Jirimaya 3:12 - Udél Dwata: Gna Kesfasad ne Lomi Kesfasad

¹² Yó gónóm mon lemwóti ne, hol heglalagem bè yó kem tau Israél bè yóm kul benwu fi bwak, monem mò kul, ‘Ni se udél yóm sana kuy Dwata hol gónó mogot, Ó kem tau Israél, kem tau laen dù bud kehtahu le, bud ye semfulék ebéléu dé yakà tey kkoduhu kuy. Là bud lenbutu kuy ne.

Jirimaya 3:12 Referans Kwoze

Isikél 33:11

Okóm ni se udél yóm sana Dwata hol dandónen geta, monen mò kuy, ‘Yóm tulónu kuy ni, safau bélê ye hlanu bè yóm là katayu. Là kóe hligal du ke matay yóm sotu tau igoen tolo nô tahen yó kem salaen. Hyu nawaw ke tenfloken yóm kmoen sidek anì mowil. Ó kem tau Israél, tenflok ye ne yó kem sidek gel nmò ye. Moen de ke móyô ye kendel matay?’

Kem Lingón 86:15

Okóm yóm uu, Dwata, teyi kmodu, ne tey minggel nawahem, là mahili lembut. Yóm kbong nawahem kum, là kóen monol, ne teyi teneb bélê me.

Jirimaya 33:26

Là kô naw e kenbê kul yó kem sfu Jakub dalang se Dabid yóm tau tóbóng lówóhu. Angat wen néléku bè kun sfu Dabid mò mogot yó kem sfu Abraham, Isak ne Jakub. Yó nmou bélê le, angat bud huléku lu ebè yóm kul benwu ne tey kkoduhu kul bè yó.’ ”

Jirimaya 31:20

Yó bud udél Dwata, monen, “Ó Israél, uu se yóm ngà kenbong nawahu yóm hol gónón nô nawahu. Là gbeku du ke là tehe tnafaku kóm, okóm là kô kó nawahu kóm. Són uu yóm tendo nô bè nawahu ne tey kkoduhu kóm.

Jirimaya 3:22

“Ó kem ngà là mimón,” mon Dwata, “semfulék ye ebéléu dé anì kóhu bélê ye yóm nawa là mimón nô lem but blutut ye.” Ne yó balà le ke Dwata yó kem tau, mon le, “Tahu se, mulék me ebéléem ne ni, yakà uu du yóm kum Dwata hol gónó mogot.

Jirimaya 3:18

Bè yóm kdaw yó, angat le slomong mulék yó kem tau tehe lemwót bè Juda ne yó kem tau tehe lemwót bè Israél, mulék le gu bè yóm benwu fi bwak tehe gónó le e megef kul. Gotu le mulék edini eta yóm tonok tehe fasadu yó kem fù le ekni mò hlós nfun le.

Jirimaya 30:11

Yakà tendohe nô bélê ye naw e lenwà yu. Gotu genlau yó kem benwu deng gónów e semkla kuy. Okóm yó dum kuy là kô genlau kuy. Bede là kô gbeku du ke là tnafaku kuy. Là kô lugunu kuy là tnafak,” mon Dwata.

Jirimaya 23:8

Mom yó angat mon le, ‘Smafà me ebè yóm Dwata laen dù tul katayen, yóm deng mit kul semfulék yó kem tau Israél ebè yóm kul benwu, gu le bè yóm benwu fi bwak ne gu bè yóm kdê dumu benwu deng tehe gónón e hegef kul.’ Omin le yó he henek bè yóm hol kul benwu.”

Jirimaya 4:1

Yó udélen ebélê ye yóm sana kuy Dwata hol gónó mogot, monen, “Semfulék ye ebéléu, kem tau Israél. Ke gotu bot ye lu yó kem dwata kéng lenbù nmò alì kenbéu ne ke là bud lolò ye kul

Kem Lingón 145:8

Yóm Dwata gónó tekuy mogot, tey kbong nawahen tau, ne tey knoduhen lu. Là kóen mahil lembut, ne là kóen monol yóm kbong nawahen tau.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

2 Bok Kem Tau Hol Geta 18:1

Bè yóm getluhen halay kmamal bè Israél Husiya ngà Ila, yó bud tles kmamal bè Juda duhen Hisikaya ngà Ahas.

2 Bok Kem Tau Hol Geta 17:23

Efet gotu hdó Dwata lu bè soluhen yó kem tau Israél, lómón yóm deng eles htulónen yó kem tugoden ne yó kem tau tóbóng lówóhen. Yó gónóm mon, efet ni kmoen ni yó kem tau Israél sana tolo knô le bè Asirya yóm benwu tehe megef kul.

Dwata 30:2

Ne ke angat ye semfulék ebè Dwata dalang se yó kem semfu gu bélê ye ne ke hol lemwót bè nawa ye yóm kimón ye yó kem hloloen kuy yóm deng tulónu kuy kemdaw ni,

Husiya 6:1

Yó udél yó kem tau Israél, mon le, “Géhél ye ne, bud tekuy semfulék ebè yóm sana kut Dwata hol gónó mogot. Tehe hendesen tekuy, okóm angat bud bnulungen tekuy. Tehe hnalien tekuy, okóm angat bud bnausen yó kem halì tekuy.

