Jirimaya 30:3 - Udél Dwata: Gna Kesfasad ne Lomi Kesfasad

³ Abay se angat wen kdawen bud kehguléku klowil le yó kem dou tau bè Israél ne bè Juda. Bud nwitu lu semfulék eta yóm tonok tehe blayu yó kem tehe fù le ne angat kul yóm tonok ni bud le nô tahen. Ou se Dwata nim mudél ni.”

Jirimaya 30:3 Referans Kwoze

Jirimaya 29:14

Tahu se, angat ton ye o,” mon Dwata. “Angat bud nwitu yu semfulék ebè yóm hol kuy benwu. Angat gotu sentifunu yu gu bè yó kem benwu deng gónów e semkla kuy, nwitu yu semfulék ebè yóm hol kuy benwu.”

Jirimaya 30:18

Okóm yó udél Dwata, monen, “Bè yóm kwitu kuy semfulék gu bè yóm benwu deng gónó le megef kuy yó naw e bud kehgulék klowil ye, bud hdau snéen yóm syudad Jirusalim bè yóm sana gónóhen seblà, balù yóm tey kegbaen. Dalang se yóm gónô bong yóm tau hol geta bélê ye, bud hdau hol mkél bè yóm gnan.

Sifanaya 3:20

Bè yóm kdaw yó, angat sentifunu yu ne bud nitu yu semfulék ebè yóm sana kuy benwu. Htótólu yu bè klamang benwu talak tonok ne ya tey kdóyón le kuy bè yóm bud khuléku du ebélê ye yóm tey kehyu klowil ye. Angat hol kuy mata se mton du nim ni. Ou se Dwata nim mudél ni.”

Jirimaya 33:26

Là kô naw e kenbê kul yó kem sfu Jakub dalang se Dabid yóm tau tóbóng lówóhu. Angat wen néléku bè kun sfu Dabid mò mogot yó kem sfu Abraham, Isak ne Jakub. Yó nmou bélê le, angat bud huléku lu ebè yóm kul benwu ne tey kkoduhu kul bè yó.’ ”

Jirimaya 32:44

Okóm bè yóm hulin kdaw, bè tonok Bindyamin ne bè ni bè Jirusalim ne bè yó kem benwu bè Juda ne bè yó kem benwu lemnek lem bulul ne bè yó kem but bulul bè Juda ne bè Négéb snéen, angat wen bud sebli tonok du nmò le gónó fema ne denket le ne wen kem gemtanud du. Yakà wen he kdawen bud kehguléku klowil yó kem dou tau. Ou se Dwata nim mudél ni.”

Hibru 8:8

Okóm wen duón Dwata kul yó kem tau lemolò yóm gnan, yó gónón mon du, “Wen he kdawen, mon yóm gónó le mogot, wen lomi lan hlolou kul mò lan le ebéléu yó kem tau semfu gu bè Israél ne yó kem tau semfu gu bè Juda.

Juwél 3:1

Yó udél Dwata, monen, “Bè yóm kdaw yó, yóm kdaw bud kehguléku klowil yó kem tau bè Juda ne bè Jirusalim,

Isikél 36:24

Ni se angat nmou, gotu bud sentifunu yu gu bè yó kem benwu deng gónóhu e semkla kuy ne nwitu yu semfulék ebè yóm hol kuy benwu.

Kem Lingón 53:6

Tey hyu ke lemwót bè Bulul Sayun yóm mò lemwà yó kem tau Israél. Ke deng bang Dwata bud hemgulék klowil yó kem kun tau, angat le gotu mensag lemwót bè kligal le yó kem sfu Jakub, ne yóm kdéen tau Israél, angat le gotu hligal.

Kun Snulat Luk 21:6

Ne yó mon Jisas mò kul, “Nim kdê ton ye ni, ke sok kól du yóm kdawen laen kô dù tebel bè ni kem beng botu nii, angat tódô gotu lenusok le.”

Kun Snulat Luk 19:43

Angat kól yóm kdaw,” monen, “tódô senibut le yu yó kem hohon ye, wen tey seng nmò le anì laen dù bud lan ye gewà.

Kun Snulat Luk 17:22

Bud mudél Jisas ebè yó kem gel lemolò du, monen mò kul, “Angat wen kdawen tey kehdeen ye du ke géhél bud semfulék ebélê ye yóm Ngà Tau, balù olon sendaw, okóm là kô ton ye du.

Jirimaya 32:37

Angat bud nwitu lu semfulék yó kem dou tau gu bè yó kem benwu deng gónóhu e semkla kul lemwót bè yóm tey kebutu. Hol ebè nim syudad ni se gónóhu bud e mit kul. Tódô menek ne kbenwu le ne laen kô dù hemen le.

Jirimaya 31:38

Angat wen kdawen he,” mon Dwata, “gotu bud hdà le yóm dou syudad Jirusalim lenwóten ditu bè yóm sotu gónô geta gónó le gel mentey boluyen Hananél efet kól bè yóm sotu tikeb mon le Tikeb Sokok.

Jirimaya 31:31

Yó bud udél Dwata, monen, “Angat kól yóm kdawen bud wen lomi senfasad me yó kem tau bè Israél ne bè Juda.

