Jirimaya 26:9 - Udél Dwata: Gna Kesfasad ne Lomi Kesfasad

⁹ Moen de ke hlanem bè boluy Dwata yóm tulónem angat hkélen bè kegbà Silu yóm angat kegbà yóm Gónô Dwata ni? Moen de ke gel monem angat meglà yóm syudad Jirusalim ni ne balù sotu tau ke wen bud menwu du?” Omin le gotu smibut ke Jirimaya yóm kdéen tau bè yó.

Jirimaya 26:9 Referans Kwoze

Kul Nmò 22:22

Tódô le gotu neb yó kem tau hmungol ke Pol efet gmonen yóm khógów Dwata du elem blóng yó kem tau là Ju le. Bè yóm kungol le du yóm yó, tódô le gotu segeng hetê, mon le, “Bê ye htahà klowilen. Hnatay ye dé. Bê ye hlowil tau ke lómónen yó.”

Kul Nmò 21:30

Bè yóm kesbeweg le yó, gefet bè yó kem dumu tau bè klamangen Jirusalim, omin le gotu mlóy etu. Tódô sensogot le Pol, ne senkteng le ete klósól yóm Gónô Dwata, ne henmung tnikeb le bengen.

Kul Nmò 13:50

Okóm tey keklit le kul le Pol yó kem Ju. Gotu nofong le yó kem tau wen glal le bè yóm syudad yó, dalang se yó kem libun boi là Juhen deng hemtahu bè Dwata anì kenbê le Pol ne Barnabas, ne hdó le lu bè yó.

Kul Nmò 6:14

Yó dumu gel gungol me monen,” mon le, “angat genbà yóm Jisas lemwót bè Nasarit kun yóm Gónô Dwata, ne tenlesen kun yóm adat tehe hlolò Musis kum.”

Kul Nmò 5:28

monen mò kul, “Deng tey mget kmon me du mò kuy hol bê ye abay bud sentbong yóm boluy Jisas. Ngem ni kun, deng mom lengeben Jirusalim gónón e mból yóm gel tolok ye. Lel ye tô hbut du eta me yóm katayen yóm tau yó.”

Kun Snulat Jan 8:59

Timbow gungol le yóm mon Jisas yó, omin le gotu mulut botu mò tô hatay tudà le du. Okóm tódô lana lem mata le Jisas, tnagaken yóm Gónô Dwata.

Kun Snulat Jan 8:20

Ni se udél Jisas bè yóm ktoloken bè Gónô Dwata igoen myón bè yóm dfél gónóhen nô yó kem kahun gónó le gel hemsù filak mò blay le ebè Dwata. Laen kô dù tau kemfô du, abay se là dengen kól du he yóm kdaw Dwata hemlus du.

Mark 15:11

Okóm yó nmò yó kem tau hol geta bè yó kem gel demsù ebè Dwata, nofong le yó kem tau sbung bè yó anì hni le bè Paylét Barabas.

Matyu 27:20

Okóm yó nmò yó kem geta bè yó kem gel demsù ebè Dwata ne yó kem tuha gónó le gel galak, nofong le yó kem tau sbung bè yó anì yó hni le Barabas, ne fen hfatay le Jisas.

Matyu 21:23

Bud mulék ebè Gónô Dwata Jisas. Yóm igoen tolo tmolok bè yó, sut le béléen yó kem geta bè yó kem gel demsù ebè Dwata ne yó kem tuha gónó le gel galak, mon le mò ke Jisas, “Wen kô kwalisem mò du ni kem deng nmoem bè ni? Tau du se bemlay kóm kwalis mò du?”

Mika 2:6

Yó mon le mò do yó kem tau, “Béi tmugod bélê me. Béem tulón kum yó kem sidek yó. Là kô heglumfak Dwata du kum yóm monem yó.”

Amus 5:10

Tey kutó nawa ye du yóm tau gel tedeng kukumen. Bud knutó nawa ye snéen yóm tau gel tmulón tahu bè kukum.

Jirimaya 9:11

Yó bud udél Dwata, monen, “Yóm syudad Jirusalim, angat gotu genbau yóm klamangen mò gónóhu lemuduk yó kem deng gbà, mò gónó le nô yó kem ohu lóbô lem bnes. Yó kem dumu benwu bè Juda angat gotu genbau, laen dù bud tau menwu du.”

2 Tutul Israél 25:16

Okóm yóm igoen tolo mudél, yóm tau Dwata yó, tódô kendel tenbleng yóm tau hol geta, monen, “Deng nélék me uu kô mò gónón hmungol hlau yóm tau hol geta? Béi abay bud mudél, déke hfatayu uu.” Duhen yó, tódô mulék yóm tugod Dwata yó, bede wen eles hetgamahen yóm tau hol geta, monen, “Tngónu deng eles nô bè nawa Dwata ne gemlà kóm bè nim nmoem ni, là kô dog hnungolem du yóm hlauhu kóm.”

Kul Nmò 3:11

Omin le Pitér lewu le Jan, hlós ebè yóm gónô hgolung tehe Selumun, igoen tendo mogot bélê le yóm tau tehe kihod yó. Ya tey ketnga yó kem dumu tau mton kul, tódô le gotu sguku mlóy ebélê le.

Kul Nmò 5:12

Tey dê hentaw ton gel nmò yó kem hógów Jisas lem blóng yó kem tau. Ne kdê yó kem hemtahu bè Jisas, gotu le gel stifun bè yóm gónô hgolung tehe hefdà Selumun bè Gónô Dwata.

Jirimaya 32:3

Bè ktahuhen, Sidikaya fen heblanggù du bè yó lan Jirimaya gel tmulón yóm udél Dwata yóm gel monen, “Ni se udél Dwata, monen, nim syudad ni angat blayu elem hólól yóm tau hol geta bè Babilun.

Jirimaya 33:10

Yó bud udél Dwata, monen, Yó gel mon ye, ‘Deng tey kehsidek le du yóm tonok ni. Laen dù bud tau tonem kkólen bè yó kem ógóf, deng le gotu lana.’ Okóm bè yó kem lan laen dù tauhen bè Jirusalim nim kmoen ni kkólen bè yó kem dumu benwu glem lem Juda, angat bud wen

Jirimaya 36:29

Tikóng deng ksulatem du tulónem yóm tau hol geta, monem, ‘Ni se udélen ebéléem yóm sana Dwata hol gónó mogot, monen, Yó gónóm mtem du yóm sulat lenulun, abay se tulónen lemen yóm angat kegbà yóm tau hol geta bè Babilun du nim benwu ni ne yóm kdê nô lemen.