Jirimaya 31:8

Tahu se,” mon Dwata, “angat bud nwitu lu semfulék lemwót gu tebwak ne bud sentifunu lu lemwót ditu bè són tonok. Angat le bud mung se kul yó kem tau butô ne yó kem tau tugô. Dalang se yó kem libun tolo mlutut ne yó kem libun móyón kmuleng blutut le. Angat tey kwen le bè yóm bud kesfulék le.

Jirimaya 3:14

“Ó kem tau là mimón, semfulék ye ebéléu ne. Ou se mfun kuy. Angat bud nwitu yu semfulék ebè yóm kuy benwu Israél lemwót gu bè yóm kdê benwu deng gónóhu e semkla kuy, sotu bélê ye angat lemwót bè yóó ne lewu se angat lemwót bè yóm benwu tuu.

Isaya 44:22

Yóm kkóhu du bélê ye yó kem salà ye hol lómón ke muku lobun kmou du. Bud ye semfulék ebéléu dé, ou se yóm lemwà kuy.

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Kem Lingón 103:17

Okóm bè yó kem tau wen klikò le ke Dwata, laen kô dù sónen yóm kbong nawa Dwata kul. Balù hilu bud lugod le, yó ne yóm kehyu nawan ebélê le

Kem Lingón 103:8

Tey kmodu yóm Dwata, ne tey bong nawahen tau. Là kóen mahil lembut, ne là monolen yóm kbong nawahen tekuy.

Kem Lingón 79:5

Ó Dwata, kegenen de yóm kebutem kum? Laen dù tul sónen ne kô? Yóm kélés nawam, kegenen de kkalen lómón kal ofi?

2 Tutul Israél 30:9

Abay se ke semfulék ye ebè Dwata, yó kem dumu ye ne yó kem ngà ye deng negef le, baling hyu kmò le ebélê le yó kem tau megef kul, ne angat le bud semfulék edini bè nim benwu ni. Abay se yóm sana kuy Dwata hol gónó mogot, tey hyu kmoen, ne hulung kmodu. Ke semfulék ye ebéléen, là kô bud knogolen kuy.”

2 Bok Kem Tau Hol Geta 17:6

Bè yóm gesyómen halay mogot benwu Husiya, gled yóm tau hol geta bè Asirya yóm syudad Samarya, ne gotu negefen etu bè Asirya yó kem tau Israél. Suen lu bè Hala, moni bè kilil Él Habor bè Gusan. Lemwót yó kem dumu, suen lu lem blóng yó kem tau bè syudad Midya.

Tekang Kbuten 4:7

Ke yóm hyu yóm dsuem, tedu duónu là hemmóyô du? Okóm lemwót bè yóm là kehyuhen, hol lómón ke wen salà mangat kóm bè bak autem anì nwiten uu. Tódô kenbéem dé anì là gmungi.”

Kem Lingón 103:9

Ke deng hnifóten yóm salà, là kô bud bentiken du, tódô mkó bè nawahen.

Jirimaya 11:6

Omin Dwata bud mon du, “Mógówi ebè yó kem benwu bè Juda ne ebè yó kem lan bè Jirusalim, heglalagem yóm udélu, ‘Hol hentulón nawa ye yóm deng tehe senfasad me yó kem tehe fù ye ne hol lolò ye yóm deng kul fasad dou.

Jirimaya 12:15

Okóm kogolen bè yó bude semfulék ebélê le, bud knoduhu lu yóm kdê le. Bud nwitu lu semfulék ebè yóm hol kul benwu, ket tau nuléken yóm kun tonok.

Lanu Jirimaya 3:22

duhen yóm kbong nawa Dwata tekuy laen kô dù nan e són. Lemwót bè kkoduhen tau là sulék le matay bè yóm tey kwen glumfak le.

2 Tutul Israél 29:10

Okóm ni hol lemwót lem but blututu yóm kmou fasad bè Dwata yóm Dwata yó kem tau Israél, anì mkó ta tekuy yóm alì kebuten.

Isaya 31:6

Yó udél Dwata, monen, “Yu kem tau Israél tey kegsalà ye béléu. Tey kekbê ye do. Okóm ni, yake mulék ye ebéléu ne.

Jirimaya 31:21

Bè yóm kewót ye ebè Babilun, mò ye ilô bè yóm lan lolò ye anì là tlas ye bè yóm bud kesfulék ye. Ó kem tau Israél angat ye bud semfulék ebè yó kem benwu gónó ye gu lemwót.

Sikaraya 1:4

Bê ye abay dnalang kul kmò yó kem tehe fù ye ekni, balù udì ke hnungol le yóm gel tulón le kul yó kem tehe gel tugodu elem blóng le, yóm tehe kmon le du mò kul, ‘Ni se udélen ebélê ye yóm Dwata laen dù là gbeken du, monen, Knogol ye ne yó kem sidek gel nmò ye, hol tenflok ye ne.’ Okóm balù udì ke hnungol le o duhen ke nimón le o.