Jirimaya 26:5 - Udél Dwata: Gna Kesfasad ne Lomi Kesfasad

⁵ ne ke là hnungol ye yóm udél yó kem tau tóbóng lówóhu, duhen yó kem tugodu yakà deng dê duléku du hetgama du kuy, okóm là kô dog hnungol ye kul,

Jirimaya 26:5 Referans Kwoze

Jirimaya 11:7

Bè yóm tehe kwitu kul hewà gu bè Idyip yó kem tehe fù ye, tendo eles gel hegbelu bè nawa le yóm kimón le do. Ne senged se bélê ye ni kmoen ni, tendo eles hegbelu bè nawa ye.

Jirimaya 7:25

Tódô lenwóten bè yóm kdaw tehe kehewà le gu bè Idyip yó kem tehe fù ye efet nim kmoen ni, són moen tendo wen kem tugodu mógów elem blóng ye.

Jirimaya 7:13

Igò ye mò du yó kem salà monu yó koni, sónmou se dou tendo semsulit mudél ebélê ye, okóm là kô ye dog móyô hmungol. Deng tnabahu yu anì wen eles hetgamahu kuy, okóm là kô na ye e bnalà dou.

Deng Hegfan 11:18

Tey sidek kebut le kóm yó kem tau là hemtahuhen, abay se deng hto ne yóm kóm kdaw tmafak kul, ne yóm butengem kmukum yó kem deng matay. Deng hto snéen yóm butengem bemlay ofol bè yó kem tau tehe tóbóng lówóhem, duhen yó kem tehe tugodem, dalang se yóm kdê tau kmikò kóm, lemwót bè yó kem tau hol geta kólen bè yó kem tau glaan. Deng hto snéen yóm butengem gemlà kul yó kem tau deng tehe mamà tonok.”

Deng Hegfan 10:7

Sok mféw yóm ghitu hógów Dwata, tódô nmò Dwata ne yóm atul tehe bunihen ekni, yóm tehe fasaden bè yó kem tehe tugoden, yó kem tau tehe mò tóbóng lówóhen.”

Sikaraya 1:6

Okóm tódô kdê yó kem hetgamahu kul hlanu bè yó kem tehe tóbóng lówóhu, duhen yó kem tugodu ekni, deng gotu gefet bè yó kem tehe fù ye. Omin le yó hegsel, mon le, ‘Ni se balà Dwata du yóm gel nmò tekuy yóm Dwata laen dù là gbeken du. Deng dnohoen yóm tehe deng monen.’ ”

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.

2 Bok Kem Tau Hol Geta 24:2

Yó nmò Dwata, hwiten yó kem sendalù Babilun ne kem sendalù Aramiyan ne kem sendalù Muabayt ne kem sendalù Amunayt mò gembà yóm benwu Juda, hol lómón yóm tehe eles htulón Dwata yó kem tehe tugoden ekni, duhen yó kem tau tóbóng lówóhen.

2 Bok Kem Tau Hol Geta 17:23

Efet gotu hdó Dwata lu bè soluhen yó kem tau Israél, lómón yóm deng eles htulónen yó kem tugoden ne yó kem tau tóbóng lówóhen. Yó gónóm mon, efet ni kmoen ni yó kem tau Israél sana tolo knô le bè Asirya yóm benwu tehe megef kul.

2 Bok Kem Tau Hol Geta 17:13

Igò Dwata deng tendo semsulit eles hetgama yó kem tau bè Israél ne yó kem tau bè Juda hlanen bè yó kem tugoden ne bè yó kem tau gel wen htonen kul, monen, “Knogol ye ne yó kem sidek gel nmò ye, ne hol lolò ye yó kem hlauhu kuy ne yó kem hlolou kuy, yóm tehe hlolou yó kem tehe fù ye mò hol nimón le, yóm deng htulónu yó kem tugodu ne yó kem tau tóbóng lówóhu bélê ye.”

Jirimaya 29:19

Yó gónón lómón yó kmou kul, abay se là kô hnungol le dou balù yóm tendo kessulitu mudél ebélê le hlanu bè yó kem tugodu. Ne balù yu, yó kem tau negef le ebè benwu mayuk, là kô hnungol ye dou snéen,’ ” mon Dwata.

Jirimaya 32:33

Deng knogol le ou yóm kdê le là bud le móyô semfulék. Tódô senflósu tmolok kul yóm hyu, tnódónem là kô le móyô hmungol, là kô le móyô mimón.

Jirimaya 35:15

Són moen wen kem tugodu hógówu elem blóng ye anì hol tebel ye yó kem sidek gel nmò ye ne tenflok ye tmaba ebè yó kem dwata kéng anì menek klowil ye ta yóm tonok blayu kuy dalang se bè yó kem tehe fù ye. Okóm là kô hnungol ye dou ne là se kô nimón ye do.

Jirimaya 35:17

Yó gónóm mon, ni se udél yóm Dwata laen dù là gbeken du, yóm Dwata yó kem tau Israél, monen, Lemwót bè yóm là kóyô ye hmungol dou ke tnabahu yu, tenbóhu eta yó kem tau bè Juda ne eta yó kem tau bè Jirusalim kdê yó kem hlayam deng eles bantaku kul.”