bè Juda yó mógów le ebè yóm tau hol geta bélê le, mon le mò du, “Ó Sér, tódô hnatay tekuy ne nim tau ni. Ngem ni dé lemwót bè yó kem tendo gel tulónen, botong lana bè yó kem dù sendalù tekuy yóm kfól nawa le dalang se bè yó kem dumu tau tebel bè nim syudad ni. Yó kem gel tulónen laen kô gónón gemtóbóng yó kem tau, deng mom hensideken lu.”

Jirimaya 2:30

Deng tnafaku yó kem ngà ye, okóm là kô le medlà. Là kô le mimón. Bud yu se yó kem tau tendo gel hmatay yó kem tau tugodu, lómón ke yu yóm liyun tendo módód msék.

Kehewà 5:4

Yó mon Faro mò kul le Musis ne Aron, “Tedu hendem ye gónó ye là bud hmò kul nmò yó kem tau? Bud hulék ye lu bè kmò le nmò dé yó kem hesek yó.

Jirimaya 36:29

Tikóng deng ksulatem du tulónem yóm tau hol geta, monem, ‘Ni se udélen ebéléem yóm sana Dwata hol gónó mogot, monen, Yó gónóm mtem du yóm sulat lenulun, abay se tulónen lemen yóm angat kegbà yóm tau hol geta bè Babilun du nim benwu ni ne yóm kdê nô lemen.

Jirimaya 37:4

Bè yóm kdaw yó, là dengen geblanggù he Jirimaya tolo mógów lem blóng yó kem tau.

Jirimaya 38:3

Wen sotu udél Dwata ebélê ye, monen mò kuy, Nim syudad Jirusalim ni, angat suu lem hólól yó kem sendalù yóm tau hol geta kmamal bè Babilun anì nled le.”

Jirimaya 38:18

Okóm ke là heglaani bélê le, là kói gewà. Ne angat blay Dwata elem hólól yó kem sendalù bè Babilun nim syudad ni ne gotu ntem le.”