Jirimaya 31:27

Yó bud udél Dwata, monen, “Angat kól yóm kdawen bè ni bè Israél ne bè Juda bud hbólu yó kem dou tau dalang se yó kem ógóf le.

Jirimaya 30:10

Ó kem dou tau, hol bê ye abay hlikò. Kem tau Israél, hol bê ye abay htafa nawa ye. Yakà bud nitu kuy semfulék ebè benwu ye gu bè yó kem tey benwu mayuk. Yó kem ngà ye, tebel le ne yóm benwu gónó le e megef kul. Angat le semfulék yó kem tau Israél ne angat menek kbenwu le ne laen kô dù bud knikò le.

Jirimaya 23:5

Yó bud udél Dwata, monen, “Angat kól yóm kdawen wen tau hol geta néléku lemwót bè ból Dabid, tey tau tedeng kmoen. Yó angat taba le du, Hanga Tedeng. Yóm tau hol geta angat néléku yó, tey hulung bè yóm kogoten tau ne hono tedeng yóm gel nmoen bè klamang yóm benwu knamalen.

Isra 3:12

Okóm tey dê bè yó kem tuha gel blóng ebè Dwata ne yó kem tuha bè yó kem sfu Libay ne yó kem tuha bè yó kem tau malak bè ket tbong yó kem tau Israél, deng gotu tehe gmafit mton du yóm gna Gónô Dwata tehe hdà le ne gotu le mkik bè yóm kton le du yóm nmò le ni. Okóm yó kem dumu nô bè yó, tey kehligal le botong le mensag.

Isra 3:8

Duhen yó, deng lewu halay bud lewu bulón le deng kól bè Jirusalim, omin le yó mbut hemdà du yóm Gónô Dwata. Tódô kdê yó kem tau tehe negef deng bud mulék gotu semtóbóng mò nmò, gomong lemen le Sirubabél yóm ngà Syaltil, ne Jéswa yóm ngà Jihusadak kkólen bè yó kem dumuhen gel blóng ebè Dwata ne yó kem sfu Libay. Yó fen mogot du yóm bud kehdà le yóm Gónô Dwata yó, duhen yó kem sfu Libay deng lewu folò halayen duhen ke deng mukas.

Isra 3:1

Bè yóm ghituhen bulón, deng le tódô henek bè benwu le yó kem tau Israél deng mulék. Ominen yó, gotu le stifun bè Jirusalim yóm kdê le.

Dwata 30:3

ominen yó he bud mulék koduhen kuy yóm sana Dwata hol gónó mogot. Angat niten yu mulék gu bè yó kem benwu gónón deng e semkla kuy ne bud huléken ebélê ye yóm kehyu klowil ye.

Jirimaya 31:23

Yó udél yóm Dwata laen dù là gbeken du yóm Dwata yó kem tau Israél, monen, “Bè yóm bud kwitu kul semfulék yó kem tauhu, yó bud mon yó kem tau bè Juda ne bè yó kem syudaden, ‘Dwata he hol muyag du yóm kun bulul bè Jirusalim yóm hol kun gónó nô.’

Dwata 30:5

anì bud gfun ye yóm tonok tehe gónó le nô yó kem fù ye. Ne yó angat nmoen bélê ye, angat hwenen ból ye senta yó kem tehe kul ból yó kem tehe fù ye ekni ne bud hen-guléken klowil ye senta yóm kul klowil yó kem tehe fù ye.

Jirimaya 3:18

Bè yóm kdaw yó, angat le slomong mulék yó kem tau tehe lemwót bè Juda ne yó kem tau tehe lemwót bè Israél, mulék le gu bè yóm benwu fi bwak tehe gónó le e megef kul. Gotu le mulék edini eta yóm tonok tehe fasadu yó kem fù le ekni mò hlós nfun le.

Jirimaya 29:10

“Bè ktahuhen, na ye na hitu folò halay he nô bè Babilun. Kogolen bè yó, bud nwitu yu semfulék ne nmou bélê ye yó kem hyu deng fasadu kuy.

Jirimaya 30:4

Yó udél Dwata ebè yó kem tau bè Israél ne bè Juda, monen,

Jirimaya 31:16

Okóm ni, bud wen udél Dwata, monen, “Bê ye abay bud mkik, yakà wen yóm ofol blayu kuy. Angat le bud semfulék ebélê ye yó kem ngà ye lemwót le gu bè yóm tey benwu mayuk yó kem hohon ye.

Kem Lingón 126:4

Ó Dwata, bud hulékem ebélê me yóm tehe kehyu klowil me, lómón yóm kulón, bud gel hlelen yó kem él deng kti.

Isikél 34:13

Angat bud nwahu lu gu bè yó kem tólóng benwu gónó le nô ne gotu sentifunu lu ne bud nwitu lu semfulék ebè yóm hol kul benwu bè Israél. Hótóbu lu bè yó kem bulul bè Israél ne bè yó kem kilil él gónó le gel nô yó kem tau.

Sifanaya 2:7

Bè yó angat gónó le hótób ógóf le yó kem dù tau mowil bè Juda. Ke sok kifu gel le tungô bè yó kem gónô gtebel laen dù tauhen bè Askilun. Abay se yóm sana kul Dwata hol gónó mogot, là kô nan e klifót kul ne bud hen-guléken klowil le.”