Jirimaya 3:13 - Udél Dwata: Gna Kesfasad ne Lomi Kesfasad

¹³ Són olo nmò ye, hol henmóyô ye yóm deng kegsalà ye. Hen-gsel ye yóm deng kkogol ye dou, yóm sana kuy Dwata hol gónó mogot ne yóm deng kdà ye do lan ye gel tmaba ebè yó kem dwata lenbù nmò ye laan yó kem koyu lembang. Hen-gsel ye yóm là bud klolò ye do.’ Ou se yóm sana kuy Dwata hol gónó mogot nim mudél ni.”

Jirimaya 3:13 Referans Kwoze

Jirimaya 3:25

Deng tey kyak me ne ni laen dù bud madat kum, yakà deng tódô lenwóten du bè yó kem fù me ekni yóm tendo kmò me salà bè yóm sana kum Dwata hol gónó mogot. Balù udì se ke deng tô nimón me.”

Jirimaya 2:25

Ó kem tau Israél, bê ye là ngang kemtes yó kem dumu dwata efet gotu bolok snilas ye ne efet mékéng lem lihol ye. Okóm deng mom yó udél ye, ‘Là, là kô gbek me du ke là ktes me kul. Deng bong nawa me kul yó kem tólóng dwata ne ni ktes me lu.’ ”

Dwata 12:2

Bè yóm tonok nwa ye, gotu genbà ye lu yó kem gónó le gel tmaba ebè yóm kul dwata kéng yó kem tau bè yó, yóm deng hdà le ta tfusù yó kem bulul geta ne ta yó kem bulul lemnek ne laan yóm kdê koyu lembang.

Jirimaya 2:20

Yó bud mon yóm Dwata hol dandónen geta, “Ó kem tau Israél, deng tey legen ne yóm kekbê ye dou. Là kô nimón ye dou ne là se kô ye tmaba ebéléu. Tódô ket ta yó kem bulul geta ne ket laan yó kem koyu lembang gónó ye gel tmaba ebè yó kem dwata kéng. Lómó kmò ye dou lómón ke tau mdà yehen.

Jirimaya 14:20

Deng me gemsalà béléem, Dwata. Hen-gsel me ne yó kem salà me, gomong yóm salà yó kem tehe fù me. Deng me gotu gemsalà béléem yóm kdê me.

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Nihimaya 9:2

Tódô kdê yó kem tau Israél, gotu le hetsik gu bè yó kem tólóng tau nô lem blóng le ne yó nmò le, gotu le mdà ne gotu benkas le ebè Dwata yó kem salà le ne salà yó kem tehe fù le.

Jirimaya 14:10

Yó udél Dwata gbak ebè yó kem tauhen, monen, “Tey kóyô le du yóm kehlayuk le béléu ne là bud lolò le du yóm dou lan. Yó gónóm mon, là kô bud henmóyóu kul mò dou tau. Gtulón nawaw yóm kdê sidek deng gel nmò le, naw na tnafak lu bè yó kem salà le yó.”

Husiya 5:15

Ominu semfulék ebè yóm dou gónó nô ne tódô bayau lu efet dilô le yóm kegsalà le. Ke deng sidek keglayam le angat bud hnebel le o, ne bud le htóbóng béléu.”

Jirimaya 7:24

Okóm yó kem tehe fù ye yó, là kô hnungol le dou ne là se kô kenmón le do. Deng mom yó nmò le yóm sidek lemwót bè yóm kgel kulu le ne yó kem sidek gel nô bè nawa le. Són moen temnù yóm ksidek nmò le, deng lana yóm hyu tehe tonu bélê le.

Jirimaya 7:26

Okóm balù sotu bélê ye ke wen hmungol kul duhen ke kemmón kul. Mom hgel ye kulu ye ne knogol ye o senta yóm kul kkogol do yó kem tehe fù ye.